Գիտելիքների ստուգում մայրենի լեզվից

6-րդ դասարանն ավարտող սովորողը ուսումնառությունը   կրթահամալիրի Միջին դպրոցում շարունակելու համար մասնակցում է ուսումնական հմտությունների ուսումնասիրության:  Ուսումնասիրությունը արվում է և՛ մաթեմատիկա առարկայից, և՛ մայրենի լեզվից, և՛ օտար լեզուներից:  Ես կխոսեմ միայն մայրենի լեզվից արված ուսումնասիրություններից:

Հանձնարարությունները նախապես դրվել էին ենթակայքում, և յուրաքանչյուր սովորող կարող էր տեսնել: Առաջադրանքները բարդ չէին, մանրամասն բացատրված էր, թե ինչպես պիտի արվի, այնքան մանրամասն, որ նույնիսկ ուսուցչի միջամտության կարիք չկար:

Առաջադրանքներն այնպես էին տրված, որ սովորողը դրանք կատարելու համար ուներ երեք օր: Ընդ որում առաջին երեք առաջադրանքները երկու օրվա ընթացքում պետք է կատարվեր /նաև տանը/ , իսկ վերջինը՝ չորրորդը, դասարանում:

Ճիշտ է,  ստուգման թերթիկը դրված էր ենթակայքում, բայց հանգիստ լինելու համար մի հատ էլ ուղարկեցի սովորողների էլ. փոստերին:

Առաջին օրն արդեն սովորողների մի մասը կատարել էր առաջադրանքները, մյուս մասն արեց  երկրորդ օրվա ընթացքում:

Առաջին առաջադրանքում յուրաքանչյուր սովորող պետք է ներկայացներ իր բլոգը: Իհարկե, բլոգի գործածումը նոր չէր և տարվա ընթացքում աշխատել էինք բլոգների վրա, այնպես որ հիմնական մասը /բացառությամբ մի քանիսից/  ակտիվորեն օգտագործում էր բլոգները: Պետք է ասեմ, որ պատասխանները տարբեր էին, որոշ սովորողներ մի քիչ երկար էին պատմել իրենց բլոգի մասին, որոշները բավականացել էին միայն հղումը դնելով:

Երկրորդ առաջադրանքն այնպիսին էր, որ պիտի հոդված գրեին, բայց մեծ մասը չէր հասկացել, թե հոդվածն ինչ է, այնումանեայնիվ ինչքան կարողացել էին, այնքան էլ գրել էին:  <<Հոդվածները>> հիմնականում իրար նման էին ստացվել, քանի որ սովորողները առաջադրանքի սահմաններից այն կողմ չէին գնացել: Ավելի պարզ ասած, առաջադրանքը տրված էր այսպես. Պատմեք` ինչը ինչպես եք սովորում` ինքնուրույն, համացանցից, գրքերից, ընկերներից, ուսուցիչներից-ուսումնական պարապմունքներից։   Գրեթե բոլոր սովորողները նման ձևով էին գրել, ընդամենը մի փոքր երկարացնելով  նախադասությունները: Միայն մի քանիսն էին առաջադրանքում տրվածից բացի նշել, որ սովորում են նաև հեռուստատեսությունից /նշել էին նաև հաղորդումների անուններ/ և ծնողներից:

Սովրողների մի մասը այս առաջադրանքը կատարել էր, բայց չէր տեղադրել բլոգում/ բայց բլոգ ունեին/, այլ ուղղակի կածիքների բաժնում էր դրել: Ըստ երևույթին առաջադրանքի պահանջը լավ չէին կարդացել:

Երրորդ վարժության առաջին կետը կատարել էին առանձնակի ոգևորությամբ:  Բայց շատերը շտապելով կարդալ, լավ չէին հասկացել պատմվածքների ասելիքը, որը դժվարեցրել էր առաջադրանքի մյուս երկու կետերի կատարումը:

Երկու պատմվածքներն էլ շատ հետաքրքիր էին,  ուսուցչի պատմությունը հատկապես ավելի էր տպավորվել, այնքան որ որոշ սովորողներ ցանկացան կարդալ <<Սիրտը>> ամբողջությամբ:

Սովորողները պատմվածքից դուրս էին բերել երկու հատված, բայց  մի  քանիսը դժվարացել  էին  մեկնաբանել ընտրությունը :

Վերպատմել  նույնպես կարողացել էին, ոմանց մոտ լավ էր ստացվել, ոմանց մոտ՝ ոչ այնքան, բայց բոլորն էլ կատարել էին:

Երրորդ առաջադրանքի վերջին կետը կատարելիս սովորողները պետք է  մեդիանյութ պատրաստեին իրենց ընկերոջ կամ ուսուցչի մասին: Այս աշխատանքը չափից դուրս միօրինակ էր կատարված: Գրեթե բոլոր սովորողները ֆիլմ էին պատրաստել նկարներն իրար հետևից շարելով և նկարների վրա էլ մի երկու բան էր գրված :  Բացառություն էին կազմել մի քանի  սովորող, ովքեր աուդիոնյութով էին աշխատել:

Չորրորդ առաջադրանքը պետք է կատարվեր դպրոցում: Նախ սովորողներին բաժանեցի խմբերի, որպեսզի վեճերից խուսափենք բաժանումը կատարեցինք վիճակահանության միջոցով: Արդյունքում ստացվեց երեք խումբ: Խմբերը սկզբում քննարկեցին քննության ընթացքը, այնուհետև որոշակի տեքստ կազմեցին, որն էլ հենց չորրորդ առաջադրանքի պատասխանն էր:  Վերջացնելուց հետո իրենք իրենց ձայնագրեցին, մոնտաժեցին ձայնագրած նյութը, տեղում նկարեցին իրենց և ֆիլմ պատրաստեցին:  Միակ խնդրին այն էր, որ մի դասարանում երեք խումբ չէին կարողանում աշխատել, երբ մի խումբը ձայնագրվում է, մյուսը քննարկում է:  Ստորև ներկայացնում եմ երեք խմբերի աշխատանքները:

Առաջին խումբ

Երկրորդ խումբ

Երրորդ խումբ

Ամփոփում: Բոլոր առաջադրանքները կատարել էին, բայց սովորողների մեծամասնությունը  հակված էր հակիճության, այսինքն՝ հնարավորինս արագ գրի, վերջացնի, առանց նայելու կամ վերլուծելու իր գրածը:

Մեդիահմտություններին լավ տիրապետում են, սակայն իրենց պատրաստած ֆիլմերը շատ միօրինակ են և միանման:

Տաթևիկ Աբրահամյան