Տաթև

понедельник, 16 сентября 2019 г.

Միջավայրի խնամք, հերթապահ աշխատանքներ

Առավոտյան մի խումբ յոթերորդցիների հետ բակում էինք, քայլեցինք Միջին դպրոցի կրթական պարտեզի տարածքում , զրուցելով հավաքեցինք թափված աղբը, մաքրեցինք մեր միջավայրը:

Ընթացքը՝ լուսանկարներում.

Կարդալ ավելին

Գրադարանի նոր, տրամադրող միջավայրում

Յուրաքանչյուր ուրբաթ մեր դասաժամն անցկացնում ենք կրթահամալիրի ,,Տիգրան Հայրապետյան,, գրադարանում: Դասաժամն առանձնահատուկ է, որովհետև յուրաքանչյուր սովորող ազատ ընտրում է այն գիրքը, որը ցանկանում է կարդալ և իրեն հետաքրքրում է: Ընտրում է ոչ միայն գեղարվեստական գիրք, այլ գիտահանրամատչելի, բնագիտական և այլն:

Գրադարանն իր բաց, հարմար միջավայրով, անընդհատ նորացվող ցանկով ավելի ու ավելի գրավիչ է դառնում սովորողների համար:

Կարդալ ավելին

Իզմիրի տիեզերագիտական ճամբարի ամփոփում կլոր սեղանով

Իզմիրյան ճամբարը, որն ամենահետաքրքիր ճամբարներից է և անգլերեն լեզուն զարգացնելու, տիեզերքի մասին լայն գիտքլիքներ ձեռք բերելու լավ հնարավորություն, շարունակում է մնալ սեբաստացի սովորողների ուշադրության կենտրոնում: Իզմիր 2019-ից մեր ձեռքբերումները, տպավորությունները ներկայացնելու, բոլոր հետաքրքրվողներին նոր տեղեկություններ փոխանցելու, մեկշաբաթյա ճամբարն ամփոփելու նպատակով կազմակերպեցինք կլոր սեղան:

Կարդալ ավելին

среда, 11 сентября 2019 г.

Ձմռան գիշեր

Լուռ, արծաթաշող գիշեր է. ձյուն է ու լուսին։ Փայլում է ձյունը տանիքների վրա, փայլում է ցանկապատերին և շողշողում ծառերի ճյուղերին։

Ամեն ինչ ողողված է լուսնի առատ լույսով։

Փոքրիկ քաղաքը քնած է խաղաղ։ Փողոցները դատարկ են. պահակներ անգամ չեն երևում։ Շները երբեմն հատ-ընդհատ հաչում են լուսնի վրա և, ուշադրության չարժանանալով, լռում զայրացած մռռոցով։ Կեսգիշերից անց է, բայց քաղաքացի Հակոբի քունը չի տանում։ Չնայած սենյակը տաք է, անկողինը փափուկ, բայց և այնպես քնել չի կարողանում։ Այս բանը պատահում է գրեթե ամեն գիշեր։ Օ՜, երկար են ձմռան գիշերները, մարդ հոգնում է քնելուց։ Եվ Հակոբը լուսամուտից նայելով լուսնի առատ լույսին, շողշողուն ձյուներին, մտածում է.— ի~նչ լավ կլինի ձմռան գիշերն էլ ամառվա պես կարճ լինի, մարդիկ իզուր ժամանակ չեն կորցնի և կաշխատեն մի բան գլուխ բերել, թե չէ անխոս պառկելուց ի՞նչ օգուտ։ Մտածում է Հակոբը, տնքում է հոդացավ ունեցողի նման և հազում այնպիսի մի հազով, որով ուշադրություն են հրավիրում կամ ուզում են իմանալ՝ հարևանը քնա՞ծ է, թե° ոչ։

Կարդալ ավելին

Հայերենի ֆլեշմոբ

Բոլոր նրանց, որ սիրում են հայերենը և հետաքրքված են հայերենով, առաջարկում ենք մասնակցել «Մխիթար Սեբաստացի» կրթահամալիրում անցկացվող հայերենի ամենամսյա ֆլեշմոբին:

Ֆլեշմոբին կարող եք մասնակցել ոչ միայն Հայաստանից, աշխարհի ցանկացած կետից: Կարող եք մասնակցել անհատապես, բայց առավել հետաքրքիր է, երբ մասնակցում եք երկուսով, խմբով, ընտանիքով:

Ֆլեշմոբի հարգելի՛ մասնակից, ստորև տրված են առաջադրանքները, ընտրի'ր քո տարիքային խումբը, սեղմի'ր հղումը և կատարի՛ր առաջադրանքները:

Ավարտելուց հետո սեղմի՛ր վերջին կոճակը (submit կամ Готово):

Ցանկանում ենք օգտակար, ստեղծագործ աշխատանք:

понедельник, 9 сентября 2019 г.

