Ճամբարի կազմակերպում. թեմա 7

1. Կարդալ կարգը, գրել դիտարկումներ, առաջարկներ:

• Ուսումնական ճամբարի կազմակերպման կարգ

Ամառային և ձմեռային ուսումնահետազոտական ճամբարները ամենագրավիչն են սովորողների համար: Կարգում ներկայացվում էր ճամբարների կազմակերպման ձևը, բովանդակությունը: 

Կառաջարկեի ավելացնել, որ ջոկատների ղեկավարները առնվազն մեկ շաբաթ շուտ հրապարակում են ճամբարային նախագծերը: Ճամբարի պետը կամ ղեկավարը և ծրագրի ղեկավարը ջոկատավարների ներկայացրած նախագծերն ուղարկում են սովորողներին, ովքեր ընտրում են, թե որ ջոկատում են ցանկանում լինել: 

Առաջարկում եմ նաև ճամբարի ընդհանուր հավաքների թվարկումը ավելացնել նաև այլ գործունեություններով:

2. Կարդալ հոդվածներից մեկը, քննարկել:

• Ջա՜ն, ճամբար ջան- Աշոտ Բլեյան 

Նախ ասեմ, որ կրթահամալիրի հիմնադիր տնօրենի դիտարկումները, մեթոդական ուղեցույցները շատ օգտակար են, օգնում են ճիշտ և հետաքրքիր կազմակերպել ճամբարային գործունեությունը: 

Ճամբարաներն ինքնանպատակ չեն, այլ ուսումնական աշխատանքի այլ ձև են, նույնիսկ ավելի հետաքրքիր, քան սովորական ուսուցումը:

Ճամբարները նաև հնարավորություն են տալիս, որ սովորողները ներկայանան նախաձեռնություններով, և սովորողը պետք է առաջ մղվի, դառնա կազմակերպող, առաջարկող: 

Ճամբարներում զարգացման մեկ այլ փուլ է ընտանիքներով ընդգրկվելը, բազմազան են կրթահամալիրի տված հնարավորությունները. ընտանիքն էլ է հնարավորություն ունենում սովորելու, ընտանեկան ,,պրոդուկտ,, ստեղծելու, սովորեցնելու (հաճախ ծնողները հանդես են գալիս նաև վարպետության դասերով, որն անչափ խրախուսվում է կրթահամալիրի կողմից):

Տիար Բլեյանը ներկայացրել էր նաև ձմեռային ճամբարի ընթացքում իրականացված տպավորիչ նախագծեր: Ոգևորիչ է մի կողմից այն ուսուցիչների համար, որոնց նախագծերին անդրադարձել է Տիարը, մյուս կողմից հաջողված նախագծերը փորձի , մտքի, գաղափարի փոխանցում են :

Ի վերջո, ձմեռային ճամբարը նաև ստուգատեսային ճամբար է, որը բովանդակություն և գործունեություն է փոխանցում ճամբարային աշխատակարգին, ավելի հետաքրքիր, ուսումնահետազոտական դարձնում առօրյան: 

Ճամբարները միշտ էլ խմբային, անհատական , ուսուցչական նախաձեռնությունների շրջան են. էլ երբ, եթե ոչ ճամբարին կտեսնենք երգչախումբ դարձած մանկավարժական կազմ, սովորեցնող սովորող: 

3. Կարդալ կարգերը, գրել դիտարկումներ, առաջարկներ:

• Ամառային ստեղծագործական բաց ճամբարի կազմակերպման կարգ:

Կրթահամալիրի ձեռքբերումները ամառային ստեղծագործական բաց ճամբարներն են՝ բազմաբովանդակ: 

Խմբերի տարատարիք լինելը կարծում եմ ավելի է հեշտացնում աշխատանքը, ճամբարականների մեջ շփում է ստեղծում, փորձի , իմացածի փոխանցում է տեղի ունենում: 

Առաջարկում եմ ճամբարային գործունեության պարտադիր բաղադրիչների մեջ ավելացնել լողը:

Կարգում պետք է նաև նշվի, որ ճամբարի ղեկավարը  և ճամբարային խմբի ջոկատավարը մինչև ճամբարի սկսվել, առնվազն մեկ շաբաթ շուտ, ըստ կարգի, պատրաստում և ներկայացնում են ճամբարի գործունեության մանրամասն նախագիծը: 

• Պատանեկան աշխատանքի ճամբար

Կարծում եմ՝ աշխատանքային ճամբարը պատանիների համար շփվելու, աշխատելու , մշակությային-մարզական գործունեության մասնակցելու հետաքրքիր ձև է: Վստահ եմ, որ ճամբարային այս կազմակերպումը մասնակիցներին  կարևոր որակներ ու գործնական հմտություններ է  փոխանցում: 

Կարգում նշված է, թե երբ է սկսվում աշխատանքը, կառաջարկեի, որ ավելացվեր նաև երբ է ավարտվում, կամ օրվա կտրվածքով քանի ժամ է տևում: 

4. Կարդալ հոդվածները, ընտրել մեկը, բլոգում գրավոր գրախոսել:

• Ուսումնական ճամբար. համագործակցային նախագծերի հունվար- Մարգարիտ Սարգսյան

Հոդվածում ամբողջական ներկայացված էր հեղինակային կրթական ծրագրի առանձնահտակություններից մեկը՝ ուսումնական ճամբարը:  Ճամբարը՝ որպես համագործակցային նախագծերի հարթակ, որպես իրական և չօտարված կրթություն: 

Ճամբարների անքակտելի մասն են կազմում ստուգատեսները, միաժամանակ ստուգատեսները օգնում են, որ ճամբարային գործունեությունն ավելի հետաքրքիր կազմակերպվի:

Հոդվածում առանձնացված ճամբարային ուղղությունները կարող են օգնել ցանկացած սկսնակ դասավանդողի՝ իր ճամբարային նախագիծը պատրաստելիս, նաև նոր մտքեր են առաջացնում, ուղղորդում: 

Հաջողված ճամբարն արդեն զարգացման նոր ուղղություններ, նոր հարթակներ է փոխանցում հաջորդ ճամբարին: Եվ ամփոփումների ժամանակ արված դիտարկումներն ու լրացումները ձևավորում են նոր ուղղություններ, նոր հայացքներ:

Ճամբարային գործունեությունից միշտ առանձնացրել եմ ,,Սովորող սովորեցնող,, նախագիծը, քանի որ դա սովորողներին նախաձեռնելու, ինքնուրույն ինչ-որ բան սկսելու, իր իմացածն ընկերոջը, մյուս սովորողին փոխանցելու հնարավորություն է տալիս: Այժմ այս նախագիծը շուրջտարյա է, և հաճախ հենց սովորողն է առաջարկում, սկսում, նախաձեռնում, նույնիսկ ուսուցչի համակարգման կարիքը չի լինում: 

5. Կազմել ճամբարային նախագիծ, հրապարակել բլոգում: 

Հունիսյան ճամբար 

Հունիսյան  ճամբարի ամփոփում