Այնուհետև էլ ավելի հետաքրքրվելով հեղինակով՝ գնեցի ,,Տասնմեկ րոպե,, գիրքը, որի մասին շատ էին խոսում: Այս դեպքում գիրքը հակառակ տպավորությունը թողեց: Թեման բավականին պարզ էր, մեր օրերում շատերի համար գրավիչ, բայց ես համարում եմ անիմաստություն այդ մասին գրելը: Գլխավոր հերոսուհու կերպարում անհեթության գաղափարն էր: Միակ գրավիչը բանը երևի թե բաց տեսարաններն էին: Կարծում եմ սա Կոելյոյի ամենապարզունակ գիրքն է:
Համացանցում մի փոքր փնտրելուց հետո գտա Կոելյոյի ,,Աքրայում գտնված ձեռագիրը,, գիրքը և որոշեցի թարգմանել: Եվ լավ է, որ շատ չէի թարգմանել, երբ պարզ դարձավ, որ գիրքը թարգմանվել է և տպագրվել: Որոշեցի կարդալ, չնայած վերջին տպավորությունս հեղինակից այնքան էլ հիանալի չէր:
,,Աքրայում գտնված ձեռագիրը,, համարում եմ փիլիսոփայական մտքերի հավաքածու: Ամբողջ ժողովուրդը հավաքվել է հրապարակում և Ղպտին խոսում է նրանց հետ: Խոսում է մարդկանց հուզող պարզունակ հարցերից, որոնք իրականում մեծ գաղափարներ են պարունակում: Միշտ դուրս եմ գրում հետաքրքիր միտք արտահայտող տողերը, բայց այս դեպքում նրանք այնքան շատ էին, որ որոշեցի ավելի լավ է գիրքն ունենալ ձեռքիդ տակ: Ամեն դեպքում ներկայացնում եմ այն տողերը, որոնք , վստահ եմ, ձեզ կդրդեն կարդալ այս գիրքը:
- Գիտելիքը կյանքի ու մահվան մասին բացարձակ ճշմարտությունը չէ, այլ այն ինչ օգնում է մեզ ապրելու և դիմակայելու առօրյա կյանքի մարտահրավերներին: Դա գրքային իմաստությունը չէ, որ ծառայում է սոսկ կատարվածի կամ կատարվելիքի մասին անօգուտ վիճաբանությունների նյութ տալուն, այլ այն իմաստը, որ բույն է դրել այն կանանց ու տղամարդկանց սրտերում, որ լի են բարի կամքով:
- Ոչ ոք չգիտի, թե վաղը մեզ ինչ է սապասվում, քանի որ ամեն օր իր լավն ու վատն ունի:
- Բնության շրջապտույտում չկա ո՛չ հաղթանակ, ո՛չ պարտություն, կամ միայն շարժում:
- Հարցն այն չէ, թե ով ումից է ուժեղ, այլ թե ինչպես է Աստված մեզ ցույց տալիս մահվան և հարության շրջապտույտը: Ու այդ շրջապտույտում չկան ո՛չ հաղթողներ, ո՛չ պարտվողներ, կան միայն փուլեր, որ պետք է անցնես:
- Ոչ թե ընկնելն է ահավոր, այլ հողին գերի դառնալը:
- Համբերատար սպասել գործելու ճիշտ պահին: Լինել այնքան իմաստուն, որ հաջորդ հնարավորությունը բաց չթողնես: Եվ հպարտանալ սեփական սպիներով: Սպիները շատ ավելի խոսուն են, քան այն սուսերի շեղբը, որից առաջ են եկել:
- Պարտությունն ավարտվում է այն պահին, երբ նոր մարտ ենք սկսում: Ձախողումն ավարտ չունի, այն ցմահ ընտրություն է:
- Մենությունը ոչ թե սիրո բացակայությունն է, այլ նրա ուղեկիցը:
- Մենությունից է , երբ մեր հոգին ազատ զրուցում է մեզ հետ և օգնում մեր կյանքի վերաբերյալ որոշումներ կայացնել:
- Կյանքի ամենակարևոր պահերին միշտ մենակ ենք լինելու:
- Մի՛ փորձիր օգտակար լինել: Աշխատի՛ր լինել այն, ինչ կաս: Դրանով ես դու տարբերվում:
- Եթե հարկավոր լինի փոքր փոփոխություն կանենք, որպեսզի ամեն ինչ նույնը մնա:
- ,,Դժվարություն,, ահա այն հնամենի գործիքի անունը, որ ստեղծվել է նրա համար, որ օգնի ճանաչել ինքներս մեզ:
- Վերափոխումը ստիպում է մեզ սիրել անհայտությունը:
- Աշխարհն այնպիսին է, ինչպիսին մենք այն պատկերացնում:
- Գեղեցիկը ոչ թե նմանության մեջ է, այլ տարբերության:
- Խղճահարության են արժանի նրանք, ովքեր մտածում են. ,,Ես գեղեցիկ չեմ, որովհետև Սերն իմ դուռը չի թակել,,: Իրականում Սերը թակել է, բայց նրանք չեն բացել, որովհետև պատրաստ չեն եղել ընդունելու:
- Սիրո արտաբերած բառերը լսելու համար պետք է թույլ տանք, որ մոտենա:
- Սիրում ենք, որովհետև պետք է սիրենք:
- Ավելի լավ է սիրես ու կորցնես, քան երբևէ չսիրես:
- Ոչ ոք չի կարող ետ դառնալ, բայց բոլորը կարող են առաջ գնալ:
- Հաջողությունն այն է, երբ ամեն գիշեր կարող ես խաղաղ սրտով գլուխդ դնել բարձին:
- Տագնապը սիրո մի մասն է և այն անհնար է փոխել:
- Ապրել նշանակում է համարձակություն դրսևորել:
- Իրական հերոսը նա չի, որ ծնվել է մեծ սխրանքներ գործելու համար, այլ նա, ով կարողանում է փոքր քայլերով իրեն հավատարիմ մարդկանցով շրջապատել:
07.07.2015
Комментариев нет:
Отправить комментарий