Տաթև: Հայոց լեզու, գրականություն- 7-րդ դասարան

Հայոց լեզու, գրականություն. առարկայական ծրագիր

Ժամաքանակը՝ շաբաթական 5 ժամ, տարեկան՝ 180 ժամ:

Ուսուցումը կազմակերպվում է թվային միջոցների կիրառմամբ, ուսումնական և անհատական, կարճաժամկետ և երկարաժամկետ նախագծերով: Սովորողները դպրոց են գալիս անձնական նեթբուք- նոթբուքերով:

Հայոց լեզու, գրականություն. հիմնական դպրոց

7-րդ դասարանում մայրենի լեզվի ուսուցումը նպատակաուղղված է՝

մայրենի լեզվի առաջնայնության և անաղարտության պահպանմանը,
գրավոր և բանավոր ճիշտ խոսքի, հստակ արտահայտման անհրաժեշտ հմտությունների մշակմանը,
հաղորդակցական հմտությունների փոխանցմանը
ինքնարտահայտման կարողության պահպանմանը և զարգացմանը,
սովորողների կողմից լեզուն որպես մշակութային արժեք ընկալմանը, այն կրելու, պահպանելու ու տարածելու անհրաժեշտության գիտակցմանը,
սեփական ստեղծագործական ունակությունները դրսևորելուն, ինքնակրթության, ինքնակատարելագործման մղելուն:

Ուսուցման խնդիրները

Մայրենի լեզվի ուսուցման խնդիրներն են՝

գրավոր և բանավոր ճիշտ խոսքի, հստակ արտահայտման անհրաժեշտ հմտությունների զարգացում,
մեդիահմտությունների անընդհատ զարգացման միջոցով խոսքի, ստեղծագործական մտահղացումների հրապարակայնացում, հանրայնացում՝ բլոգի, վիրտուալ տիրույթների միջոցով,
ինքնարտահայտման կարողության պահպանում և զարգացում,
սովորողի տրամաբանական կարողության հղկում, վերլուծական և նկարագրական հմտությունների զարգացում,
համացանցային տեղեկատվական դաշտում կողմնորոշվելու կարողություն, բառարաններից և տեղեկատվական աբյուրներից օգտվելու հմտության զարգացում,
լեզվաբանական գիտելիքների յուրացում և լեզվական նյութի միջոցով՝ սովորողների ընդհանուր կրթական հայացքների շրջանակի ընդարձակում:

Դասընթացը՝ Հայոց լեզու՝ շաբաթական երեք ժամ, գրականություն՝ շաբաթական ՝ 2 ժամ:

Ուսուցման կազմակերպումը

Ուսումնական պարապմունքի ծրագիրը հրապարակվում է մինչև պարապմունքը սկսելը: Ուսուցումն իրականացվում է ուսումնական նախագծերի միջոցով, որոնք բխում են կրթահամալիրի ուսումնական օրացուցից: Սովորողները կարող են հանդես գալ անհատական նախագծերով:
Ուսուցումն իրականացվում է թվային միջոցների կիրառմամբ: Ուսումնական գործունեության ընթացքում սովորողների խումբն ուսուցչի հետ ստեղծում է ուսումնական նյութեր, մեդիաընթերցարաններ, տեսանյութեր և այլն: Հաջողված աշխատանքների փաթեթը տրամադրվում է Մեդիագրադարանին:
Մեծ տեղ է տրվում բանավոր աշխատանքին. սովորողը պետք է կարողանա անկաշկանդ միտք ձևակերպել, խոսել: Գրական ստեղծագործությունները ուսումնասիրվում են քննարկման, բանավեճի մեթոդների միջոցով:
Խրխուսվում է սովորողի ինքնուրույնությունը, երբ սովորողն ինքն է առաջարկում ընթերցանության նյութեր, հետաքրքիր նախագիծ կամ ինքնուրույն հետազոտական աշխատանք է կատարում:
Սովորողը կատարում է ուսումնական աշխատանք , որի հիմնական նպատակը սովորողի ինքնարտահայտման կարողության ձևավորումն է: Սովորողը արտահայտվում է, վերլուծում է, գրավոր մեկնաբանում է, ներկայացնում է իր մտքերը, գաղափարները, թարգմանությունները, որոնք տեսանելի են դառնում անձնական բլոգում և mskh.am կայքում: Սովորողը մեդիահմտությունների կիրառման և վիրտուալ տիրույթի միջոցով իր խոսքը, ստեղծագործական մտահղացումները հրապարակում, հանրայնացնում է:
Խոսքի ուսուցում-յուրացումն անընդհատ աշխատանք է և չի սահմանափակվում մայրենի լեզվի ուսումնական պարապմունքով և տնային-լրացուցիչ աշխատանքով:
Ուսումնական աշխատանքը կազմակերպելիս դասավանդողը օգտագործում է տարբեր ուսումնական կայքեր, անձնական բլոգ, էլեկտրոնային գրադարաններ, էլեկտրոնային բառարաններ, համացանցային այլ ռեսուրսներ, տեսանյութեր և այլն:
Ուսումնական նյութեր ընտրելիս և հանձանարելիս ուսուցիչը հաշվի է առնում նաև սովորողի ընդունակությունները և նախասիրությունները:
Սովորողին տրվում է ինքնադրսևորվելու հնարավորություն՝ անհատական նախագծեր իրականացնելու ձևով:
Որևէ դասագիրք չի կարող լինել ուսուցման միակ կամ հիմնական նյութը. օգտագործվում են տարաբնույթ կայքեր, աղբյուրներ, նյութեր...

Ուսումնական միջավայր

Ուսումնական միջավայրը այս դեպքում միայն դասարանը չէ ՝ համապատասխան մեդիամիջոցներով, այլ նաև դպրոցի բակը, թանգարանը, քաղաքը, փողոցը, մոտակա այգին, տեսարժան վայրը, սովորողի անձնական բլոգը, կրթահամալիրի կայքը, ենթակայքը և այլն: Առարկայի դասավանդման մեջ կիրառում ենք մի շարք մոնտաժային և ուսումնական ծրագրեր: Սովորողը պետք է արդեն իսկ տիրապետի մի շարք համակարգչային ծրագրերի և տարվա ընթացքում սովորի նորերը՝ կիրառելով դասապրոցեսում:

Ուսումնական գործունեության ձևեր

ընթերցանություն
խմբագրական աշխատանք
թարգմանություններ
ֆիլմերի, կայքի նյութերի ստեղծում, դիտում, քննարկում
ռադիոաշխատանք, հարցազրույցներ տարբեր թեմաներով
բանավեճերի կազմակերպում
առցանց դասեր և քննարկումներ
անհատական և խմբային նախագծեր
լեզվական աշխատանքներ
տեքստի վերլուծություն, բովանդակության քննարկում, եզրակացության ձևակերպում
մասնակցություն հայոց լեզվի ֆլեշմոբին
դասընկերներ բլոգների ուսումնասիրություն
հետազոտական աշխատանքներ
մասնակցություն TV նախագծերին
ամսագրային աշխատանք
հանդիպումների, վարպետության դասերի կազմակերպում, մասնակցություն, լուսաբանում
այլ նորարական մտքեր, գաղափարներ

Բլոգավարություն

7-րդ դասարանի սովորողը պետք է ունենան բլոգ և հաճախակի նյութեր տեղադրի:

Բլոգում՝ ,,Հայոց լեզու ,, և ,,Գրականություն,, բաժիններում պետք է տեսանելի լինեն հետևյալ կետերը՝

սովորողի կողմից ընթերցված, ընթերցվող նյութերը,
սովորողի պատրաստած նյութերը՝ ֆիլմեր, հարցազրույցներ, թարգմանություններ, վերլուծություններ,
սովորողի հեղինակային ստեղծագործությունները՝ պատմություն, առակ, բանաստեղծություն, այլ,
անհատական նախագծերի արդյունքները:

Սովորողը բլոգում պետք է հնարավորինս գրագետ գրի և պահպանի հեղինակային իրավունքի նորմերը:

Լրացուցիչ

Համաճարակային կամ այլ արտակարգ իրավիճակից ելնելով դասերը կարող են կազմակերպվել

առկա ուսումնառության ձևով
ուսումնառություն ընտանեկան (ինքնակրթության) դպրոցում
առկա և ընտանեկան դպրոցում ուսումնառությունների համադրում
հեռավար ուսուցում

Անկախ սովորողի ուսումնառության ընտրած ձևից, բովանդակությունը, ծրագիրը նույնն է, դասավանդողը՝ իրականացնում է աշխատանքը անհատական մոտեցում ցուցաբերելով, հաշվի առնելով սովորողի անհատական ուսումնական պլանը:

Գնահատում

Սովորողի ուսումնական աշխատանքի գնահատումը կատարվում է ըստ հեղինակայինկրթական ծրագրի
չափորոշչով որոշված գնահատման կարգի, 10 միավորանոց համակարգի:Սովորողը ցանկության և հնարավորության դեպքում կարող է գնահատականը փոխել: Սովորողի գնահատականը մայրենի լեզվից արտացոլում է նրա և՛ բանավոր խոսքը, և՛գրավոր խոսքը, և՛

խոսքային ինքնարտահայտման համար անհրաժեշտմեդիահմտությունները, և՛ բլոգային աշխատանքը:

Ուսուցիչը գնահատում է սովորողի աշխատանքը նախատեսված առաջադրանքիկատարմանը սովորողի

մասնակցության աստիճանով:
Գնահատանիշը նշանակվում է ուսումնական շրջանի ավարտին:
Բացակայած սովորողը առաջադրանքը կատարում է էլեկտրոնային տարբերակով:

Սովորողի գնահատականը մայրենի լեզվից արտացոլում է նրա և՛ բանավոր խոսքը, և՛գրավոր խոսքը, և՛ խոսքային ինքնարտահայտման համար անհրաժեշտ մեդիահմտությունները, և՛ բլոգային աշխատանքը:
Ուսուցիչը գնահատում է սովորողի աշխատանքը նախատեսված առաջադրանքի կատարմանը սովորողի մասնակցության աստիճանով:
Ուսուցչի գնահատման հիմքում սովորողի ինքնագնահատումն է: Յուրաքանչյուր ամսվա վերջում դասավանդողը ներկայացնում է google forum փաստաթղթով հավաքված նախագծային աշխատանքների փաթեթ, որը ամփոփում է ամբողջ ամսվա աշխատանքները: Սովորողը փաստաթղթում է հավաքում իր աշխատանքները, վերլուծում և ինքնուրույն գնահատում իր աշխատանքը: Սա հնարավորություն է տալիս ամբողջական, տեսանելի աշխատանքների փաթեթ ունենալ: Նաև մղում է սովորողին հստակ տեսնել սեփական աշխատանքը և տալ անկախ գնահատական:

4-5 միավոր

Գործնական քերականություն, գրական ընթերացանության նվազագույն պարտադիր մասի կատարում:

6-7 միավոր

Գործնական քերականություն, գրական ընթերացանության նվազագույնպարտադիր մասի կատարում:
Լրատվություն, կայքի և բլոգի համար նյութերի պատրաստում:
Մասնակցություն քննարկումներին՝ և՛ բանավոր, և՛ գրավոր:
Թարգմանություն, ռադիոնյութի և տեսանյութի պատրաստում:
Նախագծային աշխատանքների իրականացում:

8-9 միավոր

Նախագծային աշխատանքի արդյունավետ և լիարժեք կատարում:
Բլոգավարություն, ստեղծագործական աշխատանք:
Ինքնակամ ընթերցանություն և վերլուծություն:
Ուսումնահետազոտական աշխատանք:
Անհատական նախագծերի իրականացում

10 միավոր

Նշվածների լիարժեք կատարում:
Անհատական նախագծերի իրականացում:
Մասնակցություն բոլոր ստուգատեսներին կամ ստուգատեսի կազմակերպում:
Հոդվածների և ստեղծագործական այլ նյութերի ներկայացում:

Ուսումնական գրականություն

Սուսան Մարկոսյան, Հայոց լեզու, 7-րդ դասարան

Մարիետ Սիմոնյան, Սուսան Մարկոսյան, Ընթերցարան, 7-րդ դասարան

Սուսան Մարկոսյան, Գրաբարի դասագիրք

Ուսումնական այլ կայքեր, էլ. նյութեր, բառարաններ

Մեթոդական գրականություն

Ռոդարի ,,Ստեղծագործական երևակայության զարգացում,,

,,Դպիր,, ամսագիր

Հարցերի և առաջադրանքների շտեմարան /Ըստ Հ. Օշականի ,,Գրականություն,, դասագրքի/:

Ծրագրի հիմքում կրթահամալիրի ուսումնական օրացույցն է: Մայրենի լեզվի ուսուցումը կազմակերպվում է ուսումնական նախագծերով: Նախագծի քննարկումից հետո սովորողները ստանում են նախագծային առաջադրանքները, կատարում դրանք /խմբաին կամ անհատական/: Ավարտելուց հետո վերջնական արդյունքը ներկայացնում են կայքում և իրենց բլոգներում : Դասավանդողը վերահսկում է նախագծի կատարման աշխատանքները:

Նախագծի շրջանակներում կազմակերպվում են նաև ուսումնական ճամփորդություններ:Ուսումնական ճամփորդության գնալուց առաջ սովորողը փնտրում, տեղեկություններ է գտնում տվյալ վայրի վերաբերյալ, իսկ

ճամփորդության ժամանակ նայում է, համեմատում, լուսանկարում: Ճամփորդության ավարտից հետո հաշվետու նյութ է պատրաստում /ֆիլմ, պատում ևայլն/:

Նախագծային լավագույն նյութերը կարող են ներկայացվել ստուգատեսներին:

Ծրագրին կցվում է նաև նախագծերի փաթեթ՝ յուրաքանչյուր ամսվա համար:

Ծրագրի կատարման ընթացքում առաջացած դիտարկումները մանկավարժական պատումի տեսքով արտացոլվում են ուսուցչի մանկավարժական ,,Օրագրում,,:

Մեթոդական մշակումներ