Հետազոտական աշխատանքներ

2025-2026 ուստարի 

Սովորող ՝ Հայկ Պողոսյան

Թեմա՝ ,,Մխիթար Սեբաստացի,, կրթահամալիրի և Մոնթե Մելքոնյանի անվան վարժարանի կրթական ծրագրերի համեմատական վերլուծությունը
Աշխատանքը՝ այստեղ

Ինչպես գրել էսսե

Ի՞նչ է էսսեն

Էսսեն արձակ շարադրանք է, որտեղ հեղինակը ներկայացնում է իր մտքերը, դիրքորոշումը կամ զգացողությունները որևէ թեմայի շուրջ։ Սովորողից պահանջվում է ստեղծագործելու, վերլուծելու, քննել-քննադատելու կարողություններ, նաև՝ թեմայի իմացություն։ 

Էսսեի կառուցվածքը

Նախաբան: 3-5 նախադասություն, ընդհանուր ներկայացնել թեման, ստեղծել տրամադրություն՝  մուտք, հարցադրում առանց պատասխանի՝ որպես անցում բուն թեմային։ 

Հիմնամաս։ Էսսեի ամենածավալուն մասն է, որտեղ սովորողը առաջ է քաշում  պնդում և հիմնավորում։ 

Ի՞նչ է պնդումը։ Մեկ նախադասությամբ անձնական տեսակետի դրսևորում, որը պետք է կապվի հարցադրման հետ և բխի տեքստից։ 

Ապացույց, փաստ։ Պնդման ապացուցում՝ վստահելի աղբյուրներից կամ տրված հատվածից մեջբերումներ անելով։ 

Մեկնաբանություն։ Խոսել թեմայի և պնդման մասին՝ հարցին մոտենալով քննադատաբար, ներկայացնելով սեփակն տեսակետը , կիրառել ինչո՞ւ, ինչպե՞ս հարցերը։ 

Եզրակացություն։ 3-5 նախադասություն։ Ամփոփել ասվածը, նշել, թե ինչու է ներկայացված վերլուծությունը կարևոր, հիմնավորել թեմայի արդիականությունը։

Աղբյուրը՝ ուղեցույց

Նոյեմբեր ամսվա հաշվետվություն

Ուսումնական նախագծեր՝ 

• Կարդում ենք Սիրադեղյան, 
• Կարդում ենք Իսահակյան 

Համագործակցային նախագծեր

• Սիրադեղյանի ,,Շատ չհամարվի,, ստեղծագործության քննարկում Ավագ դպրոցի սովորողների հետ, 
• ,,Լապտեր,, ամսագրի նյութերի ընթերցում, մեկնաբանում ։ 

Էսսե․ գնահատում

Առավելագույն միավորը՝ 20

Բովանդակություն- 14 

• Նյութի իմացություն՝ 4 միավոր, 
• Հիմնավորվածություն /պնդում, ապացույց/ ՝ 4 միավոր,
• Ստեղծագործականություն /սեփական մտքերի, դիրքորոշումների ներկայացում/ 3 միավոր,
• Վերլուծական, քննական մտածողության առկայություն՝ 3 միավոր։

Կառուցվածքը՝ 6 միավոր

• տրամաբանական հաջորդականություն /նախաբան, հիմնամաս, եզրակացություն/ 3 միավոր
• պահանջի հստակ կատարում /ամբողջական արտահայտված մտքեր՝ տրամաբանական շարունակությամբ և մտքերի հանգուցալուծմամբ / 3 միավոր։ 

Սիրադեղյանական օրեր

Ժամանակահատվածը՝  նոյեմբերի 6-17

Մասնակիցներ՝ 6-8-րդ դասարանի սովորողներ 

Նպատակը՝ 

• ծանոթանալ Սիրադեղյանի ստեղծագործություններին, ընթերցել,
• դիտարկել Սիրադեղյանին որպես ժամանակակից գրականության վառ ներկայացուցիչ 
• ժամանակակից գրողների, նրանց գրական գործունեության հետ ծանոթանալու միջոցով մոտ կանգնել արդի մշակութային կյանքին։ 

Ընթացքը 

Աշնանային Տավուշ․ եռօրյա ճամփորդության հաշվետվություն

Ռազմամարզական ճամբարը հաջողությամբ ավարտելուց հետո որոշեցինք այս անգամ էլ հայրենագիտական բովանդակությամբ ճամփորդել։ Մեր նպատակն էր քայլել Հայաստանով, ճանաչել մեր հայրենիքը, մեր բնությունը, մեր պատմամշակութային հուշարձանները, վայելել աշունը և միասին լավ ժամանակ անցկացնել։  Այսպես նախաձեռնվեց և կազմակերպվեց մեր եռօրյա ճամփորդությունը։ Ուղղությունը՝ Տավուշ աշխարհ՝ իր եկեղեցիներով, աշնանային յուրահատուկ բնապատկերներով ու խոր անտառներով։ 

Առավոտյան սովորականի պես հավաքվեցինք Սուրբ Երրորդություն եկեղեցում, մասնակցեցինք ,,Ուսումնական ժամերգություն,, նախագծին և մեկնեցինք։ 

Սիրադեղյանական ընթերցումներ Ավագ դպրոցի հետ․ համագործակցային նախագիծ

Նոյեմբեր ամիսը ոչ միայն ուսումնական տարվա հերթական ամիսն է, այլ նախագծաշատ և տոնական ամիս է կրթահամալիրի համար։ Միաժամանակ երկու կարևոր և մեծ նախագիծ ենք իրականացնում՝ ,,Սեբաստացու օրեր,, և ,,Սիրադեղյանական օրեր,,։ Նաև Ավագ դպրոցի հետ սկսել ենք համագործակցային նախագիծ, որը շրջանակներում կարդում և ուսումնասիրում ենք տարբեր ստեղծագործություններ և հեղինակների։  Այսպիսով, այս ամիս ,,Սիրադեղյանական օրեր,,-ին ընդառաջ ընտրեցինք Սիրադեղյանի ,,Շատ չհամարվի,, ստեղծագործությունը։ Նախապես ընթերցել էինք և պատրաստվել քննարկման։ 

Քննարկումն անցկացվեց Ավագ դպրոցի ընթերցասրահում։ Խոսեցինք՝

Սպիտակ սուտ

Ես այնքան էլ չգիտեմ ստել: Բայց առանձնահատուկ նողկանք չեմ զգում ստի դեմ: Նույնիսկ, ասեմ՝ չզարմանաք (թեպետ շատ տարօրինակ է հնչում)՝ կարգին ստել չգիտեմ, իսկ անմեղ սուտը պաշտում եմ:

Մի ամսագիր պատվիրել էր ինձ գրախոսություն: Բայց իմ մասնագիտությունը գիրք գրելն է, ոչ գրախոսելը, և ես փորձում եմ հնարավորինս չդավաճանել իմ մասնագիտությանը: Հանգամանքներն այնպես դասավորվեցին, որ ես որոշեցի չհրաժարվել այդ կասկածելի առաջարկից: Քանի որ գրքեր գրախոսելը 

