Ծանոթացել եմ Հանրակրթության մասին ՀՀ օրենքին:
Գործնական աշխատանք
Մասնակիցը ընտրում է հետևյալ թեմաներից մեկը․
- Սովորողի իրավունքներն ու պարտականությունները
- Մանկավարժական աշխատողների իրավունքներն ու պարտականությունները
- Սովորողի ծնողի իրավունքներն ու պարտականությունները։
Սկզբում ինքնուրույն, առանց օգտվելու որևէ գրականությունից, պատասխանաում է հարցին։ Հետո իր գրածը համեմատում է օրենքի համապատասխան հոդվածի հետ։ Դեղինով նշում է այն կետերը, որոնք իր գրածում կան, բայց օրենքում չկան։ Կարմիրով լրացնում է այն կետերը, որոնք ավելացրել է օրենքից։ Աշխատանքը տեղադրում է իր բլոգում։
Ընտրել եմ ,,Ս
ովորողի իրավունքներն ու պարտականությունները,, թեման:Սովորողն իրավունք ունի
- ստանալ որակյալ կրթություն:
- ազատ արտահայտել իր կարծիքը՝ առանց ենթարկվելու հոգեբանական ճնշման:
- ընտրել իր հետաքրքրություններին և սպասելիքներին համապատասխան կրթական հաստատություն՝ դպրոց:
- դպրոցում վարել առողջ ապրելակերպ, առողջ սնունդ ձեռք բերելու հնարավորություն ունենալ:
- հագնվել իր ընտրությամբ՝ առանց կոնկրետ համազգեստի պարտադրվելու:
- ստանալ կրթություն ապահով և անվտանգ միջավայրում:
- փոխել կրթական հաստատությունը, եթե այն չի արդարացրել իր սպասելիքները:
- մտանալ հնարավորություն լրացուցիչ կրթության մասնակցելու:
- անհրաժեշտության դեպքում առաջին բուժօգնություն ստանալու:
- անվճար օգտվելու ուսումնական հաստատության ուսումնանյութական բազայից:
- ստանալ կրթության առանձնահատուկ պայմանների կարիքը բավարարելուն ուղղված աջակցություն
- մասնակցելու ներդպրոցական և արտադպրոցական միջոցառումների
- ուսումնական հաստատության կանոնադրությամբ սահմանված կարգով մասնակցելու ուսումնական հաստատության կառավարմանը
- ազատորեն փնտրելու և մատչելիորեն ստանալու ցանկացած տեղեկատվություն, բացառությամբ օրենքով սահմանված դեպքերի
- օգտվելու օրենքով և ուսումնական հաստատության կանոնադրությամբ սահմանված այլ իրավունքներից:
Սովորողը պարտավոր է
- հետևել դպրոցի հաստատված կանոնակարգին:
- սովորել և դասերին ներկայանալ պատրաստված:
- հարգանքով վերաբերվել ուսուցիչներին և դասընկերներին:
- մասնակցել դպրոցի միջավայրի բարեկարգման և զարգացման աշխատանքներին:
- կոնֆլիկտներ չհրահրել, կռիվներ չստեղծել:
- չզրկել, չխանգարել նույն միջավայրում եղող մարդկանց ազատ արտահայտվելու և ազատ գործելու իրավունքին:
- չբացակայել և բացակայելու դեպքում պատշաճ տեղեկացնել:
- կատարել օրենքով և ուսումնական հաստատության կանոնադրությամբ սահմանված այլ պարտականություններ:
Սովորողի իրավունքներն ու պարտականությունները նշված են Հանրակրթության մասին ՀՀ Օրենքի 5-րդ գլխում, հոդված 20:
Իմ գրածը համեմատել եմ օրենքի համապատասխան հոդվածի հետ (հոդված 20), դեղինով նշված են այն կետերը, որոնք կային իմ գրածում, բայց չկային հոդվածում: Կարմիրով նշել եմ այն կետերը, որոնք ավելացրել եմ օրենքից:
Պատրաստվում եմ ատեստավորման:
Ծանոթանում է օրենքի 26-րդ հոդվածին։ Կազմում է իր քայլերի հաջորդականությունը հերթական ատեստավորվելու համար և որակավորման տարակարգ ստանալու համար։
Ատեստավորվելու և որակավորման տարակարգ ստանալու համար պետք է կատարել քայլերի հետևյալ հաջորդականությունը:
- Տվյալ ուսումնական հաստատությունում զբաղեցրած պաշտոնի նկարագրին ուսուցչի համապատասխանության որոշման նպատակով պետությունն իրականացնում է ուսուցչի հերթական ատեստավորում` յուրաքանչյուր ուսուցչի համար 5 տարին մեկ անգամ: Մինչև սահմանված ժամկետի լրանալը ուսուցիչը կարող է իր նախաձեռնությամբ և իր միջոցներով վերապատրաստվել և դիմել ատեստավորման, բայց ոչ շուտ, քան հերթական ատեստավորումից մեկ տարի հետո:
- Տնօրենը յուրաքանչյուր տարվա համար կազմում և հաստատում է տվյալ տարվա հերթական ատեստավորման ենթակա ուսուցիչների ցանկը և ներկայացնում ատեստավորման հանձնաժողով` Հայաստանի Հանրապետության կառավարության սահմանած կարգին համապատասխան:
- Ուսուցիչը նախապես տեղեկանում է (երեք ամիս առաջ), որ պետք է ատեստավորում անցնի:
- ՈՒսումնական հաստատությունը կրթության պետական կառավարման լիազորված մարմնի երաշխավորած վերապատրաստող կազմակերպությունների ցանկից ինքնուրույն է ընտրում ատեստավորման ենթակա ուսուցիչներին վերապատրաստող կազմակերպությանը:
- Ատեստավորումից մեկ ամիս առաջ պետք է ներկայացնել ատեստավորման համար անհրաժեշտ փաստաթղթերի ամբողջական ցանկը, անհրաժշետ կրեդիտների անվանացանկը, չափորոշիչները և նվազագույն չափաքանակը , որը սահմանում է կրթության պետական կառավարման լիազորված մարմինը: Ուսուցիչը կարող է ներկայացնել նաև գրավոր բնութագրեր:
- ՈՒսուցչի աշխատանքային բնութագիրը ներառում է ուսուցչի կենսագրական տվյալները, նրա գործնական, մարդկային հատկանիշների, մասնագիտական և մանկավարժական գիտելիքների ու կարողությունների, ինչպես նաև ուսուցչի աշխատանքային գործունեության արդյունքների մասին հիմնավորված գնահատականը:
- Ատեստավորվող ուսուցիչն իրավունք ունի ներկա լինելու իր զբաղեցրած պաշտոնին համապատասխանության մասին հարցի քննարկմանը և որոշման կայացմանը:
- Ատեստավորման հանձնաժողովը քվեարկության միջոցով ընդունում է որոշում՝ ուսուցիչը համապատասխանում է կամ չի համապատասխանում զբաղեցրած պաշտոնին:
- Ուսումնական հաստատությունը որոշման մասին տեղեկացնում է ուսուցչին, ով կարող է երկօրյա ժամկետում բողոքարկել որոշումը:
Որակավորման տարակարգի շնորհման գործընթաց.
- Ուսուցչի որակավորման տարակարգը քառաստիճան է և շնորհվում է աստիճանակարգության սկզբունքով:
- Ուսուցիչը Հանրապետական հանձնաժողովին դիմում է փաստաթղային եղանակով:
- ՈՒսուցչի որակավորման տարակարգերի բնութագրիչները սահմանում է կրթության պետական կառավարման մարմինը` հիմք ընդունելով ուսուցչի գիտելիքների, մանկավարժական աշխատանքային հմտությունների և ունակությունների ծավալը, ստեղծագործական-հետազոտական գործունեության արդյունավետությունը, մասնագիտական աշխատանքի ստաժը, մանկավարժական գործունեության որակական այլ ցուցանիշներ (ներառյալ` պարգևատրումը, համապատասխան մրցույթների մասնակցությունը, մասնագիտական կատարելագործմանն ուղղված վերապատրաստումները և այլն):
- Հանրապետական հանձնաժողովը որոշում է ընդունում տարակարգի շնորհման վերաբերյալ:
- Հանրապետական հանձնաժողովի որոշումը կարող է բողոքարկվել:
- Հանրապետական հանձնաժողովի որոշումը հիմք է կրթության պետական կառավարման մարմնի կողմից ուսուցչին որակավորման համապատասխան տարակարգ շնորհելու և հավելավճար սահմանելու համար:
Комментариев нет:
Отправить комментарий