среда, 12 декабря 2018 г.

Սուրբ Ծննդյան գիշերը Չարլի Չապլինի գրած նամակը դստերը՝ Ջերալդինային

Դստրիկս,
Հիմա գիշեր է: Ծննդյան գիշեր: Իմ փոքրիկ ամրոցի բոլոր անզեն պահապանները քնել են: Քնած են և եղբայրդ ու քույրդ: Նույնիսկ մայրդ արդեն քնել է: Ես քիչ մնաց արթնացնեի այդ նիրհող թռչնակներին` մինչև կհասնեի իմ այս աղոտ լուսավորված սենյակը:
 Ինչքան հեռու եմ քեզանից, բայց թող կուրանան աչքերս, թե քո պատկերը , թեկուզ մի ակնթարթ, հեռանում է աչքիս առաջից: Նա այնտեղ է, իմ սեղանին, այստեղ` սրտիս մեջ: Այդտեղ, հեքիաթային Փարզում, դու պարում ես փառահեղ թատրոնի բեմահարթակի վրա, Ելիսեյան դաշտերում: Ես դա լավ գիտեմ, և ինձ թվում է, գիշերվա այս լռության մեջ լսում եմ քո քայլերը, տեսնում եմ քո աչքերը, որ փայլում են ինչպես աստղերը ձմեռային գիշերում: Ես լսել եմ, որ դու այդ տոնական ու շողշողուն ներկայացման մեջ կատարում ես դերը պարսկական գեղեցկուհու, որը գերված է թաթարական խանից:Գեղեցկուհի՛ եղիր և պարիր, ա՛ստղ եղիր և փայլիր, բայց եթե հանդիսատեսի ցնծությունն ու շնորհակալության խոսքերն արբեցնեն քեզ, եթե գլուխդ պտույտ գա քեզ ընծայված ծաղիկների բույրից, ապա քաշվիր մի անկյուն և կարդա իմ նամակը, ունկնդիր եղիր հորդ ձայնին.

вторник, 11 декабря 2018 г.

Մասնախմբի դեկտեմբերյան պարապմունք

Դեկտեմբերի 12, ժամը՝ 15:15
Վայրը՝ Ավագ դպրոց,  3-4 սենյակ 

Բլեյանի կրթական բաց ցանց, «Ուսումնական Գյումրի», «Ուսումնական Արագածոտն», «Ուսումնական Վայոց ձոր» նախագծեր
  • Իրականացրած և շարունակվող նախագծեր, արդյունքներ, առաջիկա նախագծեր 
  • Օրը Գյումրիում, գյումրեցիների հետ. նախագիծ : Կրթական փոխանակումներն, անելիքներն 2019-ին: 
  • Այլ հարցեր 
Լուսաբանման պատասխանատու՝ Հասմիկ Պողոսյան 

понедельник, 10 декабря 2018 г.

Սուրբ Ծնունդի օրվա առավոտը

Նա վեր թռավ քնից միանգամից: Ժամը չորսն էր. դա այն պահն էր, երբ հայրը միշտ արթնացնում էր իրեն`միասին կթելու կովերը: Զարմանալիորեն պահել էր իր մանկության օրերի սովորությունը: Հիսուն տարի անց, երբ հայրն արդեն երեսուն տարի էր չկար, արթնանում էր ճիշտ ժամը չորսին: Նա թեև վարժվել էր շուռումուռ գալուց հետո քնել նորից, բայց այդ օրը Ս. Ծնունդ լինելով՝ աչքին քուն չէր գալիս:
Ի՞նչն էր նրան դրդում արթուն մնալ այդ գիշեր. մտքով ետ գնաց ժամանակի խորքը, մի երևույթ, որն հաճախ էր կրկնվում նորերս: Տասնհինգ տարեկան էր ու դեռևս ապրում էր հոր ագարակում: Սիրում էր հորը, թեև դա չէր ընկալել մինչև Ս. Ծնունդին քանի օր մնացած մի գիշեր, երբ ակամայից ունկնդիր եղավ հոր խոսքերին՝ ուղղված մորը.

Գնահատման վերաբերյալ

Գնահատման վերաբերյալ մտորում են սովորողները.