բավականաչափ տաղտկալի է, ես որոշեցի գրախոսություն գրել (շատ մանրամասն) մտացածին մի գրքի մասին, մի մարդու կյանքի նկարագրության, որ երբեք գոյություն չի ունեցել: 

Խոստովանում եմ՝ սարսափելի հմայված էի իմ գաղափարով: Նախ՝ թեպետ ուժերս պիտի 

ծախսեմ ճշմարտանման պատմություն գրելու վրա, կխնայեմ ժամանակը, որ պիտի կորցնեմ 

գիրքը կարդալու վրա: Բացի այդ՝ կխնայեմ նյարդերս, որովհետև ստիպված չեմ լինի զայրանալ «այդ հիմար հեղինակի վրա, որ գրողը գիտի՝ ինչ է մոգոնել»:

Երբ գրախոսությունը տպագրվեց, ես բարոյապես պատրաստ էի սպառնալիքներով («Դադարեք անամոթաբար ստել») և բողոքներով («Ամեն տեղ փնտրեցի, բայց ոչ մի տեղ չգտա այդ գիրքը»)

 լեցուն նամակների փոթորկին: Բայց ինձ ոչ ոք չգրեց: Ոչ ոք: Ես, իհարկե, պատրաստ էի 

ամեն ինչի, բայց թեթևացած շունչ քաշեցի: Չեի ասի, թե ամսագրերում հրապարակվող 

գրախոսությունները ոչ ոք լուրջ չի ընդունում, բայց որոշ կասկածներ ունեմ:

Կան նաև հարցազրույցներ: Հիմա ես ջանում եմ բարեխիղճ պատասխանել հարցերին, բայց երբ 

երիտասարդ էի ու հանդուգն, երբեմն ինձ որոշ ազատություն էի թույլ տալիս: Օրինակ, երբ ինձ հարցնում էին, թե ի՞նչ գրքեր եմ կարդում, ես խորիմաստ ասում էի. «Վերջերս ես տարվել եմ Մեյձիի դարաշրջանի (1886-1912 թթ.) գրականությամբ: Հիմնականում կարդում եմ գրականության խոսակցական 

ուղղության քիչ հայտնի հեղինակների գործեր: Համոզված եմ, որ Սյոգո Մուտագուտիի և 

Գոխեյա Օսակիի գրքերը կարող են ներշնչել նաև ժամանակակից հեղինակներին»:

Հասկանալի է, որ Ճապոնիայում երբեք այդ անուններով գրողներ չեն եղել: Ինքս եմ 

հընթացս հորինել նրանց: Բայց դա ոչ ոք չգիտի: Այնպես որ, ցնորաբանության (ասել մտքիդ եկածը, հնարավորինս համոզիչ ու առանց տևական դադարների) գծով ես վարպետ եմ: 

Համենայն դեպս՝ դժվարություններ երբեք չեմ ունեցել:

Ճապոներենում կա «կարմիր սուտ» արտահայտությունը: Գիտե՞ք՝ ինչո՞ւ կարմիր: Որովհետև 

Նարի դարաշրջանում (710-784 թթ.) նրանց, ովքեր չարամտորեն ստում և փչացնում էին իրենց շրջապատի մարդկանց կյանքը, դատապարտում էին մահապատժի: Շատ դաժան՝ 

դատապարտյալի բերանը միանգամից դնում էին 12 կարմիր բրնձաբլիթ՝ քաղցր բակլայի 

խորիզով, և խեղճը, չկարողանալով ծամել, խեղդամահ էր լինում: (Փաստորեն, վերոշարադրյալը «կարմիր ստի» դասական օրինակ է):

Հարցը, թե ինչու ճապոներենում սուտը կարմիր է, ինձ շատ վաղուց է զբաղեցնում: Ես արդեն 

տասը տարի պատրաստվում եմ պարզել այդ արտահայտության ծագումը, բայց անընդհատ 

ինչ-որ գործեր (նորից ստում եմ)։

Իսկ անգլերենում կա «սպիտակ սուտ» արտահայտությունը, որ անվանում է անվնաս փչոցը 

կամ «սուտը հանուն փրկության» (և դա զուտ ճշմարտություն է): Կարծում եմ՝ իմ ցնդաբանությունն ամենից շատ հարևանում է 

ստի այդ տեսակին: Եվ ոչ մեկին չի վնասում: Լսո՞ւմ եք: Չի վնասում: Եթե բերանս փակեն մի 

դյուժին բրնձաբլիթով, ես հաստատ այդ կտտանքին չեմ դիմանա:

Հեղինակ՝ Հարուկի Մուրակամի

Աղբյուրը

Ափսոս էր Երեխան

Երբ մարդը ժամանակ ունեցավ ու ետ նայեց, տեսավ, որ անցյալը սուզվում է մոռացության մեջ։ «Չի կարող պատահելե,-եղավ առաջին միտքը։ Ամեն անգամ, երբ հընթացս մի հայացք էր ձգել անցյալին եւ շտապ վերադարձել առօրյային, տպավորվել էր, թե այնտեղ ամեն ինչ կարգին է։ Որ այնտեղ, հիշողության դարանում օրերի ընթացքը տպված է անկորուստ, եւ միայն ժամանակ է պետք՝ պատկերաշարքը մտովի շարժման մեջ դնելու համար։ Բայց ահա ժամանակ ունեցավ եւ տեսավ, որ կյանքը իր հետքերը մի ծայրից ջնջում է։
«Ի՜նչ վիրավորական էե,-մտածեց մարդը։ Այլեւս հասկանալի էր, անդունդը առջեւում չէ, որի եզրին ընդհատվում է կյանքը։ Որ մահը դարանակալ չի սպասում առջեւը՝ մի տեղ, այլ հուշիկ, գոյության հետքերը ջնջելով՝ գալիս է թիկունքից եւ երբ հասավ քեզ, առջեւում ոչինչ չի լինելու։ Եվ ոչ էլ անցյալում, որ ափսոսաս։ Եվ, այնուամենայնիվ, ափսոս էր այդ կյանքը։ Ափսոս էր այդպես մանրամասնորեն ապրել ու մատնել մոռացության։ Ափսոս էր այդ երեխան։ Խավարող հիշողության մեջ կայծկլտացող այդ լույս երեխայի պատկերն էր ափսոս, որ անիմանալի է ինչպես՝ լուծվեց այս մռայլ կազմի մեջ — ինքը անէացավ՝ անհասկանալի է երբ։ «Գրողը տանի քո անհավես մարմինը,-դառնացավ մենակ մարդը։

Կարդում ենք Իսահակյան․ ընթերցանության նյութերի փաթեթ

2025-2026 ուստարի

9-րդ դասարան

1. Կարդա՛ Իսահակյանի ,,Անհաղթ խալիֆան,, ստեղծագործությունը։ 

1. Ինչպե՞ս էր Խալիֆան  վերաբերվում իշխանությանը։

2.  Քո կարծիքով՝ ինչո՞ւ էր խալիֆան համոզված, որ երաժշտությունը պաշտպանում է իր պետությունը։

3. Ինչպե՞ս է արտացոլվում իրատեսությունն ու երազախաբությունը ստեղծագործության մեջ։

4.Կարելի՞ է խալիֆային համարել դրական կերպար, թե ոչ։ Ինչո՞ւ։ 

5. Կարծիք հայտնիր խալիֆայի այս հրամանի վերաբերյալ՝ -Թո՛ղ ապրի ամեն մարդ, ինչպես ուզում է, միայն թե թողնի, որ ուրիշն էլ ապրի։ Արդյո՞ք հնարավոր է խաղաղ համակեցություն։ 

6. Ըստ ձեզ՝ ո՞րն է հեղինակի ասելիքը։ 

Աշնանային Տավուշ․ եռօրյա ճամփորդություն

Ճամփորդության կազմակերպման ժամանակահատվածը՝ նոյեմբերի 7-9

Մասնակիցներ՝ Միջին դպրոցի տարատարիք սովորողներ, 

Ճամփորդության ղեկավարներ՝ Տաթև Աբրահամյան, Նաիրա Հարությունյան

Գիշերակացը՝ Ռես լանդ Դիլիջան

Մեկնում՝ նոյեմբերի 7-ին, 09:00-ին Սուրբ Երրորդություն եկեղեցու բակից, 

Վերադարձ՝ նոյեմբերի 9-ին, մինչև 18:00, Մայր դպրոց

Երթուղի՝ Մեկնում՝ Երևան-Սևան-Ծաղկունք-Դիլիջան-Հաղարծին-Գոշ, 

Վերադարձ՝ Դիլիջան-Աղավնավանք-Ճամբարակ-Սևան-Երևան։ 

Նպատակը՝

• Հայրենագիտական, ճանաչենք Տավուշի մարզի մշակութային վայրերը, 
• Քայլարշավային․ ամենօրյա քայլք՝ ավելի մոտ լինենք Տավուշի բնությանը, 
• Աշունը Տավուշում,
• Կրթական փոխանակումներ։ 

Աշնանային 20-րդ հավաքի ամփոփում

Աշնանային հոբելյանական 20-րդ հավաքի ընթացքում իրականացրել ենք հետևյալ նախագծերն ու գործունեությունները՝

• Աշնանային հավաքի ծրագրի ներկայացում և ծանոթացում բոլոր դասարաններում, 
• 9-րդ դասարաններում ,,9-րդ դասարանի ուսումնական պլանի,, ընթերցում, ուսումնասիրում, 
• Մասնակցություն 9-րդ դասարանների Ուրբաթ-համերգին, ընթերցանության նյութերի ընտրություն, նախապատրաստական աշխատանք դասարաններում,
• Ռազմամարզական ճամբար Արատեսում․ հոկտեմբերի 17-19, 
• Համագործակցային նախագիծ Ավագ դպրոցի սովորողների և Ելենա Սարգսյանի հետ՝ ,,Հայաստանը ես եմ,,
• Համագործակացային նախագիծ Ավագ դպրոցի սովորողների և Նունե Մովսիսյանի հետ․ ամսագրային ընթերցումներ, 
• Համագործակցային նախագիծ Արևմտյան դպրոցի 6-րդ դասարանների սովորողների և Արմինե Աբրահամյանի հետ՝ ,,Ընթերցենք միասին,,
• ,,Բանավեճի ակումբ,, նախագիծ 8-րդ դասարաններում,
• Սովորողների ինքնակրթության նախագծեր,
• ,,Ուսումնական աշուն,,  նախագիծ։ 

Ռազմամարզական ճամբար Արատեսում․ հաշվետվություն

Հոկտեմբերի 17-19- ը Միջին դպրոցի սովորողների հերթական մեծ խումբն ընդունեց 9-րդ դասարանների ուսումնական պլանով  նախատեսված եռօրյա ռազմամարզական ճամբարի հերթափոխը։ Մի փոքր խոսեմ, թե ինչ է Ռազմամարզական ճամբարը և ինչպես է կազմակերպվում։ Ուսումնական պլանում արված է հետևյալ պարզաբանումը․ ,,Ռազմամարզական ճամբարը սահմանված կարգով կազմակերպվում է ուսումնական տարվա ընթացքում։ Սովորողը մասնակցում է ռազմամարզական եռօրյա ճամբարի Արատեսում՝ կրթահամալիրի ,,Դպրոց պարտեզ բնության գրկում,, կենտրոնում կամ Արտանիշի վրանային ճամբարում, մինչև 30 կմ քայլարշավի, կրակային պատրաստության զորամասում կամ այլ մասնագիտացված հրաձգարանում, ռազմամարզական պարապմունքների կրթահամալիրի մարզադպրոցի ռազմական գոտում,,։ Այլ կերպ ասած՝ Ռազմամարզական ճամբարը հնարավորություն է տալիս սովորողին երեք օր ապրել ռազմամարզական միջավայրում՝ մարզվել,  ռազմական գործողությունների անցկացման, անվտանգությանը, մարդու կենասագործունության վերաբերյալ գիտելիքներ ձեռք բերել գործնական ճանապարհով։ 

Մեր ճամբարի ծրագրում ռազմամարզական բաղադրիչը հետևյալ ուղղություններով էր՝

• Առաջին բուժօգնության դասընթաց՝ տեսական և գործնական պարապմունքներով։ Տեսական դասընթացի ժամանակ բնության գրկում՝ բացօթյա միջավայրում, ընկեր Հովսեփը ներկայացրեց, թե ինչպիս վնասվածնքներ-արյունահոսություններ կարող են լինել, յուրաքանչյուրի դեպքում ինչպիսի օգնություն պետք է ցույց տալ։ Ներկայացրեց վիրակապերի տեսակները, վիրակապնա համար անհրաժեշտ նյութերը, վիրակապման ձևերը։ Իսկ գործնական պարապմունքի ժամանակ սովորողները վիրակապեցին՝ ցույց տալով իրենց ձեռքբերած գիտելիքները։ Ընկեր Հովսեփը դիտարկումներ և ուղղումներ արեց։ 
• Մարտավարության գործնական դասեր․ ճամբարականները բաժանվեցին խմբերի, յուրաքանչյուր խումբ ընտրեց ղեկավար, խմբի անդամները ունեցան պաշտոններ և պարտականություններ, ներկայացվեց մարտական խմբի քայլքը , աշխատանքը։ Գործնական դասերն իրականացրինք Արատեսի հյուսիսում, բարձունքից իջանք լեռնային ճանապարհով։ Նկատելի էր, որ սովորողները ոգևորված են և պատասխանատվությամբ են մոտենում խմբում իրենց գործունեությանը։ 
• Մարտավարության դաս․ խումբը քայլքով գրոհում էր իրականացնում՝ պաշտպանելով թիկունքը, հետևելով զենքի ճիշտ գործածաման կանոններին։
• Կրակային պատրաստություն․ ճամբարականները սովորեցին կրակել՝ Տիր հրացանների միջոցով։ 

Ռազմամարզական բաղադրիչը համարում եմ հաջողված և ամբողջովին իրականացված։ Գործունեությունը հետաքրքիր էր, քանի որ իրականացվում էր գործնական դասերի միջոցով։ Ճամբարականների համար գրավիչ էր այն փաստը, որ իրենք մասնակից են, իրականացնող, ոչ թե լսող։ Նկատելի էր, որ ձեռք բերված հմտությունները, իրականացրած աշխատանքները ձևավորեցին համախմբվածություն, կենտրոնացում և պատասխանատվության զգացում։ 

Այլ աշխատանքներ՝

• Բերքահավաք։ Միջին և կրտսեր սովորողներով հավաքեցինք Սիրո տնակի մոտ գտնվող ընկույզի ծառը, մեծերը թափ տվեցին ծառը, հավաքեցինք միասին։ Հավաքածը և՛ համտեսեցինք, և՛ մի մասը բերեցինք Միջին դպրոց՝ խոհարարական ակումբին։
• Առավոտյան նախավարժանք։ Այս գործունեությունը  իրականացրինք կրտսեր դպրոցի սովորողների հետ։ Համատեղ գործունեությունները նպաստում են կրտսեր-միջին հարաբերությունների ստեղծմանը, ձեռք բերած փորձի փոխանցմանը, ընկերության ստեղծմանը․ ավագը կրտսերի համար օրինակ է հանդիսանում, ցուցաբերում է հոգատարություն, պատասխանատվություն։ 
• Հայրենագիտություն․ Քայլքի միջոցով ծանոթացանք Արատեսի դպրական կենտրոնի տարածքին, մի խումբ սովորողներ առաջին անգամ էին իջնում Խաչոց ձոր։ Հայրենագիտությունը ներառում էր նաև մի շարք կանգառներ՝ Եղեգիսի Սուրբ Զորաց եկեղեցի, Արարատի Սուրբ Հակոբ եկեղեցի։ Բոլորս առաջին անգամ էինք գտնվում Սուրբ Հակոբ եկեղեցում, որը յուրահատուկ էր իր կառուցվածքով և մեծությամբ։ Յուրաքանչյուր կանգառում խոսել ենք կառույցի առանձնահատկությունների մասին, անդրադարձել պատմությանը։ Սովորողները նախապես կատարել էին ուսումնասիրություններ։ 
• Ինքնասպասարկում և միջավայրի բարեկարգում։ Ե՛վ խոհանոցում, և՛ այգում, բակում աշխատել, պատրաստել և մաքրությանը հետևել են սովորողները՝ աշխատելով հերթափոխով և ըստ ցանկության։ 
• Թփատունկ։ Մեզ հետ տարել էինք սիրիական վարդերի տունկեր, տունկերը տրամադրել և տնկման առանձնահատկությունները փոխանցել էր տիկին Շողիկը։ Հետաքրքրված սովորողների մի խմբով տնկեցինք, իսկ հաջորդ օրը խնամեցինք և ջրեցինք։ 

• Փայտահավաք։ Նմանատիպ ճամբարների հաճելի պահերից են երեկոյան խարույկները, որի ժամանակ բոլորս հավաքվում ենք խարույկի շուրջ, զրուցում, խոսում, խաղեր խաղաղում, երգում։ Խարույկահանդեսը ևս աշխատանքը, որը կազմակերպում է պահանջում․ ցերեկը՝ քայլքի ժամանակ, անտառից հավաքել էինք չոր փայտեր, որոնք օգտագործեցինք խարույկ վառելիս։ 

Մեր եռօրյա ճամբարը համարում եմ հաջողված, քանի որ հասցրել ենք իրականացնել նախագծում նշված բոլոր գործունեությունները, նաև ճամբարը նպաստեց ուսուցիչ-սովորող, սովորող-սովորող հարաբերությունների սերտացմանն ու մտերմության ձևավորմանը, ինչի արդյունքում լուծվեցին մի շարք կազմակերպչական խնդիրներ հետագա դասերին, նաև սովորողների մոտ ձևավորվեցին կազմակերպչական, պատասխանատվության և տրամաբանված մտածողության հմտություններ։ 

 

Ճամբարի մասին պատմում են մասնակիցները՝

1. Մարինա Զաքարյան, 
2. Կարոլինա Եսայան
3. Դավիթ Հովհաննիսյան
4. Արամ Բադալյան
5. Սոնա Եպոյան
6. Ալեն Դավթյան
7. Սեյրան Բաղդասարյան
8. Հովհաննես Մութաֆյան
9. Հայկ Մանուկյան
10. Մհեր Կարապետյան
11. Վահան Ղուկասյան
12. Ռոբերտ Խաչատրյան
13. Վիկտորիյա Զարգարյան
14. Արմեն Ալավերդյան
15. Էդգար Ալեքսանյան

Լուսանկարներ՝

Նոյեմբեր ամսվա նախագծեր

Սեբաստացու օրեր, կրթահամալիրի տոն

Ուսումնական նախագծեր՝

• Սեբաստացու օրեր, 
• Կարդում ենք Սիրադեղյան,

Շուրջտարյա նախագծեր՝

• ,,Պատուհան,, ամսագիր,
• Համագործակցություն Արմինե Աբրահամյանի հետ՝ Ընթերցենք միասին, 
• Համագործակցություն Նունե Մովսիսյանի և Ավագ դպրոցի հետ, 
• Համագործակցություն Ելենա Սարգսյանի հետ ,,Հայաստանը ես եմ,, 
• Կարդում ենք Ժամանակակից գրականություն։ 

Ճամփորդական նախագծեր՝

• Աշնանային Տավուշ․ եռօրյա ճամփորդություն

Ուսումնական աշուն

2025-2026 ուստարի

Ժամանակահատված՝ հոկտեմբերի 18-26

Մասնակիցներ՝ 8 -րդ և 9-րդ դասարանի սովորողներ 

Առաջադրանք՝ Ընթերցել որևէ ստեղծագործություն /վեպ, վիպակ, պատմվածք, այլ/ , վերլուծել։ 

Ներկայացնել՝

• Ստեղծագործության ասելիքը, գաղափարը, 
• ձեր տպավորությունները՝ մեկնաբանելով և հիմնավորելով, 
• ի՞նչ տվեց ձեզ ստեղծագործությունը, ինչ սովորեցիք,
• առանձնացրե՛ք հետաքրքիր մտքեր, մեկնաբանեք, 
• այլ։ 

Մանկավարժական ճամբարի առաջին հանդիպումը

Մեկնարկել է կրթահամալիրի աշնանային մանկավարժական ճամբարը, որի ծրագրում ներառված են սեմինարներ-հավաքներ մասնագիտական խմբերով։ 

Մասնագիտական հավաքների նպատակն ընթացիկ նախագծերը, աշխատանքները քննարկելն է, անհրաժեշտության դեպքում՝ ուղղորդելը, օգնելը, դասավանդողների մասնագիտական որակները բարձրացնելը։ 

Մայրենի լեզվի մասնախմբի այս շաբաթվա ծրագիրը կարող եք տեսնել այստեղ։ 

Առաջին հանդիպման ժամանակ՝

Ընթերցենք միասին

Աշնանային ամենամյա 20-րդ հավաք 

Համագործակցային նախագիծ Արևմտյան դպրոցի 6-րդ դասարանների հետ 

Նախաձեռնողներ՝ Միջին դպրոցի 8-րդ դասարան

Դասավանդողներ՝ Տաթև Աբրահամյան, Արմինե Աբրահամյան

Օրը ՝ հոկտեմբերի 15, 11:00, Փոքր դահլիճ 

Համատեղ նախագիծը ներառում է ՝

• Վ․ Սարոյանի ,,Հինգ հասուն տանձերը,, ստեղծագործության ընթերցում, 
• Նախապատրաստական պայմանավորվածություններ, 
• Ստեղծագործության քննարկում։ 

Քննարկումը կկազմակերպվի համատեղ Միջին դպրոցի Փոքր դահլիճում։ 

Արդյունքը՝

•  քննարկման ընթացքի նկարահանում, հրապարակում, 
• 6-րդ դասարանի սովորողները հնարավորություն կունենան ծանոթանալ և ճանաչել Միջին դպրոցը, սովորողներին, 
• կքննարկեն և կորոշվեն հնարավոր հետագա համատեղ նախագծերը։ 

Ռազմամարզական ճամբար Արատեսում

Ռազմամարզական ճամբարի կազմակերպման օրերը՝ հոկտեմբերի 17-19

Մասնակիցներ՝ Միջին դպրոցի 9-րդ դասարանի սովորողներ

Ճամբարի ղեկավարներ՝ Տաթև Աբրահամյան, Նաիրա Հարությունյան, 

Ռազմամարզական բաղադրիչ պատասխանատու՝ Հովսեփ Աղաբեկյան, 

Մեկնում՝ հոկտեմբերի 17-ին, 09:20, Սուրբ Երրորդություն եկեղեցու բակից, 

Վերադարձ՝ հոկտեմբերի 19-ին՝ մինչև 19:00, Մայր դպրոց ։ 

Երթուղի՝

Մեկնում․ Երևան-Արտաշատ-Երասխ-Արենի- Գետափ- Եղեգիս -Հերմոն- Արատես, 

Վերադարձ՝  Արատես-Հերմոն-Արենի-Երասխ-Արարատ գյուղ-Արտաշատ-Երևան ։ 

Ուղղություններ՝

Կյանքը իրական է, քանի դեռ կամ

Ընդհանրապես, ամենադժվարը ստի նկատմամբ հաղթանակն է: Մարդն այնքան շատ է խաբում և՛ ինքն իրեն, և՛ ուրիշներին, որ դադարում է դա նկատելուց: Բայց և այնպես ստին անհրաժեշտ է հաղթել: Եվ առաջին ջանքը, որ պահանջվում է մարդուց, ուսուցչին խաբելը հաղթահարելն է: Մարդ պետք է մեկընդմիշտ որոշի կա´մ ոչինչ չասել բացի ճշմարտությունից, կա´մ անհապաղ հրաժարվել ուսումից:

Պետք է ձեզ համար պարզեք, որ ուսուցիչը շատ դժվար խնդիր ունի լուծելու՝ մարդկային մեքենաների (1) մաքրում և նորոգում: Իհարկե, նա հանձն է առնում միայն այն մեքենաները, որոնք ի զորու է նորոգել: Եթե մեքենայի մեջ շարքից դուրս է եկել էական ինչ-որ բան, ապա նա հրաժարվում է դա նորոգելուց: Սակայն նույնիսկ այն մեքենաները, որոնք, ըստ էության, դեռ հնարավոր է նորոգել, բոլորովին անհույս են դառնում, եթե սկսում են ստել: Ուսուցչին ասած սուտը, նույնիսկ ամենաաննշանը, օրինակ` ուսուցչից ինչ-որ բան թաքցնելը, որ ուրիշ մեկն է խնդրել գաղտնի պահել, կամ որ մենք ենք ուրիշին ասել, մարդու աշխատանքին վերջ է դնում, մանավանդ եթե նախկինում արդեն ինչ-որ ջանքեր գործադրել էր (2):

Շտապե՛ք, երեխաներ, թռչել ենք սովորելու

Շալվա Ամոնաշվիլի «Շտապե՛ք երեխաներ, թռչել ենք սովորելու» ( հատվածներ)

-Պապի՛կ, էդ ի՞նչ ես փսփսում,-հարցրեց տղան՝ նկատելով, որ պապը քնելուց առաջ ինքն իրեն ինչ-որ բան է շշնջում:- Միտքը Սրտիս եմ տալիս, փոքրի՛կ,-պատասխանեց նա: Տղան զարմացավ.-Ի՞նչ է դա նշանակում: Իմաստուն պապն ասաց նրան.- Չեմ ուզում վիճել ինձ զայրացրած հարևանի հետ, չգիտեմ՝ ինչպես վարվել: Ահա և միտքը կդնեմ Սրտի մեջ և կքնեմ, իսկ առավոտյան Սիրտը կհուշի ինչ անել:-Բա որտեղի՞ց Սիրտը գիտի, պապի՛կ:-Սիրտն ամեն ինչ գիտի, ես ամբողջ կյանքում սովորում եմ նրանից: Քեզ էլ եմ խորհուրդ տալիս՝  երբ կփնտրես որևէ դժվար խնդրի պատասխան, երբ ինչ-որ բան քեզ համար հասկանալի չի լինի, քնելուց առաջ միտքը տուր Սրտին, իսկ առավոտյան պատասխանները պարզ կլինեն: Միայն թե դա արա հավատով: *** Նստել էր ծերունին ճամփեզրին ու նայում էր ճանապարհին: Տեսնում է՝  գալիս է մի մարդ, իսկ նրա ետևից՝  փոքրիկ մի տղա: Մարդը կանգ է առնում, տղային պատվիրում ծերունուն իրենց ունեցածից հաց ու ջուր տալ:-Ի՞նչ ես անում այստեղ, ծերո՛ւկ,-հարցնում է

Կարդում ենք Կոմիտաս

Կոմիտաս են ընթերցում են 9-րդ դասարանի սովորողները՝

• Մենավոր․ կարդում է Կարոլինա Եսայանը,

Համագործակցային նախագիծ «Հայաստանը ես եմ»

