Գարնանային Արատես․ եռօրյա ճամբար

Եռօրյա գարնանային ճամբար Արատեսում

Ճամբարի կազմակերպման ժամանակահատվածը՝ ապրիլի 24-26

Մասնակիցներ՝ Միջին դպրոցի տարատարիք սովորողներ

Պատասխանատուներ՝ Տաթև Աբրահամյան, Նաիրա Հարությունյան

Մեկնում՝ ապրիլի 24-ին՝ 09:00, Մայր դպրոցի բակից, 

Վերադարձ՝ ապրիլի 26-ին, մինչև 17:00, Մայր դպրոց։ 

Երթուղի 

Մեկնում՝  Երևան-Արտաշատ-Արենի-Գետափ-Շատին-Եղեգիս-Հերմոն-Արատես։

Վերադարձ՝ Արատես-Եղեգիս-Շատին-Երևան

Տնակներ՝ 

Նպատակը՝

• Ուսումնահայրենագիտական ․ ճանաչել և ուսումնասիրել Վայոց ձորի մարզը՝ իր գողտրիկ անկյուններով, 
• բնապահպանական․ Արատեսի դպրական կենտրոնի տարածքի խնամք, գարնանային աշխատանքներ

Աղայանի հոդվածներից

Մի կալ հակառակ չարի

Շատերն ինձ հարցնում են, թե ես ի՞նչ կարծիքի եմ «չարին հակառակ չկենալու» վերաբերությամբ։

Թեպետ շատ վտանգավոր է մեծերի ասածին դեմ գնալը, բայց ես չպիտի ծածկեմ իմ կարծիքն ու համոզմունքն այդ մասին։

Բնության մեջ ոչ մի կենդանի արարած չկա, որ ինչևիցե մի բանով զինված չլինի իր գոյությունը պաշտպանելու համար, երկու կենդանի արարածներ իրար բարեկամ լինել չեն կարող, եթե մեկը մյուսի կյանքին վտանգ է սպառնում։ Մարդը կարող է միայն այնքան բարի լինել, որ չի հարձակվիլ ուրիշի վրա, բայց երբ իր վրա են հարձակվում, նա չի կարող չպաշտպանվիլ։

Երբ որ Քրիստոսին ապտակ զարկեցին, նա իր մյուս երեսը դեմ չարավ ապտակողին, այլ ասաց. «Եթե չար խոսեցի, վկայիր չարի մասին, իսկ եթե բարի, ինչո՞ւ ես զարկում ինձ»։ (Հով. գլ. ԺԸ. 23)։

Այս է ահա բնականը, իսկ «չարին հակառակ չկենալը» անճարության, թուլության և ստրկության հետևանք է. այսինքն` չարին հակառակ չկենալը առաքինություն չէ, այլ անկարողի խոհեմություն` ժամանակ վաստակելու համար, ընդդիմանալու ուժ հավաքելու համար։ Չարին հակառակ չկենալը շատ անգամ խոհեմություն էլ չէ, այլ անբարոյականություն, անբանականություն, անասնություն, որովհետև թույլ է տալիս չարերին, որ բարիների հետ վարվեն իրանց ուզածի պես։

Մարտ ամսվա հաշվետվություն

Մարտ ամսվա ընթացքում իրականացրած աշխատանքներ․

Ուսումնական նախագծեր՝

• Ուսումնական գարուն,
• Չարենցյան ֆլեշմոբ,
• Չարենցյան ընթերցումներ

Շուրջտարյա նախագիծ՝

• Պատուհան․ ամսագիր

Նախագծային ուսուցման շաբաթ

Ժամանակահատված՝ մարտի 31- ապրիլի 4

Մասնակիցներ՝ 7, 8-րդ դասարանների սովորողներ 

Նախագծային ուղղություններ՝ 

Ուսումնական գարուն

Նախագծի իրականացման ընթացքը՝ մարտի 24-30

Մասնակիցներ  7 և 8 -րդ դասարանների սովորողներ 

Ընթերցանություն

Ընտրել որևէ գիրք կարդալ և բլոգում ներկայացնել վերլուծություն՝ խոսելով

• Համառոտ գրքի բովանդակության մասին, 
• Ներկայացնել և բնութագրել կերպարներին, 
• Արտահայտած գաղափարի մասին, 
• Ի՞նչ տվեց այդ գրքի ընթերցումը ձեզ։ 

