Դիջիպատում 2013

2013 թվականը փոփոխությունների տարի էր: Փոփոխությունները չափազանց շատ էին, որոնք բեկում մտցրեցին իմ կյանքում:

Տարվա ձեռքբերումը և առաջին փոփոխությունը առանց տետրի ու գրիչի աշխատելն էր: Արդեն մայիսին ես և իմ սովորողները պատկերացնում էինք  <<Նոթբուքն ինձ դասընկեր>>  ծրագրի աշխատանքները, իսկ սեպտեմբերից սկսած ամբողջովին մեդիաուսուցմանն անցանք:

Երկրոդ ձեռքբերումը նախագծային ուսուցումն էր: Արդեն ասված էր, որ պետք է ուսուցումը կատարվի նախագծերի միջոցով: Ճիշտ է, սկզբում դժվար էր, բայց հետզհետե ավելի պարզ դարձավ ու զգացվեց նախագծային աշխատանքի արդյունավետությունը: Տարվա ընթացքում իրականացրել ենք բավականին նախագծեր: Դրանցից կարծում եմ ավելի հաջողվածներն են ստորև նշվածները:

Գրիգոր Նարեկացի

Սեբաստացու օրեր 

Նախկին սեբաստացիներ չեն լինում

Կոմիտաս

Աթաբեկ Խնկոյան 

Մեր բակի աշուն

Նախագծերի արդյունքները հրապարակվել են  Նոր  և Գեղարվեստի կրտսեր դպրոցների ենթակայքերում, իմ և սովորողների բլոգներում:

Նախագծերի հիմքում ընկած է կրթահամալիրի ուսումնական տոնացույցը:

Իսկապես, նախագծային ուսուցումն իր ուրույն տեղը զբաղեցրեց մեր կյանքում: Սովորողները շատ արագ սովորեցին այս մեթոդը, ոգևորվեցին և սկսեցին հանդես գալ սեփական նախագծերով: Տվյալ դեպքում անհրաժեշտ էր միայն խորհուրդներ տալ և աշխատանքն ինքնին ստացվում էր: Այդպիսի նախագիծ էր մուլտֆիլմի թարգմանությունը, որ առաջարկեց Գեղարվեստի կրտսեր դպրոցի սովորող Գևորգ Հովհաննիսյանը ու իրականացեց համադասարանցիցների միջոցով: Հիմա արդեն հանգիստ կարող եմ ասել, որ նախագծային ուսուցումը հաջողվել է:

Տարվա ընթացքում կարևորել ենք  ընթերցանությունը: Բազմաթիվ հեքիաթներ և պատմվածքներ անցնելուց բացի, սովորողների հետ կարդացել ենք հետևյալ ստեղծագործությունները:

Ջաննի Ռոդարի <<Ջելսոմինոն խաբեբաների աշխարհում>>

Լուիս Քերոլ <<Ալիսան հրաշքների աշխարհում>>

Օսկար Ուայլդ, հեքիաթներ

Ջաննի Ռոդարի <<Անտեսանելի Տոնինոյի արկածները>> /շարունակում ենք կարդալ/:

Սովորողների հետ իրականացրել ենք նաև շուրջտարյա նախագծեր: Այդպիսի նախագծեր են Ռադիո Գեղարվեստը , որի աշխատանքները սկսեցինք 2013 թվականին և անպայման կշարունակենք 2014 թվականին, և Մենք TV-ին: 

2013 թվականին բավականին ճամփորդել ենք՝ Կարմիր բլուր, Թումանյանի տուն-թանգարան, Թումո կենտրոն, Արագած, Ծաղկունք-Սևանի դպրանոց, Խոսրովի անտառ-Կաքավաբերդ-Աստղիկի ջրվեժ, Մեծամորի պատմահնագիտական թանգարան: Քանի որ շատ եմ սիրում ճամփորդել, որոշեցի բաց չթողնել ճամփորդելու ոչ մի հնարավորություն: Ճամփորդությունները սովորելու և սովորեցնելու յուրահատուկ  ու անփոխարինելի միջոց են:

 Տարվա ընթացքում կատարված աշխատանքներից  կարևորում եմ հանրօգուտ աշխատանքները: Սովորողների հետ շատ անգամներ մաքրել ենք դպրոցի ներքին և արտաքին բակերը, գեղեցկացրել մեր միջավայրը:

Կատարել ենք թարգմանություններ: Թարգմանություններ կատարելիս սովորողները ձեռք են բերում նոր գիտելիքներ և հմտանում են լեզուների մեջ: Սովորողը կատարում է թարգմանչական-խմբագրական աշխատանք, հարստանում է նրա բառապաշարը, զարգանում բանավոր և գրավոր խոսքը: 2014 թվականին անպայման շարունակելու ենք այս աշխատանքները:

Իմ Գեղարվեստի դպրոց, երբեմն այնքան ցավով եմ մտածում, որ կարող եմ մնալ առանց քեզ, երևի դրա համար մի քիչ դժվար էր Նոր դպրոցի առաօրյային հարմարվելը: Հիմա ես հասկանում եմ, որ Նոր դպրոցն էլ է կազմում մի մասն այն ամենի, ինչի մեջ ապրում եմ:  2013 թվականի ամենամեծ ձեռքբերումը և փոփոխությունը, անկասկած, Նոր դպրոցն է, միջավայր, որտեղ չէի եղել, մարդիկ, որոնց չէի ճանաչում, սովորողներ, որոնք ուրիշ էին, իսկ հիմա իմն են: Փաստորեն ,,պատերը,, քանդվում են: 

Առջևում 2014 թվական է, առջևում նոր անելիքներ են, նոր նախագծեր: Այս տարի կլինեմ ավելի նախաձեռնող և ավելի բարեխիղճ:

Տաթև Աբրահամյան