Աշնանային հավաք

Համագործակցային նախագիծ․ 11-րդ և 9-րդ դասարաններ

9-րդ դասարանների համար սովորողի ընտրությամբ ուսումնական նախագիծը և դրա ներկայացումը դիտարկվում է որպես հետազոտական աշխատանք կատարելուն ուղղված մեկնարկ։

Խնդիրներ

Ծեծենք աղքատներին

Տասնհինգ օր շարունակ ես մեկուսացել էի սենյակիս մեջ և շրջապատվել այնպիսի գրքերով, որոնք այն ժամանակ աղմուկ էին հանել (սրանից տասնհինգ-տասնվեց տարի առաջ): Խոսքս այն գրքերի մասին է, որոնց մեջ քննված է ժողովուրդներին մեկ օրում երջանկացնելու, իմաստնացնելու և հարստացնելու արվեստը։ Եվ այսպես ես մարսում էի, ավելի ճիշտ կլանում էի բոլոր այդ մարդասերների մտքի տքնությունը, նրա՛նց, ովքեր խորհուրդ են տալիս ստրկացնել բոլոր աղքատներին և նրանց, ովքեր հավատացնում են, թե իրենք գահազուրկ արքաներ են։ Դրանից հետո զարմանալի չէ, որ ես ընկա մի վիճակի մեջ, որ մոտ էր խելագարությանն ու ապշանքին:

Ինձ թվում էր միայն, որ մտքիս խորքում թաքնված էր այն գաղափարի հեռավոր սաղմը, որ բարձր էր բոլոր իմ կարդացած այդ պառավական բանաձևերից: Բայց այդ գաղափարը սոսկ մի չափազանց անորոշ բան էր։

Բանավեճի ակումբ

Իրականացման ժամանակահատվածը՝ շուրջտարյա

Մասնակիցներ՝ Միջին դպրոցի սովորողներ 

Նպատակը՝

• օգնել սովորողներին ընդլայնել սեփական հայացքները, 
• զարգացնել քննադատողական մտածողությունը,

Ընթացքը՝ 

Հոկտեմբեր ամսվա նախագծեր

Ուսումնական նախագծեր՝

• Կարդում ենք Կոմիտաս, 
• Կարդում ենք արևմտահայերեն, 

Շուրջտարյա նախագծեր՝

• Բանավեճի ակումբ, 
• Պատուհան․ ամսագիր

Համատեղ նախագիծ՝ 

• Ելենա Սարգսյանի և ավագ դպրոցի սովորողների հետ՝ ,,Հայաստանը ես եմ,,
• Ամսագրային համագործակցություն․ նախագծի առաջարկը՝ Նունե Մովսիսյանի

Ուսումնական ճամփորդություններ՝

• Կոմիտասի թանգարան-ինստիտուտ, 
• Ռազմամարզական ճամբար Արատեսում․ հոկտեմբերի 17-19

Սեպտեմբեր ամսվա հաշվետվություն

Իրականացրած ուսումնական նախագծեր՝

• Բարձունքի հաղթահարում․ Հատիս
• Առավոտյան ընդհանուր պարապմունքի շաբաթվա ծրագրի համակարգում, 
• Հանդիպում լեզվաբան Արմեն Սարգսյանի հետ, 
• ,,Դպիր,, ամսագրի համար հոդվածների խմբագրում, 
• ,,Ուսումնական ժամերգություն,, նախագծի պատասխանատու, 
• ,,Պատուհան,, ամսագիր

Հաղթահարցեինք Հատիսի բարձունքը

Սեպտեմբերի 21-ը ՀՀ Անկախության օրն է, այդ օրը Հայաստանը հանրաքվեի արդյունքում հայտարարվեց անկախ պետություն։ Տարիներ շարունակ կրթահամալիրում հրաժարվել ենք պաթոսախառն հանդեսներից ՝ ընտրելով իրական հայրենասիրությունը, որը հենց հայրենաճանաչությունն է։ Ինչպե՞ս ենք նախապատրաստվում և իրականացնում։ ,,Բարձունքի հաղթահարում,, նախագիծը նախատեսում է ՀՀ տարածքում որևէ կոնկրետ լեռան կամ բարձունքի հաղթահարում, քայլարշավ, որի ժամանակ սովորողները ոչ միայն ուղղակի սար են բարձրանում, այլև ճանաչում և ուսումնասիրում են հայրենիքը, երբեմն այնպիսի անկյուններ ու վայրեր են գնում, որոնք հայտնի չեն, բացահայտումներ են անում, մարզական պատրաստվածություն են ձեռք բերում։ Ավելացնեմ, որ այլ հաճույք է, երբ դժվար ընթացքից հետո աշխարհին, Հայաստանին նայում ես թռչնի թռիչքի բարձրությունից և հասկանում ես, որ կարողացար, հաղթահարեցիր և՛ լեռը, և՛ սեփական ծուլությունդ, և՛ մտքումդ ստեղծած դժվարությունները։ 

Օձը

Երբ ման էր գալիս զբոսայգում մայիս ամսին, նա տեսավ մի փոքրիկ սրճագույն օձ, որ խույս էր տալիս իրենից խոտի ու տերևների միջով, ու գնաց դրա ետևից, մի երկար ճիպոտ ձեռքին, միաժամանակ զգալով մարդու բնազդական վախը սողուններից:

Ա՜հ, մտածեց, չարիքի մեր խորհրդանշա՛նը, և ճիպոտով դիպավ օձին, որը գալարվեց: Օձը բարձրացրեց գլուխը և խփեց ճիպոտին, ապա սլացավ խոտի միջով, ահաբեկված շտապելով, և նա գնաց դրա ետևից:

Շատ գեղեցիկ էր օձը և զարմանալիորեն ճարպիկ, բայց նա որոշեց առժամապես հետևել և մի որևէ բան իմանալ դրա մասին:

Փոքրիկ սրճագույն օձը նրան տարավ զբոսայգու խորքերը, այնպես որ նա հիմա աչքից հեռու էր և առանձին՝ օձի հետ: Իրեն հանցավոր էր զգում, որ օձին հետապնդելով խախտում է այգու այս կամ այն կանոնը և մի ասելիք էր պատրաստում, եթե որևէ մեկը հայտնաբերեր իրեն: Գուցե ասի՝ «Ես ժամանակակից բարոյականությունն եմ և ուսումնասիրում եմ սողունների կառուցվածքը»: Այսպես թե այնպես մի որևէ խելքի մոտ բացատրություն էր տալու:

Չէր ասելու, թե մտադիր է սպանել օձին:

Վահան Թոթովենց «Մտածումի շիթեր»

Երբ մարդ չկրնար աշխատել՝ կա՛մ կը լռե կա՛մ կուլա։ Լռությունը Անհունին կրկներևույթն է տիեզերքին վրա։ Մարդ ընդհանրապես կուլա, որովհետև ամեն մարդ չկրնար Անհունության շարունակությունն ըլլալ։

Լույսի շարունակությունը, պատկերներու հաճախանքը, կյանքի խավարակուռ անկյունները թափանցելու Ուժը՝ դեպի գերեզման ստույգ վազք մը կը նշանակե։ Ընդհանրապես բանաստեղծները շուտ կը մեռնին, որովհետև շուտ կը տեսնեն։

Առավոտյան ընդհանուր պարապմունք․ ծրագիր

22.09.2025, երկուշաբթի

Վարում են՝ Անգելինա Գևորգյանը, Լինա Բաբյանը

• Ողջույնի խոսք, 
• Օրվա նորությունները, 
• Մեր տոնը բարձունքին, անդրադարձ բարձունքի հաղթահարման ճամփորդական նախագծերին, 

Անկախության օրը բարձունքին․ Հատիս

Վայրը՝ Կոտայքի մարզ, Հատիս լեռ

Մասնակիցներ՝ Միջին դպրոցի տարատարիք սովորողներ

Ժամկետը՝ սեպտեմբերի 20-ին` ժամը՝ 08:30-16:30

Մեկնում՝ ,ժամը՝ 08։30, վերադարձը` 16:30, Սուրբ Երրորդություն եկեղեցու բակից

Անհատական աշխատաժամանակ․ Առաջին ուսումնական շրջան

2025-2026 ուստարի

Առաջին ուսումնական շրջանի աշխատաժամանակը տե՛ս այստեղ։ 

Ծիծաղ

-Ուզում եք, որ ծիծաղե՞մ:
Այնքան մենավոր ու խոնջացած զգաց նա ինքն իրեն դատարկ դասարանի մեջ, մինչ բոլոր տղաները գնում էին տուն` Դեն Սիթը, Ջեյմս Միսիփոն, Դիք Քորքորանը: Նրանք այժմ հավանաբար քայլում էին Սաութըրն Փասիֆիք երկաթուղագծի երկայնքով, խաղալով ու խնդալով: Իսկ օրիորդ Վիսիկիի՝ իրեն դասարանում պահելու այս ապուշ գաղափարը նրան տկարացնում էր:
- Այո, ուզում եմ, որ ծիծաղես:
Օրիորդի խստապիրկ շուրթերը, ահուդողը, աչքերից ծորող սրտառուչ մելամաղձը:
- Բայց ես չեմ ուզում ծիծաղել:
Ամեն բան տարօրինակ էր, ողջ աշխարհը, պատահող բաները, դրանց պատահելու կերպը:
- Ծիծաղի՛ր:
Օրիորդի հարաճուն էլեկտրական պրկվածությունը, շեշտված համառությունը, մարմնի եւ թեւերի ջղային շարժումները, նրա սփռած պաղ մթնոլորտը եւ մանավանդ՝ զզվանքը, որ նա զգում էր իր արյան մեջ:
- Բայց ինչո՞ւ:

Հանճարը

Մի անգամ երեկոյան, Իզզիի գարեջրատանը ինձ մոտեցավ վելվետե շալվարով մի երիտասարդ հանճար ու ասաց․

― Լսեցի, որ դուք գրող եք։ Ես մի պատմություն գիտեմ, որով կարելի է հոյակապ ֆիլմ ստեղծել, միայն թե ինձ փորձառու մարդ է պետք, որ գրի այն իմ փոխարեն։ Ես ինքս կգրեի, բայց աշխատում եմ, իսկ աշխատանքից հետո արդեն շատ հոգնած եմ լինում ու չեմ կարողանում գրել։

Գլուխս մի քիչ տաք էր, բայց ես երբեք այնքան հարբած չեմ լինում և ոչ էլ այնքան զբաղված, որ չկարողանամ լսել իմ գրչակցին և ասացի․

― Դե, սկսեք ուրեմն, լսում եմ ձեզ։ Եթե ձեր պատմությունը լավը լինի, ես սցենար կգրեմ և մենք միասին կհասնենք այն բանին, որ «Մետրո Գոլդեն Մեյեր» կինոստուդիան ֆիլմ ստեղծի դրանով։ Դե, սկսեք, տեսնենք։

Գիտելիքի օր․ հանդիպում Արմեն Սարգսյանի հետ

Գիտելիքի օրը մեզ համար կրկնակի տոն դարձավ, քանի որ հնարավորություն ունեցանք հանդիպել ժամանակակից ստեղծագործող, լեզվաբան, բանասեր, ,,Վերնատուն,, հրատարակչության գլխավոր խմբագիր, գրականագետ, ,,Հայերենի համար սեղմեք 1,, նախագծի հեղինակ Արմեն Սարգսյանի հետ, ով նաև բլոգեր է, ինստագրամյան հարթակում հայերեն լեզվի վերաբերյալ բլոգ է վարում է, ունի 20 հազար հետևորդ։ 

Հայոց լեզու, Գրականություն. 9-րդ դասարան

2025-26 ուստարի

Միջին դպրոց

9-րդ դասարան- Հայոց լեզու՝ 3 ժամ շաբաթական, Գրականություն՝ 2 ժամ շաբաթական, 

Մայրենի լեզվի ուսուցումը նպատակաուղղված է՝

• Գրավոր և բանավոր ճիշտ խոսքի, հստակ արտահայտման անհրաժեշտ հմտությունների մշակմանը, 
• Վերլուծելու, համադրելու, սեփական կարծիքն ազատ արտահայտելու կարողությունների զարգացմանը, 
• Հաղորդակցական հմտությունների փոխանցմանը, 
• Ինքնարտահայտման կարողության պահպանմանը և զարգացմանը, 
• Սովորողների կողմից լեզուն որպես մշակութային արժեք ընկալմանը, այն կրելու, տարածելու անհրաժեշտության գիտակցմանը,
• Սեփական ստեղծագործական ունակությունները դրսևորելուն, ինքնակրթության, ինքնակատարելագործման մղելուն,
• Մայրենի լեզվի առաջնայնության և անաղարտության պահպանմանը։ 

Հանդիպում Արմեն Սարգսյանի հետ

Հանդիպման օրը, վայրը՝ սեպտեմբերի 1, 10:30, Փոքր դահլիճ  (Հասցե՝ Բաբաջանյան 25)

Համակարգողներ՝ Տաթև Աբրահամյան, Ստելլա Մնացականյան

Հյուր՝ Արմեն Սարգսյան, լեզվաբան, բանասեր, ,,Վերնատուն,, հրատարակչության գլխավոր խմբագիր, գրականագետ, ,,Հայերենի համար սեղմեք 1,, նախագծի հեղինակ։ 

,,Հայերենի համար սեղմեք 1,, նախագիծը հետաքրքիր ձևաչափով անդրադառնում է տարածված լեզվական սխալներին։ Նպատակը հանրության շրջանում հայերենի հանդեպ ուշադրության և հետաքրքրության աճն է։ 