Առաջարկվող գրականության ցանկ

• Էքզյուպերի ,,Փոքրիկ Իշխանը,,
• Ժյուլ Վեռն ,,Կապիտան Գրանտի որդիները,,
• Թոլկին ,,Մատանիների տիրակալը,, կամ ,,Հոբիթը,,
• Արթուր Կոնան Դոյլ ,,Շերլոկ Հոլմսի արկածները,,
• Ագաթա Քրիստի , նախընտրած դետեկտիվ վեպը 
• Ձեր ընտրությամբ ՝ պատմվածք, առակ, հեքիաթ։ 

Ինքնագնահատում

Լրացնել մարտ ամսվա աշխատանքները՝ տեղադրելով համապատասխան հղումները։ 

7-րդ դասարան, մարտ

8-րդ դասարան, մարտ

Արդյունքներ՝

• Լանա Ներսիսյան
• Անի Համբարձումյան

Անհատական աշխատաժամանակ․ մարտի 24-28

Մարտի 24, երկուշաբթի

10:00-11:00`  մանկավարժական խորհրդով հավաք,

11:00-11:30`  բակային աշխատանքներ

11:30-12:30` հեառավար աշխատանք հետազոտական աշխատանքների շուրջ

12:30-13:00` ընդմիջում

13:00-13:30` ընդհանուր պարապմունք

13:30-14:20`հավաք մասնախմբով

14:20-16:00` մարզական պարապմունք՝ անհատական ծրագրով։ 

Մարտի 25, երեքշաբթի

10:00-11:00`  մանկավարժական խորհրդով հավաք,

11:00-11:30`  բակային աշխատանքներ

11:30-12:30` ,,Ուսումնական գարուն,, նախագծի պատրաստում, էլեկտրոնային նամակագրություն

12:30-13:00` ընդմիջում

13:00-13:30` ընդհանուր պարապմունք

13:30-14:20`հավաք մասնախմբով

14:20-16:00` կավագործարան։ 

Մարտի 26, չորեքշաբթի

10:00-11:00`  մանկավարժական խորհրդով հավաք,

11:00-11:30`  բակային աշխատանքներ

11:30-12:30` Մարտ ամսվա նախագծերի ամփոփում

12:30-13:00` ընդմիջում

13:00-13:30` ընդհանուր պարապմունք

13:30-14:20`հավաք մասնախմբով

14:20-16:00`  մարզական պարապմունք՝ անհատական ծրագրով։

Այցելություն Չարենցի տուն-թանգարան․ ամփոփում

Մարտ ամիսն առանձնահատուկ է նաև նրանով, որ ավանդաբար այս ամիս ենք ընթերցում Չարենց։ Եվ ,,Կարդում ենք Չարենց,, նախագիծն ամփոփելու, լրացուցիչ տեղեկություններ հավաքելու համար որոշեցինք այցելել Չարենցի տուն-թանգարան, որտեղ մեզ՝ սեբաստացիներիս, միշտ ուրախ են հյուրընկալել։ 

Այցելությունը սովորողին հնարավորություն տվեց՝

Այցելություն Չարենցի տուն-թանգարան

Նախագծի իրականացման օրը՝ մարտի 19

Մասնակիցներ՝ 7 և 8-րդ դասարանների սովորողներ 

Այցելության վայրը՝ Չարենցի տուն-թանգարան / հասցե Մաշտոցի պողոտա 17/

Նպատակը՝

• ամփոփել ,,Կարդում ենք Չարենց,, նախագիծը, 
• ճանաչել Չարենցին՝ դիտելով և ուսումնասիրելով գրողի իրերը և կենցաղը,
• կարդալ և տարածել Չարենց։ 

Ընթացքը՝ 

12:30` մեկնում Մայր դպրոցից, 

13:00՝ մուտք թանգարան, ցուցանմուշների դիտում, ուսումնասիրում, ընթերցումներ թանգարանի մուտքի մոտ, Մաշտոցի փոցոցում

մինչև 15:00` վերադարաձ

Չարենցյան ֆլեշմոբ

Մարտի 13-ը սիրված գրող Եղիշե Չարենցի ծննդյան օրն է։ Օրը հնարավորություն է ևս մեկ անգամ հիշել Չարենցին, անդրադառնալ նրա ստեղծագործություններին, ընթերցել, կարևորել։ 