Զրույց գեղեցիկի մասին

Ժամանակով մեր հարուստ Անի քաղաքում մի շատ ունևոր իշխան էր ապրում։ Մեծամեծ կալվածների և անհուն գանձերի տեր` նա ուներ միայն մի դուստր, մի չքնաղ էակ, որ երբ դուրս էր գալիս հոր ապարանքի քարե պատշգամը` ասես արև էր ծագում ամպի միջից, իսկ երբ ելնում էր փողոց` տաճար գնալու կամ զբոսնելու, ամենքը` մեծ թե փոքր, մարդ թե կին, ակամա կանգ էին առնում և, ամեն ինչ մոռացած, նայում նրան…

Սակայն փառասեր հայրը` այդ հարուստ իշխանը, դրանով չէր գոհանում. ցանկանում էր, որ իր դուստրն ավելի գեղեցիկ ու չքնաղ երևա, որ ոչ մի իշխանուհի և ոչ մի հոգեղեն չկարողանա մրցել նրա հետ, ու այդ նպատակով նա Բյուզանդիայից բերում էր դստեր համար պես-պես զարդեր, կերպաս հագուստներ, գլխանոցներ՝ արծաթ ու ոսկի թելերով բանված… կանչում էր կարող ու հարդարող վարպետուհիներ, որ հագցնեն իր դստեր, որ զուգեն-զարդարեն նրան մեծագին քարերով՝ զմրուխտով, մարգարիտներով, գոհարներով…

Ապա կանչում էր աշխարհ տեսած, բանիմաց ու ճաշակով մարդիկ, որ տեսնեն իր դստեր գեղեցկությունը, հիացումի խոսք ասեն և գոհացնեն իր փառասեր հոգին… Եվ նրանցից ոմանք, իրոք, իշխանին շողոքորթելու համար, գովաբանում էին նրա ճաշակը, նրա դստեր գեղեցկությունը, հասակը, արդուզարդը. ոմանք խորհուրդ էին տալիս մի մանյակի փոխարեն նրա պարանոցին կապել երկուսը, անգամ երեքը, իսկ սև գիշերագինդերի փոխարեն ականջներից կախել ադամանդակուռ ոսկե օղեր, որ իրենց փայլով ու ցոլքով ծիածանեն նրա դեմքի շուրջը` իշխանադստեր գեղեցկությունն առավել շքեղ դարձնելու։

Կարդալ ավելին

воскресенье, 8 сентября 2019 г.

Անհատական աշխատաժամանակ. 2019-2020 ուս. տարի

Առաջին ուսումնական շրջանի անհատական աշխատաժամանակ

среда, 4 сентября 2019 г.

Կարդալ բայը չի սիրում հրամայական

«Այո, ես այնքան խիտ օրակարգ ունեմ, որտեղի՞ց կարդալու ժամանակ գտնեմ: Ումի՞ց խլեմ՝ ընկերների՞ց, հեռուստացույցի՞ց, ճամփորդությունների՞ց, ընտանեկան հավաքների՞ց, դասերի՞ց»:
Որտեղի՞ց կարդալու ժամանակ գտնել:
Լուրջ պրոբլեմ է, որը, սակայն, պրոբլեմ չէ բնավ:
Որքան հաճախ է առաջանում «երբ կարդալ» հարցադրումը, նշանակում է՝ այդքան չկա նաև կարդալու ցանկություն: Եթե մտածենք, կտենենք, որ կարդալու ժամանակ ոչ ոք երբեք չունի. չունեն փոքրերը, պատանիները, մեծերը: Կյանքը կարդալու համար անվերջանալի խոչընդոտ է:

Կարդալ ավելին

воскресенье, 1 сентября 2019 г.

Նախագծային շաբաթվա աշխատանքային նախագիծ

Նախագծային ուսուցման շաբաթ

Իզմիր 2019 . կլոր սեղան

Աշխատակարգ ըստ օրերի

Ջոկատ՝ 7-4

02.09.2019

09:00-09:30` ընդհանուր պարապմունք

09:30-10:05` ճամփորդական նախագծերի ներկայացում. Հայրենագիտական արշավ Արատեսում, Ուսումնական Վանաձոր , քննարկում, նախապատրաստական աշխատանքների իրականացում

10:10-10:55` անհատական նախագծերի իրականացում

11:05-11:50` ուսումնական արձակուրդ. արված աշխատանքի ներկայացում, առաջարկներ, հանգստացնող խաղեր:

11:55-12:35` տեխնոլոգիա

12:35-13:00` ընդմիջում

13:00-14:00` Իզմիր 2019-ի կլոր սեղանի նախաապատրաստական աշխատանքներ, օրվա ամփոփում սովորողների բլոգներում, նախագծային շաբաթվա հետ կապված առաջարկների գրանցում, դասասենյակի խնամք :

Կարդալ ավելին

пятница, 30 августа 2019 г.