Ծրագիր՝

• ծանոթություն, իրականացվող նախագծերի ներկայացում, 
• լեզվական զրույցներ, խաղ, 
• հետաքրքիր հարցեր և պատասխաններ, 
• հնարավոր համատեղ նախագծերի քննարկում, 
• նվերների հանձնում, մասնակիցների խմբով ընդհանուր լուսանակար։ 

Մասնակցել ցանկացողները գրեն tatev.abrahamyan@mskh.am էլ․ փոստին։ 

Մասնակիցների առավելագույն քանակը 30: Մասնակիցները պետք է ունենան ինտերնետին միացված նոթբուք կամ հեռախոս։ 

Մասնակիցների ցուցակ՝ 

Վաղարշապատ- Էջմիածին․ հին ու նոր քաղաքների խաչմերուկում

Ճամփորդության իրականացման ժամանակահատվածը՝ սեպտեմբերի 5

Ճամփորդության մասնակիցներ՝ Միջին դպրոցի տարատարիք սովորողներ, 

Ճամփորդության ղեկավարներ՝ Ստելլա Մնացականյան, Տաթև Աբրահամյան։

Ճամփորդության վայրը՝ Էջմիածին, Սուրբ Հռիփսիմե, Սուրբ Գայանե եկեղեցիներ, Մայր աթոռ, Մայր աթոռի թանգարան։ 

Ճամփորդության օրը՝ սեպտեմբերի 5, 09:00, մեկնումը՝ Սուրբ Երրորդություն եկեղեցու բակից, վերադարձը՝ 15:00: 

Ճամփորդության նպատակը՝ 

•  ծանոթանալ հոգևոր մայրաքաղաքին և նրա գործունեությանը,
• պատմամշակութային կառույցների ուսումնասիրության միջոցով ծանոթանալ կառուցման ժամանակաշրջանի պատմական իրադարձություններին, հասարակական հարցերին, 
• քայլել քաղաքով՝ դիտելով առանձնահատկությունները։ 

Նախապատրաստական աշխատանք

Նախագծային շաբաթ․ սեպտեմբերի 1-5

Ժամնակահատված՝ սեպտեմբերի 1-5

Մասնակիցներ՝ Միջին դպրոցի 8 և 9-րդ դասարանի սովորողներ։ 

Իրականացվող նախագծեր՝

• ,,Պատուհան,, ամսագիր, 
• Կարդում ենք Ժամանակակից գրականություն, 
• Փոդքաստ 
• Սովորողների անհատական նախագծեր, 
• ,,Ուսումնական ամառ,, նախագծի արդյունքների ամփոփում և ներկայացում, 

Այլ աշխատանքներ՝

• Մայրենիի ֆլեշմոբ ․ հունիս, 
• Մայրենիի ֆլեշմոբ․ հուլիս,
• Մայրենիի ֆլեշմոբ․ օգոստոս 

Ճամփորդություն

Սեպտեմբերի 5. Էջմիածին․ հոգևոր մայրաքաղաք

Սեպտեմբեր ամսվա նախագծեր

Ուսումնական նախագծեր՝

• Նախագծային շաբաթ, 
• Կարդում ենք Սարոյան, 
• Կարդում ենք Կոմիտաս

Շուրջտարյա նախագծեր՝

• ,,Պատուհան,, ամսագիր,
• Կարդում ենք Ժամանակակից գրականություն, 
• Փոդքաստ

Ճամփորդական նախագծեր՝

• Էջմածին․ հոգևոր քաղաք։

Ուսումնական օրացույց․ 2025-2026 ուստարի

Առավոտյան ընդհանուր պարապմունք՝ երկուշաբթիից ուրբաթ

Մայրենիի ֆլեշմոբ՝ յուրաքանչյուր ամսվա երկրորդ չորեքշաբթի

Ուսումնական ժամերգություն՝ հերթապահության օրերին

Ուբաթ -համերգ՝ յուարքանչյուր ուրբաթ։ 

Սեպտեմբեր

• Գիտելիքի օրը բարձունքին, 
• Ստեղծագործական ամառային նախագծերի ամփոփում, 
• Սարոյանական օրեր,
• Կոմիտասյան օրեր։ 

Հայոց լեզու, Գրականություն․ 8-րդ դասարան

2025-26 ուստարի

Միջին դպրոց

8-րդ դասարան- Հայոց լեզու՝ 3 ժամ շաբաթական, Գրականություն՝ 2 ժամ շաբաթական, 

Մայրենի լեզվի ուսուցումը նպատակաուղղված է՝

• Գրավոր և բանավոր ճիշտ խոսքի, հստակ արտահայտման անհրաժեշտ հմտությունների մշակմանը, 
• Վերլուծելու, համադրելու, սեփական կարծիքն ազատ արտահայտելու կարողությունների զարգացմանը, 
• Հաղորդակցական հմտությունների փոխանցմանը, 
• Ինքնարտահայտման կարողության պահպանմանը և զարգացմանը, 
• Սովորողների կողմից լեզուն որպես մշակութային արժեք ընկալմանը, այն կրելու, տարածելու անհրաժեշտության գիտակցմանը,
• Սեփական ստեղծագործական ունակությունները դրսևորելուն, ինքնակրթության, ինքնակատարելագործման մղելուն,
• Մայրենի լեզվի առաջնայնության և անաղարտության պահպանմանը։ 

Մուտքի ճամբար. լեզվագործունեություն, ընթերցանություն

Օգոստոսի 21, Մայր դպրոց

Մասնակիցներ՝ Մուտքի ճամբարի սովորողներ

Առաջադրանքներ

1. Ո՞ր բառն է շարքում «օտար» ։

Տկար, տունկ, տգիտություն, տհաճ, տմարդի։  

Զնգոց, ջնջոց, թրջոց, կրակոց, փողոց։

2.  Վերականգնի՛ր բառերը՝  զարե, մտացկրո, նղասե, ատմիտ

3.    Նախադասություններում սխալ գործածված բառեր կան, գտի՛ր և ճշտի՛ր։

Նյարդերը տեղիք տվեցին, էլ չդիմացավ և ասաց՝ ինչ մտածում էր։

Ընկերոջն առաջարկեց դիտարկել իր արած լուսանկարները։

Անհատական աշխատաժամանակ․ օգոստոսի 18- 29

Օգոստոսի 18

11:00-14:00` դասասենյակի մաքրություն:

Օգոստոսի 19

09:00-10:00` դասասենյակի օդափոխում, փոշիների հավաքում, անելիքների պլանավորում, ճշգրտում, 

10:00-11:00` հավաք մանկավարժական խմբով,

11:00-12:30` անհատական աշխատաժամանակի կազմում, հետազոտական աշխատանքի խմբագրում, հրապարակում ,,Դպիր,, հավելվածում, 

12:30-13:00 ՝ ընդմիջում

13:00-14:00` հավաք մասնախմբով, անելիքների քննարկում, 

14:00-15:00`  նոր ուստարվա ծրագրերի վերանայում։