Ես կարծում եմ, որ սովորողը չպետք է ինքն իրեն գնահատի, բայց պետք է կարողանա իրեն գնահատել։ Եթե ուրիշ տեսանկյունից նայենք այս ամենին, սրանք տարբեր բաներ են։ Սովորողը պետք է կարողանա գնահատի, բայց երբեմն սովորողը սխալ է հասկանում առաջադրանքը կամ սխալ կատարում։ Այդ ժամանակ պարտադիր պետք է մոտենա ուսուցչին։ Քանի որ նա կարող է իրեն բարձր գնահատել, և դրա հետ մեկ տեղ սխալ կատարել վարժությունը։ Իմ կարծիքով, իննը բալանոց համակարգը ամենահարմարն է։ Քանի որ իմ տեսակետից հնարավոր չէ հինգ բալի մեջ տեղավորվել։ Մի քանի դպրոցներում գնահատականները տառերով են նշանակում։ Օրինակ A — ն ամենաբարձրն է , այսինքն 10 — ը։ F — ը 2 — ն է։ Այս գնահատման համակարգը ինձ շատ է դուր գալիս։ Դե քանի որ ես սիրում եմ փոփոխություններ, այդ պատճառով սա ինձ համար հետաքրքիր նորություն կլիներ։ Ափսոս այս գնահատման համակարգը միայն արտասահմանում է օգտագործվում։ 

четверг, 6 декабря 2018 г.

Վերապատրաստման հերթական փուլը

Վերապատրաստումը սկսեցինք առավոտյան՝ Սուրբ Երրորդություն եկեղեցու բակից, երբ հանդիպեցինք Տավուշի, Արմավիրի մարզի դասավանդողներին: Այնուհետև միասին քայլեցինք Հյուսիսային դպրոց՝ միաժամանակ ծանոթանալով Բանգլադեշին: 
Հյուսիսային դպրոցի տաք սրահում առավոտյան ընդհանուր պարապմունք էր, որին ընդգրկվեցին նաև վերապատրաստվողները, այնուհետև շրջեցին կրտսեր դպրոցում և ծանոթացան դպրոց-պարտեզ մոդելին: Իսկ ,,Հարթակ ,, ակումբում հանդիպեցին կրթահամալիրի տնօրեն Աշոտ Բլեյանին, որտեղ խոսեցինք մանկավարժության, միջավայրի և մի շարք այլ հարցերի շուրջ, տիար Բլեյանը պատասխանեց նաև մասնակիցների հարցերին: 

среда, 5 декабря 2018 г.

Քարն ու ճանապարհը

Կար-չկար , աշխարհում մի մեծ ու գեղեցիկ քար կար: Նրա մոտով հոսող առուն փայլելու աստիճան հղկել էր նրա կողքերը, որոնք փայլում էին արևի տակ: Բայց ժամանակի հետ առուն չորացավ, իսկ քարը շարունակում էր բլրակին պառկած մնալ: Նրա շուրջը լայնարձակ տարածություն էր բարձր խոտերի ու դաշտային վառ ծաղիկների համար:
Վերևից շատ լավ երևում էր ներքևում անցնող սալարկված ճանապարհը, որի եզրին խճաքարերի ու գլաքարերի կույտն էր: Առանց ուրախ առվակի սովորական խոխոջյունի մենակ մնացած քարը սկսեց ավելի ու ավելի հաճախ նայել ներքև՝ ճանապարհին, որտեղ մշտական աշխուժություն էր տիրում: Մի անգամ նա այնքան տխուր էր, որ չդիմացավ ու բացականչեց.
-Ամբողջ կյանքս հո միայնակ չեմ անցկացնելու: Խոտերից ու ծաղիկներից ի՞նչ օգուտ: Շատ ավելի խելամիտ է կողք կողքի ապրել իմ եղբայրակիցների հետ բանուկ ճանապարհի վրա, որտեղ կյանքը եռում է:

вторник, 4 декабря 2018 г.

Սովորականն ամենաանսովորն է

Գարնանը գետակը դուրս պրծավ լեռների արանքից ու քչքչալով վազեց ներքև:
-Ես ամենա-ամենան եմ,- ասում էր գետակը, թեկուզ չէր հասկանում թե դա որն է: Գետակը շատ երիտասարդ էր և կարող էր սիրված լինել, նույնիսկ ամենից շատՆրա առջև անտառն էր, հետո դաշտը, հետո էլի անտառ և էլի դաշտ և էլի լիքը-լիքը զարմանալի, գեղեցիկ ու նաև դժվար բաներ այն մեծ աշխարհում, որում այդքան ուրախ թռվռում էր գետակըԻսկ որպեսզի ճանապարհին գետակը դիմանա և կարողանա հասնել կապույտ հիասքանչ լճին, նա պետք է անցնի երաշտի ու տարափի միջով, հագեցնի մարդկանց ու կենդանիների ծարավը, պտտեցնի ջրաղացի անիվը, համարձակ ջրվեժի տեսքով ներքև թափվի, միանա իր պես գետակներին ու ընթանա դեպի Ծո՜վը

воскресенье, 2 декабря 2018 г.

