Դեկտեմբերի 20-ին Միջին դպրոցի 6-րդ դասարանի սովորողների հետ այցելեցինք ,,Էրեբունի արգելոց-թանգարան,,։
6-րդ դասարանում սովորողները պատմությունից ուսումնասիրում են Վանի թագավորության պատմությունը, և թեման ավելի լավ պատկերացնելու համար կարևոր է գործնական պարապմունք-ուսումնասիրությունը։ Այդ նպատակով մի խումբ սովորողների հետ այցելեցինք Էրեբունի արգելոց-թանգարան։
Նախագիծն ուներ ,,Սովորող-սովորեցնող,, բաղադրիչ, քանի որ մեզ ուղեկցում էր Միջին դպրոցի 8-րդ դասարանի սովորող Արեգ Քեշիշյանը, ով բազմիցս եղել և գործունեություն է իրականացրել թանգարանում։
Նախապես պայմանավորվել էինք նաև ուրարտագետ-վերակազմող Ռուբեն Սարգսյանի հետ, ում հանդիպեցինք հենց թանգարանում։ Ռուբենը մեզ ներկայացրեց իր գործունեությունը, թանգարանի ամենահետաքրքիր և կարևոր ցուցանմուշները, ուրարտական մշակույթի առանձնահատկությունները։
Սովորող Արեգ Քեշիշյանն ուղեկցեց մեզ թանգարանում և որպես գիդ հանդես եկավ։
Թանգարանի ցուցանմուշներն ուսումնասիրելուց հետո սովորողների հետ քայլեցինք բերդի տարածքում, Արեգը մեզ ցույց տվեց և ներկայացրեց Սուսի տաճարի հիմքը, կառույցի առանձնահատկությունները։
Օրվա ընթացքը՝ լուսանկարներում․
Комментариев нет:
Отправить комментарий