воскресенье, 24 февраля 2019 г.

Փետրվարյան վերապատրաստումների հաշվետվություն

Փետրվար ամսվա օրացույցով վերապատրաստումների օրերը.
  • նախադպրոցական հաստատությունների աշխատողների վերապատրաստում. փետրվարի 18-22
  • դասվարների, երաժշտության ուսուցիչների-դաստիարակների, տեխնոլոգիայի-կերապարվեստի ուսուցիչների, կազմակերպիչների, գրադարանավարների վերապատրաստում. փետրվարի 20-22
Բոլոր վերապատրաստումները միևնույն շաբաթվա ընթացքում կազմակերպելը տեխնիկապես ավելի հարմար էր:
Այս ամիս առաջին անգամ վերապատրաստումները հայտարարվեցին վճարովի: Վճարը՝ 10.000 դրամ, յուրաքանչյուր մասնակցի անունից փոխանցվել է կրթահամալիրի հաշվեհամարին: 
Վերապատրաստումներին մասնակցել է 9 մասնագետ, որից 7-ը դաստիարակ , 2-ը՝ գրադարանավար: Դասվարներ, երաժիշտներ, տեխնոլոգներ և կազմակերպիչներ վերապատրաստվելու համար հայտ չեն ներկայացրել: 
Վերապատրաստումների մասին հայտարարությունը տեղադրվել է ,,Բարեկամություն,, բլոգում և ուղարկվել բոլոր հետաքրքրվողներին, նախորդ ամիսների ընթացքում վերապատրաստվածներին կամ վերապատրաստման համար դիմածներին:
Դաստիարակների վերապատրաստումը իրականացրել է Նելի Արղությանը: Ծրագիրը նախապես հրապարակվել է ,,Բարեկամություն,, բլոգում: Վերապատրաստումը լուսաբանվել է յուրաքանչյուր օր: 
Վերապատրաստման վերջին օրը խոսել եմ նաև վերապատրաստվողների հետ, ովքեր շատ ոգևորված էին, հրավիրեցին իրենց մանկապարտեզներ և փոխանցեցին, որ վերապատրաստումը հետաքրքրում է նաև իրենց մյուս գործընկերներին: 

Գրադարանավարների վերապատրաստման ծրագիրը պատրաստեց և իրականացրեց Լուսինե Ալեքսանյանը: Մասնակցել է երկու գրադարանավար: Ծրագիրը հրապարակվել է ,,Բարեկամություն,, բլոգում: Վերապատրաստումն ընթացել է ըստ հրապարակված ծրագրի:  Վերապատրաստման լուսաբանումը՝ Լուսինե Ալեքսանյանի բլոգում: 

Խնդիրներ, առաջարկություններ: Վերապատրաստումը համարում եմ հաջողված: Վճարովի դարձնելը ենթադրում էր ավելի քիչ մասնակիցներ, բայց մասնակիցները նախորդ ամիսներից քիչ չեն եղել: Ինչպես միշտ, անհրաժեշտ է ժամանակին տեղեկացնել դպրոցներին, մանկապարտեզներին: Կարծում եմ, դաստիարակների և գրադարանավարների դեպքում հաջողված է վերապատրաստումը, քանի որ շատ հաճախ այս մասնագիտությամբ աշխատում են այն մարդիկ, ովքեր չունեն մասնագիտական կրթություն և հետաքրքիր է ոլորտում այլ փորձի ուսումնասիրումը, ինչու չէ, նաև վկայականը: Այդպես այս վերապատրաստմանը մասնակցած գյումրեցի  Անուշը մասնագիտությամբ դաստիարակ չէր և աշխատում էր ուսումնական կենտրոնում, ոչ թե մանկապարտեզում: 

Комментариев нет:

Отправка комментария