Արևմտահայ գրականության օրեր

Նախագծի տևողությունը՝ նոյեմբերի 7-13

Մասնակիցներ՝ 5-6-7 -րդ դասարանների սովորողներ

Նախագծի նպատակը՝ ծանոթանալ արևմտահայերենին, արևմտահայ հեղինակներին, նրանց ստեղծագործություններին, հարստացնել սովորողների բառապաշարը, զարգացնել վերլուծելու- ստեղծագործելու կարողությունները:

Նախագծի ընթացքը

Ընտրել բանաստեղծություններ, փոքրի արձակ ստեղծագործություններ արևմտահայ տարբեր հեղինակներից:

Կարդալ, ծանոթանալ արևմտահայերենին: 

Ստեղծագործությունների քննարկում-վերլուծություն:

Արդյոք կարդո՞ւմ են արևմտահայ հեղինակներին. ռադիոնյութ-ուսումնասիրություն: 

Վերլուծական ստեղծագործությունները հրապարակել բլոգներում:

Պատրաստել աուդիոնյութեր կամ տեսանյութեր, հրապարակել բլոգներում:

Արդյունքում կստեղծվեն աուդիոնյութեր, տեսանյութեր և բլոգային վերլուծական նյութեր:

Առաջադրանքներ

5-րդ դասարան

Դանիել Վարուժան ,,Լուսնին,,

1. Բառերն ու բառակապակցությունները դարձրո՛ւ արևելահայերեն

Քեզի, կը տանիմ, կերթաս, հյուղակներուն խավարին, դույլերու մեջ արծաթի:

2. Համեմատի՛ր բանաստեղծության քառյակները, ի՞նչ ընդհանրություն նկատեցիր:
3. Բանաստեղծության ո՞ր տողի, ո՞ր բաեի մեջ է խտացված հերոսի տրամադրությունը:

4. Պատմի՛ր բանաստեղծության հերոսի մասին:

Միսաք Մեծարենց ,,Անանուն,, 

1. Բառերն ու արտահայտությունները դարձրու արևելահայերեն՝ցայտք մը,  քիչ մը գեթ, ըսե, չես դողար, զոր քեզ տվավ հովիկ, զիս կը կանչե:

2. Բացատրի՛ր մակդիրները՝ վայրի ծաղիկ,  հպարտ ծաղիկ, կաթ ու մազտաքե բուրող ծաղիկ:

3. Պատմի՛ր քննարական հերոսի մասին /ինչպե՞ս է տեսնում շրջապատող աշխարհը, ինչպես է պատմում այդ մասին/:

Համաստեղ ,,Նապաստակի մը օրագիրը,,

1. Փորձիր ներկայացնել մեկ այլ կենդանու աշխարհ:

2. Գրի՛ր քո օրագիրը՝ ուշադրություն դարձնելով

Ա. Օրվա հիշարժան պահերին

Բ. Օրվա յուրահատուկ լինելուն

Գ. Հումորին և երևակայությանը:

Զահրատ ,,Մայմուն,,

1. Պատրաստի՛ր այս բանաստեղծության մեդաֆիլմը:

6-րդ դասարան

Դանիել Վարուժան ,,Հասուն արտ,,

1. Բառերն ու արտահայտությունները արևելահայերեն դարձրո՛ւ՝  հագեր են, բռնկեր է, ծղոտներուն տակ, քիստերուն մեջ:

2. Բացատրի՛ր փոխաբերությունները

Ա. Արտս ոսկուն է:

Բ. Երկինքն է կրակ:

Գ. Քառաշար հասկեր քառաշար սաթով արև են հագել:

3. Ինչի՞ մասին է բանաստեղծությունը:

4.Դուրս գրի՛ր գույն արտահայտող բառերն ու բառակապակցությունները,ո՞րն է բանաստեղծության մեջ գերիշխող գույնը, ինչո՞վ է դա պայմանավորված:

5. Բանաստեղծությունն ի՞նչ տրամադրություն է արտահայտում:

 Վահան Թեքեյան ,,Փափագ,,

1. Բառերն ու արտահայտությունները դարձրո՛ւ արևելահայերեն՝զայն, հոգվույն, հեռուեն, անուշ հոգի մը ըլլար:

2. Տրված փոխաբերությունները բացատրի՛ր:

Ա. Ան սրտիս մեջ ցոլանար իր լույսերովը անշեջ:

Բ. Հոգիիս մեջ միայն զայն գրկեի:

3. Բնութագրի՛ր քննարական հերոսին:

4. Բանաստեղծության մեջ ի՞նչ տրամադրություն է արտահայտված:

Մատթեոս Զարֆյան ,,Ան չէ,,

Արձակ փոխադրի՛ր բանաստեղծությունը՝ խոսելով հերոսի և նրա տրամադրության մասին:

Զ. Խրախունի ,,Մայրամուտ,,

Գրի՛ր շարադրություն ,,Մայրամուտ,, վերնագրով:

Բացատրի՛ր, թե ինչ է ուզում ասել բանաստեղծը: 

7-րդ դասարան

Միսաք Մեծարենց ,,Վայրկյան,,

1. Գտիր հերոսուհուն նկարագրող պատկերները:

2. Գտիր հերոսի զգացումը նկարագրող բոլոր պատկերները:

3. Բացատրի՛ր պատկերը:

Ուր հեշտորեն կհածի դեռ իմ մենիկ, 

Սիրտս՝ բոց մը, մթնշաղին մեջ անհետ: 

4. Բանաստեղծության մեջ ինչն է իշխում՝ պատկե՞րը, խո՞հը, զգացո՞ւմը, թե՞ մի այլ բան: Պատասխանդ պատճառաբանիր:

Մատթեոս Զարիֆյան ,,Երջանկություն,, 

1. Բացատրի՛ր տրված մակդիրները՝ մտերիմ արև, արևի ոսկեղեն հոգի:

2. Բացատրի՛ր պատկերը՝ Ու վարդեր կերևին, Արևի ոսկեղեն հոգին:

3. Բանաստեղծության մեջ ինչպիսի՞ տրամադրություն է արտահայտված:

4. ա. Կարդա՛ նախադասություն առ նախադասություն՝ առանց առանձնացնելու /արտահայտելու/ բանաստեղծության տողերը:

բ. Կարդա՛ տող առ տող՝ ցույց տալով բանաստեղծության ռիթմը:

Ի՞նչ է տալիս բանաստեղծության այդպիսի կառուցվածքը:

5. Համեմատիր առաջին և վերջին երկտողերը և բացատրի՛ր տարբերության նշանակությունը:

Հակոբ Պարոնյան ,,Մեծապատիվ մուրացկաններ,,

Վահան Թեքեյան ,,Ես սիրեցի,,

Միսաք Մեծարենց ,,Աքասիաներու շուքին տակ,,