Առաջին օրը դպրոցում

Առաջին օրը դպրոցում ժպտացող դեմքեր են՝ կարոտով ընկերներին փնտրող, անհասկանալի սպասումով իրար սպասող դասընկերներ են, ողջագուրվող մարդիկ, հետաքրքրասեր ու մի քիչ մոլորված նորեկներ են... Առաջին օրը դպրոցում մի քիչ ուրիշ է...
Արդեն հին ընկերների պես հանդիպեցինք սովորողների հետ, առանց հերթ տալու հարցեր ու պատասխաններ տվեցինք ու քայլեցինք դեպի Մարմարյա սրահ, որտեղ ավանդական դարձած ընդհանուր պարապմունքն էր: Մեզ ողջունեց տիար Բլեյանը, ընթերցեցինք, երգեցինք, պարեցինք...

Կարդալ ավելին

понедельник, 26 августа 2019 г.

Արատես_Չիվա հայրենագիտական ճամփորդական նախագիծ

Նախագծի ժամանակահատվածը՝ սեպտեմբերի 20_22։

Նախագծի մասնակիցներ՝ 6_8_րդ դասարանների սովորողներ։

Նախագծի երթուղին՝ Երևան_Արտաշատ_Վեդի_Ուրցաձոր_Շաղափ_Լանջանիստ_Լուսաշող_Լանջառ_Զանգակատուն_Չիվա_Արենի_Գետափ_Շատին_Եղեգիս_Հերմոն_Արատես։

Նախագծի ղեկավարներ՝ Տաթևիկ Աբրահամյան, Ստելլա Մնացականյան։

Նախագծի նպատակը՝

Հայրենագիտական բացահայտումներ. ճանաչում_ուսումնասիրում ենք Չիվա, Եղեգիս գյուղերը
Գետը համայնքում . Եղեգիս և Արփա գետեր
Կրթական փոխանակումներ, գործընկերային հարաբերությունների ստեղծում
Թումանյան 150. կարդում ենք նախագիծ
Բարձունքի հաղթահարում

Նախապատրաստական աշխատանք.հրապարակվում է սովորողի բլոգում

Քարտեզի միջոցով երթուղու կազմում
Այցելվող վայրերի վերաբերյալ նյութերի հավաքում, ուսումնասիրություն։
Գրականության ուսումնասիրում, համեմատում համացանցային տվյալների հետ։
Բանահյուսական նյութերի, բանավոր պատմության հավաքման նախապատրաստական աշխատանքներ, աշխատանքի բաժանում։
Թումանյան 150 նյութերի ընտրություն, ընթերցում, փոխանցում Չիվայի սովորողներին։

Ճամփորդության ծրագիր

Սեպտեմբերի 20

10։00՝ մեկնում Մայր դպրոցից

12։00՝

Իզմիր 2019. կլոր սեղան

Սեպտեմբերի 6, 12։00

Վայրը՝ Մայր դպրոց, Տիգրան Հայրապետյան ընթերցասրահ

Մասնակիցներ՝ Իզմիր 2019-ի մասնակիցներ, ծնողներ, Իզմիր 2020-ին մասնակցել ցանկացողներ, այլ հետաքրքրվողներ։

Ծրագիր

Իզմիր 2019-ի ներկայացում՝ տեսանյութերի միջոցով։
Ստամբուլի Մխիթարյան վարժարանի հետ համագործակցության ներկայացում։
Սովորողները ներկայացնում են իրենց տպավորությունները։
Հարց ու պատասխան. կլոր սեղանի հյուրերը ներկայացնում են իրենց հարցերը, պատասխանում են ճամբարի մասնակիցները:

Լուսաբանման պատասխանատու՝ Միջին դպրոցի լրագրողներ, Տաթև Աբրահամյան և սովորողներ:

четверг, 22 августа 2019 г.

Մանկավարժական ճամբարի երկրորդ օրը

Մանկավարժական ճամբարի երկրորդ օրը Միջին դպրոցում սկսեցինք պարտիզապուրակային աշխատանքով։ Մի խումբ զբաղված էր պարտեզի խնամքով՝ առանձնացնում էր թղթերը, տոպրակները, մնացած աղբը։ Քանի որ նախորդ օրերին արդեն տարածքը լավ մաքրվել էր, այսօր շատ թափթփված չէր։ Դադավանդողների մյուս խումբը ջրում էր այգին. այս աշխատանքը բոլորի սիրելի աշխատանքն է։

«Մուտք» _ի ճամբարը շարունակում է իր գործունեությունը, կրթահամալիրում սովորել ցանկացող երեխաները զարգացնում են իրենց բլոգային հմտությունները, մասնակցում դասավանդողների նախագծերին, այգու բարեկարգման աշխատանքներին։ Զուգահեռ չի դադարում ընդունելությունը, անընդհատ այցելություններ են, Միջին դպրոցում սովորել ցանկացող երեխաներ, հետաքրքրասեր ծնողներ:

Կարդալ ավելին