Օրը, ժամը՝ մարտի 13, 10:10

Մասնակիցներ՝ Միջին դպրոցի բոլոր դասարանները, սովորողները, ուսուցիչները․․․

Համակարգողներ՝ Մայրենի լեզվի դասավանդողներ

Նպատակը՝

Կարդում ենք Չարենց

Տաղ անձնական

Թողած Կարսում, գետի ափին, տունս՝ շինված անտաշ քարով,
Կարսը թողած, Կարսի այգին ու հայրենի երկինքը մով
Եվ Կարինե Քոթանճյանին անգամ չասած մնաս բարով―
Ա՜նց եմ կենում հիմա օտար քաղաքների ճանապարհով:

Անց եմ կենում, շուրջս-մարդիկ, շուրջս դեմքեր հազա՜ր-հազա՜ր.
Շուրջս աշխարհն է աղմկում, մարդկային կյանքն անհավասար.
Եվ ո՞վ կասի՝ ինչո՞ւ ես դու, և ով կասի, թե ո՞ւր հասար,―
Դեմքերը, ախ, բութ են այնպես՝ կարծես շինված են տապարով:

Գորշ, տաղտկալի ու խելագար երգ է կարծես այս կյանքը մի.
Ինչ-որ մեկի սրտում բացված- վերք է կարծես այս կյանքը մի.
Եվ ո՞ւմ համար- էլ ո՞ւմ համար կարոտակեզ երգե հիմի
Սիրտս՝ լցված տարիների սեղմ արճիճով ու կապարով:

Բայց շուրջս թող որքան կուզե աշխարհը այս խնդա, ցնդի―
Ես- հաշմանդամ ու խելագար ու հավիտյան վտարանդի՜
Դեպի երկինք պիտի գնամ, դեպի եզերքը Ամենտի―
Իմ բարձր, հին ու աստղային երազների ճանապարհով...

Ու էլ ամե'ն մեղքի համար սիրտս հիմա ունի ներում.
Պիտի անդարձ ես հեռանամ, պիտի գնամ՝ ա'չքս հեռուն.
Թե Կարինե Քոթանճյանին տեսնեք Կարսի փողոցներում―
Ասե'ք նրան՝ Չարենցն ասավ- մնաս բարո՜վ, մնաս բարո՜վ...

1. Ինչպիսին է Կարս քաղաքը, ներկայացրո՛ւ քո բառերով, բայց Չարենցի նկարագրությամբ: 
2. Դուրս բեր անհասկանալի բառերը, բացատրի՛ր բառարանի օգնությամբ: 
3. Բացատրի՛ր այս քառատողը. 
Բայց շուրջս թող որքան կուզե աշխարհը այս խնդա, ցնդի―
Ես- հաշմանդամ ու խելագար ու հավիտյան վտարանդի՜
Դեպի երկինք պիտի գնամ, դեպի եզերքը Ամենտի―
Իմ բարձր, հին ու աստղային երազների ճանապարհով...
4. Ի՞նչ տրամադրություն է արտահայտում բանաստեղծությունը: 
5. Բացատրի՛ր վերնագիրը: 

6. Բնութագրի՛ր բանաստեղծության քնարական հերոսին։ 
6. Գրի՛ր շարադրություն ,,Դեպի երկինք պիտի գնամ հին ու աստղային երազների ճանապարհով...,, վերնագրով

Կարդում ենք Չարենց

2024-2025 ուստարի

Նախագծի նկարագրությունը՝  Իր արտասովոր և տարբերվող ոճով, մտքերով, արտահայտած զգացողություններով Չարենցը յուրահատուկ տեղ է զբաղեցնում հայ գրականության մեջ։ Նա իր ստեղծագործություններում համատեղել է սիմվոլիզմը, ռոմանտիզմը և ռեալիզմը՝ ստեղծելով չկրկնվող պատկերներ, միավորել
է անձնականն ու համազգայինը, փոխանցել ազատության շունչը, ցույց տվել գեղեցիկը։  ,,Մխիթար Սեբաստացի,, կրթահամալիրում միշտ եղել է սիրված գրողների շարքում, որի ստեղծագործություններն ընթերցվում են ճամփորդությունների, միասնական պարապմունքների, տարատեսակ հանդիպումների ժամանակ։ 

Մասնակիցներ՝ տարատարիք սեբաստացիներ, ծնողներ, հյուրեր, այլ ցանկացողներ, նախագիծը բաց է ․․․․

Չարենցյան ընթերցումներ

Չարենց են կարդում 7 և 8-րդ դասարանի սովորողները՝

• Ես իմ անուշ Հայաստանի․ կարդում է Կարոլինա Եսայանը,
• Խոսք խնդության․ կարդում է Էլիզա Տիգրանյանը
• Մորս համար գազել․ կարդում է Ժասմին Պետրոսյանը
• Դու լալիս էիր․ կարդում է Ալեքս Շատոյանը

