Զահրատ /նախագիծ/

                                                                                                                                                                             նախագիծ

 Զահրատ   /Արևմտահայերենի օրեր/

Նախագծի տևողությունը ՝ դեկտեմբերի 14-18:

Նախագիծը նախատեսված է 5-6-րդ դասարանների համար:

Նախագծի նպատակն է ճանաչել սփյուռքահայ գրականության կարկառուն ներկայացուցիչներին և ուսումնասիրել նրանց ստեղծագործությունները:

Սովորողի մոտ զարգացնել վերլուծական-ստեղծագործական մտածողություն:

Ֆիլմերի և մեդիափաթեթների պատրաստում:

Առաջադրանքի տեսակները

Հետազոտական աշխատանք

Ընթերցանություն

Խմբային աշխատանք

Տեղեկատվության որոնում համացանցից, հանրագիտարաններից, գրքերից:

Որոնողական աշխատանք նախագծի թեմայով և  աշխատանքի վերջնական արդյունքի ներկայացում:

Տեսանյութերի պատրաստում ըստ նախագծի թեմայի:

Առաջադրանքներ

1.Կիկոյի կերպարը Զահրատի ստեղծագործություններում: Գտնել Կիկոյի մասին գրված բանաստեղծությունները, պատրաստել տեսանյութեր: /Որոնողական աշխատանք/:

Սովորողները բաժանվում են խմբերի: Յուրաքանչյուր խումբ կատարում է որոնողական աշխատանք: Որոշակի քանակությամբ նյութեր հավաքելուց հետո խմբերը, իրար հետ համաձայնեցնելով, ընտրում են, թե մասնավորապես որ բանաստեղծության տեսանյութը պատրաստելով  են զբաղվելու: Ուսուցչի կողմից նշված ժամկետում խմբերը ներկայացնում են իրենց կատարած աշխատանքը:

Տեսանյութում անպայման պետք է անդրադառնան Կիկոյի կերպարին:

2.Կիկո: Պատրաստել փոքրիկ բեմադրություն կամ մեդիաներկայացում՝ հիմնվելով Կիկոյին վերաբերող բանաստեղծությունների վրա:/Ստեղծագործական աշխատանք/

Հիմնվելով Կիկոյին վերաբերող բանաստեղծություններին՝ սովորողներն ուսուցչի օգնությամբ ստեղծում են որոշակի սյուժե, մտածում են, թե ինչպսին կարող են լինել բեմական հագուստները, պատրաստում են դրանք: Աշխատանքի վերջնական արդյունքը բեմադրությունն է:

3.Կարդալ<<Մայմուն>> բանստեղծությունը:  Ընթերցանություն, քննարկում, բառերի ուսումնասիրություն: 

Աշխատանքները կատարվում են խմբով և անհատական:

Կատարված աշխատանքները հրապարակվում են կայքում, ենթակայքերում, սովորողների բլոգներում:

Աշխատանքի արդյունքում սովորողների միջոցով կստեղծվի Զահրատի բանաստեղծություններ տեսանյութերի մեդիափաթեթ:

Սովորողների մոտ կզարգանան վերլուժական-ստեղծագործական հմտությունները:

Տաթևիկ Աբրահամյան