Բառարանային ֆլեշմոբ

Նկարագրությունը։ Տարիներ շարունակ ստեղծվել և շարունակում են ստեղծվել տարատեսակ բառարաններ։ 21-րդ դարում, տեխնոլոգիական զարգացմանը զուգընթաց, բառարանները դարձել են հեշտ հասանելի՝ բազմաթիվ օնլայն հավելվածների շնորհիվ։ 

Առաջին բառարան գրողներից էր Մխիթար Սեբաստացին, ում ծննդյան օրը՝ փետրվարի 7-ին, կրթահամալիրում ավանդաբար իրականացվում է «Բառարանային ֆլեշմոբ» նախագիծը։ 

Նպատակը։ Նախագծի նպատակն է սովորողներին ծանոթացնել բառարանների, բառարանների տեսակների հետ, ձևավորել բառարաններից օգտվելու հմտություններ։ Սովորողների հետ միասին ստեղծել փոքրիկ անհատական բառարաններ՝ տերյանական, չարենցյան, թումանյանական, բարբառային, էպոսյան, սեբաստացիական, համացանցային և այլն։ 

Խնդիրներն են սովորողների մոտ խթանել բառարաններից օգտվելու հմտությունների ձևավորումը, կարողանալ ինքնուրույն գտնել լեզվական միավորների մասին տեղեկություններ։ 

Ժամանակացույցը։ Ըստ ուսումնական օրացույցի «Բառարանային ֆլեշմոբ» նախագիծն իրականացվում է փետրվա ամսին։ Կապվում է Մխիթար Սեբաստացու ծննդյան օրվա հետ՝ փետրվարի 7-ին, սակայն  նախագծային աշխատանքները կարող են շարունակվել ամբողջ փետրվար ամսվա ընթացքում։ 

Մասնակիցներ։ Նախագծին կարող են մասնակցել  դասավանդողներ, տարատարիք սովորողներ, ընտանիքներ, գործընկեր դպրոցներ, այլ ցանկացողներ։  Նախագիծը բաց է։ 

Իրականացման ընթացքը՝

• նախագծի քննարկում սովորողների հետ, առաջարկությունների գրանցում, 
• անելիքների ճշգրտում, աշխատանքի բաժանում, 
• համացանցից բառարանների մասին տեղեկությունների փնտրում, ուսումնասիրում, 
• բառարանների տեսակների ուսումնասիրում, 
• ինչպե՞ս օգտվել բառարաններից, ուսումնասիրություն, ի՞նչ օնլայն բառարաններ կան,
• անհատական տարատեսակ  բառարանների պատրաստում, 
• տարբեր բառարանների վերաբերյալ հետաքրքիր տեսանյութերի պատրաստում, 
• նախագծային այլ աշխատանքներ, 
• պատրաստի արդյունքների հանրայնացում՝ հրապարակումների միջոցով, 
• արդյունքների հրապարակում կայքում, ենթակայքերում, ուսուցչի և սովորողների բլոգներում։ 

Աշխատանքային ուղղություններ ՝

• աուդիոնյութերի, տեսանյութերի ստեղծում, 
• տարաբնույթ թեմաներով էլեկտրոնային բառարանների ստեղծում, 
• վարպետության դասեր, 
• ուսումնասիրություններ։ 

Թեմաներ ՝

• կոնկրետ բառարանների, բառարանների տեսակների մասին հետաքրքիր տեսանյութերի պատրաստում, 
• բառարանի ընթերցում, ընտրված բառերի ներկայացում, 
• ինչպե՞ս օգտվել էլեկտրոնային բառարաններից, ի՞նչ էլեկտրոնային բառարաններ կան․ ուսումնական տեսանյութերի պատրաստում , 
• սոցիալական կայքերի լեզվի բառարանի ստեղծում, 
• տերյանական բառերի բառարան, 
• թումանյանական բառերի բառարան, 
• չարենցյան բառերի բառարան,
• սեբաստացիական կրթահամալիրյան բառերի բառարան, 
• ծիսական բառերի բառարան,
• բարբառային բառերի բառարան, 
• տարօրինակ բառերի բառարան ,
• օտարաբանությունների բառարան ,
• կոմիտասյան և ազգային երգերի բառերի բացատրական բառարան,
• համացանցային բառերի  բառարան, 
• այլ նախաձեռնություններ ։ 

Ակնկալվող արդյունքներ / անհատական, խմբային, ընտանեկան/

• պատրաստի տարատեսակ բառարանների հրապարակում , 
• ուսումնական տեսանյութեր՝ բառարանների տեսակների վերաբերյալ, 
• բառարաններից օգտվելու հմտությունների տեսագրություններ։ 

Օգտակար կայքեր, կայքէջեր՝

• nayiri.com (բառարանների պահոց)
• Բառարան
• Բառարանագրություն

 Նախագծի արդյունքների ներկայացում՝

• Հրապարակումներ բլոգներում, կայքերում։ 

Արդյունքներ ՝

• Հասմիկ Ղազարյանի նախագիծը և նախագծի արդյունքները։