Ածելին

Մի վարսավիր արտասովոր գեղեցիկ ածելի ուներ: Ածելին գործի մեջ էլ իրեն հավասարը չուներ: Մի անգամ, երբ վարսավիրանոցում հաճախորդներ չկային, իսկ տերն ինչ-որ տեղ էր գնացել, ածելին մտքին դրեց գնալ աշխարհը տեսնելու և իրեն ցույց տալու: Սուր սայրն ագուցարանից դուրս բերելով, ինչպես սուսերն են պատյանից հանում, և հպարտորեն ձեռքերը կանթելով՝ նա գարնանային մի գեղեցիկ օր դուրս եկավ զբոսանքի:
   Ոտքը շեմից դուրս դնելուն պես պայծառ արևը սկսեց փայլփլել նրա պողպատյա հղկված սայրին, և արևի շողերիանդրադարձումները ուրախ վազվզեցինբակի տների պատերին: Այդ չտեսնված տեսարանից կուրանալով՝ ածելին այնպիսի աննկարագրելի ցնծության մեջ ընկավ, որ տեղնուտեղը լցվեց անսահման գոռոզությամբ:

суббота, 1 декабря 2018 г.

Ընթերցողի օրագիր

Մասնակիցներ՝ 6-7-րդ դասարանի սովորողներ
Ժամանակահատվածը՝ շուրջտարյա
Նպատակը՝ 
  • Խթանել ընթերցանությունը
  • Ընթերցանության միջոցով զարգացնել բառապաշարը, հաղորդակցական հմտությունները
  • Աշխարհայացքի ձևավորում 
  • Հնարավորություն տալ սովորողին ընթերցել այն, ինչ ցանկանում է:

Ուսումնական Արագածոտն. Հարթավան, Եղիպատրուշ

Ճամփորդության մասնակիցներ՝ 6-7-րդ դասարանի սովորողներ
Ճամփորդության օրը՝
Ճամփորդության երթուղին՝ Երևան-Հարթավան-Եղիպատրուշ-Երևան
Պատասխանատու՝ Տաթև Աբրահամյան

Ճամփորդության նպատակը՝

  • Գործընկերային հարաբերությունների ստեղծում, կրթական փոխանակումների իրականացում
  • Գյուղի կենցաղը, մարդիկ. ուսումնասիրություն 
  • Գյուղի բնակիչների, սովորողների հետ հայրենագիտական քայլք գյուղում. ճանաչում ենք քայլքով
  • Ուսումնական մառան, Ուսումնական ձմեռ նախագծեր

четверг, 29 ноября 2018 г.

Մանուշակը Հյուսիսային բևեռում


Մի առավոտ Հյուսիսային բևեռում արթնացավ մեծ, սպիտակ արջը: Արթնացավ, ու առաջին հերթին, սկսեց հոտոտել օդը: Հոտոտեց այս կողմը՝ ոչ-մի հոտ չառավ, հոտոտեց մյուս կողմը եւ հանկարծ զգաց, որ մի տարօրինակ, անծանոթ հոտ առավ:
_
Հըմ…_ փնթփնթաց արջը, դառնալով իր կին-արջին._ Չլինի՞ թե մի որևէ արշավախումբ է եկել այստեղ:
Բայց այդ րոպեին արջի քոթոթները գտան մոտերքում մի կապույտ մանուշակ: Դա մի փոքրիկ մանուշակ էր, բարալիկ ցողունով: Նա դողում էր ցրտից, բայց շարունակում էր արիաբար բուրմունք արձակել, որովհետեւ այդ նրա պարտականությունն էր:
_
Մայրի՜կ, հայրի՜կ,_ գոչեցին քոթոթները:

Արևի նման նայեցեք աշխարհին

Իմ նոր հայրենիք, հզոր հայրենիք

Ու ես ուզում եմ  20 տարեկան դարձած «Լուսապասակ»-ի 2018-ի հոկտեմբերի 5-ի համարում Արթուր Շահնազարյանի «Հայրենիք և ազատություն» հրապարակումը  շարունակել իմ բլոգում՝ որպես իմ 1482-րդ գիր-պատում։ Իսկ կոմիտասագետ-հայագետ-կոմպոզիտոր Արթուր Շահնազարյանի, ումից, գիտեք, ակնածում եմ, հրապարակումը, սրտի խոսքը, անպայման կարդացեք։

среда, 28 ноября 2018 г.

Հացը

Իմ հայրիկը կացինն առել, գնում էր գոմ սարքելու։ Իմ մայրիկը գոգնոցը կապել, գնում էր հանդ՝ կարտոֆիլ հավաքելու։ Իմ հորեղբայրը եղանն ուսել, գնամ էր սարերում խոտ դիզելու։ Բակում, արևի տակ, ես նստել էի կոճղին և հաց ուտելով կարդում էի քաջագործությունների մասին մի գիրք։
Օրը կիրակի էր։ Դպրոցում հայերենից ես պայծառ «գերազանց»-ներ էի ստանում, ռուսերենից, մաթեմատիկայից, աշխարհագրությունից, բոլոր առարկաներից ես ստանում էի պայծառ «գերազանց»-ներ։ Քաջագործությունների մասին գիրքը լավ գիրք էր։

вторник, 27 ноября 2018 г.

Մարդիկ, որոնք ինձ դուր են գալիս


Ինձ դուր են գալիս մարդիկ, որոնք բաբախում են, որոնց հարկ չկա մղել ինչ-որ բանի, որոնց պետք  չէ ասել, որ ինչ-որ բան անեն, որովհետև գիտեն, թե ինչ  է պետք  անել և հենց այդպես էլ անում են:
 Մարդիկ, որոնք «մշակում են»  են  իրենց երազանքները, այնքան, մինչև որ այդ երազանքները  տիրանում են իրենց իսկ իրականությանը: Ինձ դուր են գալիս մարդիկ, որոնք ունակ են իրենց քայլերով իրենց վրա վերցնել հանգամանքները, մարդիկ, որոնք  վտանգում են իրականն ու անիրականը երազի հետևից գնալու համար, որոնք իրենց թույլ են տալիս փախչել  խելամիտ խորհուրդներից՝ լուծումները թողնելով Աստծո ձեռքերում:

воскресенье, 25 ноября 2018 г.

Փոքրիկ սիրտս ո՞ւմ նվիրեմ

Ես մի փոքրիկ սիրտ ունեմ: Շատ փոքրիկ, շա՜տ-շա՜տ փոքրիկ:
— Մարդու սիրտը չպետք է դատարկ մնա, – ասում է տատիկը, – եթե դատարկ մնա, դատարկ ծաղկամանի նման տգեղ կլինի և մարդուն ցավ կպատճառի:
Ահա, հենց այդ պատճառով էլ երկար ժամանակ է՝ մտածում եմ՝ այս փոքրիկ սիրտը ո՞ւմ նվիրեմ: Այսինքն՝ ո՞ւմ պետք է սրտիս մեջ տեղավորեմ, որ բոլորից լավը լինի: Ճիշտն ասած՝ ախր, չգիտեմ՝ ինչպես ասեմ…Սիրտս ուզում է՝ այս ամբողջ-ամբողջ, փոքրիկ-փոքրիկ սիրտս՝ մի փոքրիկ, սիրուն տնակի պես, մի այնպիսի մեկին նվիրեմ, որին շա՜տ-շա՜տ եմ սիրում…կամ…չգիտեմ…մեկին, որ շատ լավն է: Մեկին, որ իսկապես արժանի է իմ շատ փոքրիկ եւ մաքուր սրտի մեջ տնակ ունենալու: Ճիշտ եմ ասում, չէ՞։
— Սիրտը հյուրանոց չէ, որ մարդիկ գան, մի երկու-երեք ժամ կամ մի երկու-երեք օր այնտեղ մնան ու հետո գնան, – ասում է հայրիկը, – սիրտը ճնճղուկի բույն չէ, որ գարնանը շինվի, իսկ աշնանը քամին այն իր հետ քշի ու տանի…

Ծիսական Ամանոր

Նախագծի իրականացման ժամանկահատվածը ՝ դեկտեմբերի 10-25 
Մասնակիցներ՝ 6-7-րդ դասարանի սովորողներ 
Նպատակը 
  • ծեսի ստեղծում, իրականացում՝ ծիսական բոլոր բաղադրիչներով 
Ընթացքը 
  • ուսումնասիրում ենք Ամանորի ծիսական ավանդույթները 
  • ծիսական տիկնիկներ
  • ծեսի ծառ
  • ծիսական ատրիբուտներ 

Ամանորի ընթերցարան


Ամանորյա  ընթերցումներ 
Մասնակիցներ՝ 6-7-րդ դասարանի սովորողներ 

Նպատակը՝
  • Կազմակերպել քննարկումներ 
  • Զարգացնել սովորողների վերլուծական-քննադատական մտածողությունը
  • Հարստացնել սովորողների բառապաշարը
  • պատրաստել մեդիանյութեր
Ընթերցման համար նախատեսված նյութերի փաթեթ

Դեկտեմբեր ամսվա նախագծեր (2018-2019 ուս. տարի)

Նախագծեր 




Ճամփորդական նախագծեր 
Ուսումնական Արագածոտն. Ծաղկաշեն 


Շուրջտարյա նախագծեր 
Թարգմանչական նախագիծ. Պատուհան բլոգ 
Ընթերցումներ 
Ռադիոնախագիծ