Տաթև: Հունվար ամսվա հաշվետվություն

вторник, 15 января 2019 г.

Հունվար ամսվա հաշվետվություն

Հեղինակային կրթական ծրագրի առանձնահատկություններից են հունվարյան և հունիսյան ուսումնական նախագծային ճամբարները, որոնց անհամբեր սպասում են հատկապես սովորողները: Նախագծային ճամբարը թույլ է տալիս գործունեությունը կազմակերպել սովորականից տարբերվող ձևաչափով, ինչն էլ օգնում է խուսափել միապաղաղ առօրյայից:
Իմ ճամբարային ջոկատը բաղկացած էր 26 սովորողից, չնայած սպառնացող վարակիչ հիվանդություններին , բացականեր գրեթե չէին լինում: Ջոկատի սովորողները 6-7-րդ դասարանների սովորողներ էին:
Տարատարիք խմբի հետ աշախատելն ունի իր դժվարությունները, որպես ուսուցիչ մի շարք խնդիրներ պետք է լուծես . նախ պետք է այնպիսի միջավայր ստեղծել, որ իրար չճանաչող սովորողները ծանոթանան և ընկերանան, հետո ամեն կերպ նպաստես միասնական նախագծերի իրականացմանը, հակառակ դեպքում ճամբարը կգործի, բայց նախագածյին գործունեությունը ՝ ոչ: Հատկապես գործը դժվարանում է, երբ տարատարիք ճամբարականներն ունեն իրարից շատ տարբերվող հետաքրքրություններ, աշխարհայացք: Եվ ճամբարի ավարտին, երբ մեծերն օգնում էին փոքրերին, միասին խաղում, ընկերություն անում, ես հասկացա, որ հունվարն իսկապես ստացվեց: Այն քիչ դեպքերից է, երբ կարող եմ ասել, որ գոհ եմ իմ աշխատանքից:
Այն մասին, թե ինչ արեցինք, ինչով զբաղվեցին, ինչ նախագծեր իրականացրեցինք...
Ազգրագրական փառատոնի շրջանակներում մի շարք ուսումնասիրություններ արեցինք ավանդական Ամանորի , Կաղանդ պապի և ազգային խաղերի վերաբերյալ.

Մանե Առուստամյան ,,Կաղանդ պապ,,
Նանե Ասատրյան ,,Ազգային ծիսական խաղեր,,
Արփինե Խաչատրյան ,,Ծիսական ազգային խաղեր,,
Մանե Առուստամյան ,,Կաղանդ պապի մասին,,
Անի Աթոյան ,,Հին հայկական խաղեր,,

Չնայած ես հայերենի դասավանդող եմ և խոհանոցից էլ շատ հեռու եմ, խոհանոցային գործունեությունը ճամբարային առօրյայի մի մասն է կազմում: Այսպես սովորողներն առանց երկմտելու սկսեցին պիցցայի պատրաստումը, իսկ ես միայն օգնում էի հմուտ խոհարարներին:
Պատրաստում ենք պիցցա . Արսեն Գոմցյանի պատումը

Թեյի պատրաստումը, ըմպումը, հյուրասիրումը գործունեություն է, որը կարող է դառնալ ուսումնական, հատկապես երբ զուգակցվում է ընթերցանություն, հաճելի զրույցի հետ:
Թեյխմություն
Արփինե Խաչատրյան ,,Թեյխմություն,,
Սոնա Սահակյան ,,Թեյխմություն,,

Մարզական ստուգատեսի շրջանակներում այցելեցինք սահադաշտ՝ չմուշկ քշելու, սա արդեն այն դեպքն է, երբ սովորողը սկսում է սովորեցնել՝ անելով դա ավելի հմտորեն , քան դու ...

Այցելություն սահադաշտ