Մեռյալների գիրքը

                                                                 

                             Գլուխ առաջին

Վեհ և փառավորված օրվա ելքի ասույթի սկիզբը,  գեղեցիկ Արևմուտքում փայլատակող Խերետ-Նեչերի/ անդրշիրիմյան աշխարհի ամբողջական անունը/ ելքը և ծագումը: Ասվում է հուղարկավորման օրը: Ելք ելքից հետո:

Ասվում է Օսիրիսը Ն-ին / այսուհետև ամբողջ գրքում Ն տառով է գրվելու ձեռագրի պատվիրատուի՝ մահացածի անունը/:

-Օ՜, Արևմուտքի աստվածներ,- ասում է Տոտը,-հավերժության թագավորը, ով այնտեղ է՝ իմ մեջ: ես պաշտպանության աստվածն եմ: Ես կռվում է քո առաջ հանուն քեզ: Ես մեկն եմ այն Միության աստվածներից, ովքեր պաշտպանեցին թշնամիներից Օսիրիսին դատի օրը: Ես քո մարդկանցից եմ, Օսիրի՛ս: Ես Նուտի երեխաներից մեկն եմ, ովքեր սպանում են Օսիրիսի թշնամիներին և հեռացնում են ապստամբներին նրանից: Ես քո մարդկանցից եմ, Հո՛ր: Ես կռվել եմ քեզ համար, պաշտպանեմ եմ քո անունը: Ես Տոտն եմ, ով վերջին դատաստանի օրը Գելիպոլի  Մեծ Սրահում պաշտպանել է Խորը թշնամիներից: Ես բուսիրիացի եմ, բուսիրիացու որդի: Ես բեղմնավորվել եմ Բուսիրիայում և ծնվել եմ այնտեղ: Ես եղել եմ Օսիրիսի թաղման մասնակիցների հետ, Պրաչեչկիովի ափին Օսիրիսի համար լացող կանանց հետ: <<Պաշտպանիր Օսիրիսին իր թշնամիներից>>,-ասաց Ռան Տոտին: <<Պաշտպանիր Օսիրիսին իր թշնամիներից>>,-ասաց նա և ես ՝Տոտս, արեցի դա: Ես որպես Օսիրիսի ձախ ուսի փրկիչ Հորի հետ էի, որը գտնվում էր Լետոպոլում, մտա և դուրս եկա  կլանող կրակից Լետոպոլից ապստամբների աքսորման օրը: Ես Հորի հետ էի Գելիոպոլում Օսիրիս տոնակատարությունների և Ռայի զոհաբերությունների 6 և 7-րդ օրերի տոների ժամանակ:   Ես Բուսիրիայում բլրի վրա բարձրացած քուրմն էի:  Ես Նեղոսի վարարումից հետո դուրս եկած հողի ժամանակ Աբիդոսի մարգարեն էի, Ռա Սետաուի /քաշ տալու դուռը/ գաղտնիքները տեսնողներից մեկն էի, Մենդասում Ոչխարի արարողության ընթերցողն էի:  Ես սեմ քուրմն էի և նրա պարտականությունները: Ես վարպետների ղեկավարն էի այն օրը, երբ բեռնտար նավը դրվեց օգտագործելու համար: Եվ ես էի, որ փոցխը ձեռքս վերցրի Գերակլեոպլում հողի հերկման օրը:

