Այսպես Գեղարվեստի կրտսեր դպրոցում, ելնելով սովորողների հետաքրքրություններից, սկսեցինք թողարկել ուսումնական tv-ի: Այս նախագիծը իրագործում ենք արդեն մեկ տարի:
Ինչպե՞ս սկսեցինք աշխատանքը:
Tv-ի թողարկելու գաղափարը դեռ վաղուց կար, սակայն տարբեր պատճառներով հետաձգում էինք, ի վերջո, սովորողների ընտրությամբ հավաքվեց մի խումբ, որը պետք է զբաղվեր tv-ի աշխատանքներով: Իհարկե, մեկ տարվա ընթացքում ստեղծագործական խումբը փոփոխություն կրեց, ընթացքում ավելի շատ սովորողներ ընդգրկվեցին: Խմբի ձևավորումից հետո մտածեցինք tv-իի անվան մասին : Ի վերջո, սովորողների առաջարկությամբ tv-ին կոչվեց ,,Մենք tv,,-ի: Մենք, քանի որ այն պատմելու էր մեր մասին, մեր առօրյայի մասին:
Հաջորդ քայլը աշխատանքի բաժանումն էր: Յուրաքանչյուր սովորող, ելնելով իր հետաքրքրություններից, ստանձնեց tv-իի առանձին հաղորդման պատրաստումը և վարումը: Ամբողջ աշխատանքը ղեկավարում էր և հետևում էր Գևորգ Հովհաննիսյանը, ով հանդես էր գալիս որպես tv-իի ռեժիսոր:
tv-իի աշխատանքները իրականացնելու համար սովորողները կատարում են հետզոտական աշխատանք: Անհրաժեշտ է գտնել նյութեր, որոնք կհետաքրքրեն դիտողներին, իսկ դրան օգնության է գալիս համացանցը:
Թողարկումների ժամանակ սովորողները անդրադառնում էին կրթահամալիրում տեղի ունեցող իրադարձություններին, հատկապես ուսումնական տոնացույցով նախատեսված տոներին, լուսաբանում, հարցազրույցներ վերցնում և այլն:
Ուսումնական tv-ի աշխատանքները սովորողի մոտ զարգացնում են հետևյալ հմտությունները.
1. Զարգանում է բանավոր խոսքը, թողարկումները դիտելով ՝ սովորողը հնարավորություն ունի տեսնել իր խոսքի սխալ արտահայտությունները, շտկել դրանք: Սովորողը ժամանակի ընթացքում ձեռք է բերում խոսք կառուցելու, ճիշտ և գրագետ արտահայտվելու կարողություններ:
2. Զարգանում են մեդիահմտությունները: Թողարկումները նկարահանելիս անհրաժեշտ է նյութը վերջնական տեսքի բերել, մոնտաժել, որը կատարում են սովորողները:
3.Խմբային աշխատանքի արդյունքում սովորողները ձեռք են բերում կազմակերպվածություն, համագործակցելու, իրար օգնելու հմտություն:
Այսպիսով, սովորողների համար tv-ին դարձավ ինքնարտահայտման և ինքնադրսևորման միջոց:
Տաթևիկ Աբրահամյան
Комментариев нет:
Отправить комментарий