пятница, 9 августа 2013 г.

Վեներա: 7 տարեկան

Անցած գիշեր տարօրինակ երազ տեսա: Երազումս երեխաները կռվում էին և նրանցից մեկը շրջվեց իմ կողմը և ասաց այս խոսքերը. <<Շուտով ես քո նկարը կփակեմ>>:
 Երեկ երեկոյան ես հեռուստացույցով պլաստիկ վիրաբուժության մասին հաղորդում էի նայում: Երևի դրա պատճառով էր այդ սարսափը: Այնտեղ հենց բացատրում էին, թե ինչպես են փակում դեմքը: Մայրիկն ուղղակի սոսնձվել էր էկրանին: Ընդհանրապես, երբ հեռուստացույցով արյուն են ցույց տալիս, ծնողնրես ինձ ասում են, որ գնամ քնելու, բայց այս անգամ նրանք այնքան էին տարվել տեսարանով, որ մոռացել էին այդ մասին:
Մայրիկն ասաց, որ ինքը ևս կցանկանար գնալ վիրաբույժի մոտ և դեմքը ձևափոխեր: Նա ասաց, որ պետք չէ երկար սպասել, ինչքան երիտասարդ ես, արդյունքն այնքան ավելի լավը կլինի:

Հայրիկն առարկեց, վիրահատությունը չափազանց թանկ է, բայց մայրիկն ասաց, որ գեղեցկությունը գին չունի, հատկապես եթե դա պրոֆեսիոնալ ներդրում է: Հայրիկն ասաց, որ իր  արտաքինը նույնպես պրոֆեսիոնալ ներդրում է, բայց ինքը նախընտրում է իր տեսքը պահպանել սպորտի միջոցով:
Հայրիկը հանդիմանում էր մայրիկին, որ նա իրեն չի հետևում և չափազանց շատ գումար է ծախսում: Հետո նա ուզում էր նրան համբուրել, բայց մայրիկը նրան հրեց և ասաց, որ նա այլևս իրեն չի նայում, այլապես կտեսները իր կնճիռները և անձամբ կառաջարկեր դրանք հեռացնել: Մայրիկն ասաց, որ կինը երբեք էլ իդեալական չէ և որոշակի տարիքից  ինքն է պատասխանատու սեփական դեմքի համար:
Մի՞թե դա ճիշտ է: Նշանակում է գեղեցկությունը մեկ անգամ և ընդմիշտ չի տրվում:
Նրանք վիճեցին: Մայրիկը հանդիամանում էր հայրիկին, որ նա երիտասարդ հավիկի մոտ է գնում: Ես, ճիշտ է, երբեք տանը ոչ մի թռչուն չեմ տեսել: Հայրիկն ասաց, որ ինքը հավիկ չունի և հերիք է իրեն կասկածի: Մայրիկն ասաց, որ ամեն դեպքում կինն իրավունք ունի իր արտաքինի մասին հոգալու, և եթե նա չի ուզում իր վիրահատության համար վճարել, ինքը կվճարի իրենց ընդհանուր հաշվից:
Հայրիկն ասաց. <<Քո շահերից չի բխում դա անելը>>: Նրանք արտաբերեցին ավանդական արտահայտությունը <<Միայն ոչ փոքրիկի առաջ>>, իսկ հետո գնացին իրենց սենյակը: Նրանք շարունակեցին գոռալ, իրերը շպրտեցին գետնին և պատերին, հետո ամեն ինչ լռեց:
Մեծերի պահվածքի մեջ այնպիսի բաներ կան, որ ինձ տարօրինակ են թվում: Ես մի փոքր էլ նստեցի հեռուստացույցի առաջ, որպեսզի նայեմ հաղորդումի շարունակությունը:
Հետո իմ սենյակում, ինչպես հաճախ եմ անում, նստեցի հայելու առաջ և մտքերի մեջ ընկա: Եթե մայրիկին անհրաժեշտ է պլասըիկ վիրահատություն, որ ավելի գեղեցիկ լինի, նշանակում է ինձ ևս:
Ինչ փոփոխեմ, որ ավելի գեղեցիկ լինեմ: Ես հետազոտեցի դեմքս և եզրակացրի՝քիթս:

Իմ քիթը չափազանց երկար է: Ձմեռ պապ , եթե դու ին լսում ես, ահա իմ ցանկությունը՝ պլաստիկ վիրահատություն, որպեսզի քիթս փոքրացնեմ:
Վերբեր <<Հրեշտակների կայսրությունը>>
Ռուսերենից թարգմանությունը՝ Տաթևիկ Աբրահամյանի:

Комментариев нет:

Отправить комментарий