Օ՜, դուք՝ Օսիրիս տուն հոգիներ տանողներդ, վերցրեք իմ հոգին ձեզ հետ, որպեսզի նա կարողնա տեսնել, ինչպես դուք եք տեսնում, լսի, ինչպես դուք եք լսում, կանգնի, ինչպես դուք եք կանգնում և նստի, ինչպես նստում եք դուք: Օ՜, դուք, որ հաց և գարեջուր եք տալիս մաքուր հոգիներին Օսիրիսի տանը, հաց և գարեջուր տվեք իմ հոգուն գիշեր-ցերեկ, որը այսուհետև ձեզ հետ է: Օ՜, դուք, որ ուղիներ եք բացում և արահետներ եք մաքրում Օսիրիս տանը մաքուր հոգիների համար, ինձ համար ուղի բացեք և մաքրեք ինձ համար արահետները, իմ հոգու համար, որը այսուհետև ձեզ հետ է: Նա դուրս է գալիս զայրացած, բայց դուրս է գալիս աշխարհում Օսիրիսի տնից առանց խոչընդոտների: Նա դուրս է գալիս սիրելի գովեստներով և ցնծություններով, նրա ծառաները ներկայացված են օսիրիսի տանը: Ես գնում էի այնտեղ, որպեսզի իմ ոչ մի թերությունը չգտնվի և կշեռքները ազատ լինեն նրանց հանցանքներից:

  Դու շատ ամիսներ ինձ փորձությունների ես ենթարկել: Իմ հոգին հարցաքնվել է իմ սրտի կողմից, որը գտավ, որ իմ այս խոսքերը Երկրի վրա ճշմարտություն են եղել: Ահա ես քո առաջ եմ, աստվածների տիրաակալ: Ես հասել եմ Երկու ճշմարտությունների լճին, արշալույսին, ինչպես կենդանի աստվածը, և երկնքում մնացող Էննեադայի պես փայլել եմ: Ես գոյություն ունեմ ձեզ պես, Խեդախա տանող իմ ուղին կառուցված է: Ես տեսնում եմ օգոստոսյան Օրիոնին /ի նկատի ունի Օսիրիսին/ , պահպանում եմ նախաստեղծ քաոսը: Ես հետ չեմ թեքվի, ես տեսնում եմ Դուատի տիրակալին: Ես հոտոտում եմ Էնեադայի սնունդը, ես նստում եմ նրանց հետ: Արարողության քուրմը ինձ համար սարկոֆագ է կոչում, ես լսում եմ զոհաբերությունների ցանկը: Ես առանց խոչընդոտների ոտք եմ դնում Նեշմետի նավակի վրա, իմ հոգին նավակի տիրակալի  հետ է:

Ողջունում եմ քեզ, Արևմուտքին իշխող, Տինիթական նոմում բնակվող Օսիրիս: Դու թուլ կտա՞ս ինձ անցնել Արևմուտքի աշխարհ: Գաղտնի երկրի տիրակալներն ընդունում են ինձ և եռակի գովաբանում են ինձ աշխարհում: Նրանք Խորհրդի ավագի ետևում ինձ տեղ են տալիս: Ստնտուն ընդունում է ինձ գիշեր-ցերեկ: Ես կանգնում եմ ՈՒն-Նեֆորմի առջև: Ես ուղեկցում եմ Հորին Ռա Սետաու և Օսիրիսին Մենդաս: Ես ցանկացած տեղում իմ Կայի ցանկացած ձևն եմ ընդունում:

Նա, ով գիտի այս ձեռագիրը Երկրի վրա կամ վրայի գրվածները տեղավորում է դագաղում, ցերեկը դուրս է գալիս ցանկացած տեսքով, ինչպիսին կուզի և վերադառնում է իր տեղն առանց խոչընդոտների: Նրան տրվում են հաց ու գարեջուր և Օսիրիսի զոհասեղանից մսի կտորներ: Նա աշխարհ է դուրս գալիս Իլաուի հովիտների մոտ: Իմանալով Մենդասում գտնվողի հրամանը, գարին և ցորենը կտրվեն այնտեղ, դրա համար էլ նա կլինի հաջողակ, ինչպիսին որ Երկրի վրա է եղել: Նա կբավարարի իր ցանկությունները Դուատում գտնվող այս իննը աստվածների նման:

Իսկապես հիանալի ասույթ է ՝ միլիոնավոր անգամներ փորձարկված: 

Ռուսերենից թարգմանությունը՝ Տաթևիկ Աբրահամյանի
Նկարը վերցված է google-ից: