Ծրագիր, նախագծեր /4-5-րդ դասարաններ

Սեպտեմբերի 1-5

4-5-րդ դասարաններ

,,Ուսումնական ամառ,, նախագիծ

Իմ կարդացած գրքերը, կազմել ցանկ

Ամռան ամենահետաքրքիր գիրքը

Ամենալավ գրքի ամենահետաքրքիր հերոսը /բնութագրել, նկարագրել, ներկայացնել հերոսի գործողությունների միջավայրը/

Գրքի գովազդ

Իմ ճամփորդությունները, կազմել քարտեզ

Ամենալավ ճամփորդությունը /պատմել, նկարել, ձայնագրություն, ֆիլմ, ֆոտոշար, այլ/:

Ի՞նչ  սովորեցի ճամփորդությունների ընթացքում:

Սեպտեմբերի 8-12

Վիլյամ Սարոյան

4-րդ դասարան

,,Վիրավոր առյուծն ու կրիան,,

Հարցեր

1. Բնութագրի՛ր առյուծին և կրիային

2. Ո՞րն է առակի իմաստը:

3. Ի՞նչ է առակը

4. Համացանցից գտիր այլ առակներ, կարդա և պատմիր ընկերներիդ կամ բլոգումդ:

5. Ինքդ առակ հորինի՛ր

6. Առյուծն ինչո՞ւ վիրավորվեց կրիայի խոսքերից, իրականում այդ խոսքերը վիրավորական էին, թե՞ ոչ:

7. Ի՞նչ գիտես առյուծների մասին, տեղեկություններ փնտրի՛ր համացանցից:

8. Նայի՛ր այս ֆիլմը, կարծիք հայտնիր, նման ֆիլմ ինքդ պատրաստիր:

,,Առաջին օրը դպրոցում,,

Հարցեր

1. Ո՞րհատվածն է քեզ դուր եկել, ինչո՞ւ:
2. Ի՞նչ էր մտածում Ջիմը դպրոցի մասին:
3. Թվարկիր հերոսներին, բնութագրի՛ր:
4. Ջիմի անունից օրագիր գրիր և օրագրում պատմիր Ջիմի դպրոցական կյանքի մասին:
5. Պատմի՛ր քո՝ դպրոց գնալու առաջին օրվա մասին:
6. Ինչպիսին է քո դպրոցը, համեմատիր այն Ջիմի դպրոցի հետ:
7. Միսս Բիննին համեմատիր քո ուսուցչի հետ:

,,Ծիրանի ծառ,,

1. Ի՞նչ ես կարծում, տղաների արածը գողությո՞ւն էր:
2. Թվարկիր հերոսներին, բնութագրիր՝ տեքստից համապատասխան տողեր գտնելով:
3. Քո կարծիքով ինչպես են բարեկամանում:
4. Ի՞նչ սովորեցիր այս ստեղծագործությունից:
5. Պատմիր թաղի տղաների մասին:
6. Նոր վերնագիր մտածի՛ր:

5-րդ դասարան

,,Յուլիսիս,,

1. Բնութագրի՛ր Յուլիսիսին:
2. Ինչպիսին էր աշխարհը Յուլիսիսի համար:
3. Ինչո՞ւ նեգրը պատասխանեց Յուլիսիսի ողջույնին:
4. Ստեղծագործության մեջ ինչ է ասում Մաքոլիների մասին, ինչպիսին էին Մաքոլիները:

,,Հոմեր,,

1. Պատմիր Հոմեր Մաքոլիի մասին:
2. Ի՞նչ նմանություն ես տեսնում երկու եղբայրների մեջ:
3. Ուր ուզում ես գնա, տնից լավ տեղ չկա: Այս նախադասության մասին գրիր քո կարծիքը:

Գեղեցիկ սպիտակ ձիու ամառը

1. Մուրադի արածը գողությո՞ւն էր:
2. Բնութագրիր և նկարագրի՛ր հերոսներին:
3. Պատմի՛ր Խոսրով քեռու մասին, ինչպիսի մարդ էր նա:
4. Ստեղծագործության մեջ ինչ է ասում Ղարօղլանյաննների մասին:
5. Ստեղծագործության որ հատվածներն են ծիծաղելի:
6. Քո  կարծիքով ձին ում մոտ կնախընտրեր մնալ:
7. Պատմությունը պատմիր ձիու անունից:
8. Պատմիր քո սիրելի կենդանու մասին:

,,Ճառ մարդկային քթի մասին,,

1. Ինչո՞ւ է այսպես վերնագրված, նոր վերնագիր մտածիր:
2. Դարձվածքներ հորինիր քթի մասին:
3. Նման մի ճառ գրիր մարմնի այլ անդամի մասին:
4. Բնութագրիր Հոներին:
5. Բնութագրիր միսս Հիքսին:

Թակարդը, Աստված իմ թակարդը

1. Կարդա և համառոտ պատմի՛ր:
2. Բնութագրիր հերոսներին:
3. Ինչպես վերաբերվեց Մեծ Քրիսը Յուլիսիս թակարդն ընկնելուն:
4. Պատմությունը պատմիր Յուլիսիսի անունից:

Որտեղ ես ծնվել եմ, այնտեղ մարդիկ բարեկիրթ են

1. Բնութագրիր և նկարագրիր տղային:
2. Ի՞նչ վերաբերմունք ունես տղայի՝ Մոնթրեյ գնալուն:
3. Մեղադրի՛ր միստր Ուայլին:
4. Ինչո՞ւ տղան զիջեց  աշխատանքը, արդյոք ճիշտ վարվեց:
5. Ի՞նչ է նշանակում բարկիրթ, ինչպիսի մարդկանց ենք բարեկիրթ համարում:
6. Որտեղ ես ծնվել եմ, այնտեղ մարդիկ ...... / ինչպիսին են, պատմիր քո բնակավայրի մարդկանց մասին/:

Լրացուցիչ /տնային/ աշխատանք

Կարդա այս ստեղծագործությունները, պատասխանիր հարցերին

Երկու արաբների պատմությունը

Կույրի պատմությունը

Հյուսնի պատմությունը

Համացանցից փնտրիր հետաքրքիր պատմություններ Սարոյանի մասին: Ընտրիր որևէ մեկը, ձայնագրիր քեզ և ֆիլմ պատրաստիր:

5-րդ դասարան

 Կարդա ,,Ավելի լավ աշխարհ, ավելի լավ մարդիկ,,​ հատվածը և պատասխանի՛ր հարցերին:

Ա. Հոմերն ինչո՞ւ էր ուզում հաղթել մրցույթում: 

Բ. Քո կարծիքով որն է այս հատվածի ամենակարևոր նախադասությունը, ինչո՞ւ:

Գ. Ի՞նչ է ասում Հոմերն ինքն իր մասին: 

Դ. — Երբեմն մտածում եմ,— շարունակեց նա,— որ աշխարհում ամեն ինչ ուրիշ ձևով պետք է լինի, աշխարհը պետք է ավելի լավը լինի, մարդիկ պետք է ավելի լավը լինեն և աշխարհի գործերը չպետք է այնպես ընթանան, ինչպես ընթանում են։ Կարդա այս նախադասությունը և հինգ նախադասությամբ գրիր, թե ինչ էր ուզում ասել Հոմերը:

Ե. Այս հատվածը կարդալուց հետո, ինչպես կբնութագրես Հոմերին: 

Սեպտեմբերի 15-25
Ավետիք Իսահակյան
4-րդ դասարան
Նուկիմ քաղաքի խելոքները

Հարցեր

1. Նուկիմցի ճամփորդներին անուններ տուր:
2. Շարունակիր հեքիաթը
3. Բնութագրիր թագավորին:
4. Պատմիր նուկիմցիների մասին, ինչպիսի մարդիկ էին:
5. Համամիտ ես վերնագրիր հետ, նոր վերնագիր հորինիր:

Երջանիկ խրճիթը

1. Դուրս գրիր անծանոթ բառերը և բացատրիր էլ. բառարանի օգնությամբ:
2. Նկարագրիր այն միջավայրը, որտեղ մեծացավ տղան:
3. Քո կարծիքով ո՞րն է այս պատմության հիմնական ասելիքը:
4. Ինչն էր խրճիթին երջանիկ դարձնում:

5-րդ դասարան

Ո՞վ է ապրում

Երգի հրապույրը

Այդ ոչինչը ես եմ

Ուշինարա

Կյանքից թանկ բանը
Արագածին
Ես երգիչ եմ
Ռավեննայում
Քնքուշ լուսնի շուշան փոշին