Փետրվար ամսվա հաշվետվություն

Ուսումնական նախագծեր՝

• Կարդում ենք Թումանյան,
• Փետրվարի 19` Գրքի տոն
• Տերյանական ընթերցումներ Փոքր դահլիճում
• Գրքի տոն․ նվիրում ենք գրքեր
• Տերյանական ընթերցումներ
• Բառարանային ֆլեշմոբ

Շուրջտարյա նախագիծ

• Պատուհան․ ամսագիր

Այլ աշխատանք՝

• Մասնակցություն կրթահամալիրի օրացույցով նախատեսված աշխատանքներին՝ ուրբաթ-համերգ, առավոտյան ընդհանուր պարապմունք, 
• Աշխատանք ,,Դպիր,, ամսագրում․ հոդվածների խմբագրում, 
• Մայրենի լեզվի օրվան ընդառաջ ,,Պատուհան,, ամսագրի ներկայացման նախապատրաստական աշխատանքներ, ,,Ուսումնական ժամերգության,, ընթերցանության նախապատրաստում։ 
• Իրականացվող ուսումնական ծրագրերի հանրայնացում տեսանյութերի տեսքով։ 

,,Մխիթար Սեբաստացի,, կրթահամալիրում իրականացվող կրթական ծրագրի հանրայնացում

Փետրվար ամսվա ընթացքում Արմինե Թոփչյանի հետ աշխատել ենք Մայրենի լեզվի կրթահամալիրյան նախագծերի մասին տեսանելի և հրապարակելի տեսանյութերի պատրաստման ուղղությամբ։ 

1. Ուսուցում անհատական նախագծերով․ այս տեսանյութում ներկայացնում ենք, թե ինչպես ենք աշխատում անհատական նախագծերով, ինչպիսի նախագծեր են գործում, ինչ են տալիս այդ նախագծերը կրթական գործընթացին և սովորողին։ 

2. ,,Կարդում ենք Թումանյան,, նախագծով ընթերցել և քննարկել ենք Հովհ․ Թումանյանի ,,Երկաթուղու շինարարությունը,, պատմվածքը" Պատմվածքի վերաբերյալ և պատմվածքի արտահայտած գաղափարի շուրջ իրենց կարծիքն են ներկայացնում սովորողները։ 

 

 

Կարդում ենք Թումանյան

,,Կարդում ենք ,, նախագծով շարունակվում ենք կարդալ Թումանյան։ Ներկայացնում են 7 և 8 -րդ դասարանների սովորողները՝

• Ա՜խ, երանի թե մնայիր այդպես․ Մարիամ Դալլաքյան
• Հայոց վիշտը․ Դավիթ Հովհաննիսյան
• Սիրելի ընկեր, շատ ոգևորվել․ Կարոլինա Եսայան

Փետրվարի 19՝ գրքի տոն

Փետրվարի 19-ը Հայաստանի Հանրապետությունում համարվում է գրքի տոն։ Տոնի առթիվ առջարկում ենք կարդալ հետաքրքիր տեղեկություններ գրքերի մասին, նաև առաջարկում ենք ընթերցանության գրքեր բոլոր նրանց համար, ովքեր հետաքրքրվում են գրքերով։ 

• Կոնգրեսի գրադարան․ Ժասմին Պետրոսյան
• Աշխարհի հրաշալիքները․ Դանիելա Խուդոյան
• Մեծ բարի հսկան․ Լանա Ներսիսյան
• Բալզակ, մի շան պատմություն․ Մարկ Մուսայելյան
• Կոնրադը․ Անահիտ Ստեփանյան
• Շառլոտի Սարդոստայնը․ Նատալի Ղալեչյան
• Իմ գրադարանը․ Լիլիթ Անանյան
• Բալզակ․ Ռուբիկ Խաչատրյան
• Առաջարկում եմ կարդալ․ Կարոլինա Եսայան

Ձևը և հոգին

Ամեն երևույթ ունի իր արտաքին կերպարանքը—ձևը և ներքին իմաստը– հոգին։ Ապրողը, գեղեցիկը, կատարյալը դրանց ներդաշնակությունն է, բայց էդ ներդաշնակությունը, դժբախտաբար, շատ է դժար, և մարդիկ սովորաբար վազում են հեշտին, իսկ հեշտը ձևն է։ Երբ չեն կարողանում ըմբռնել մի որևէ բանի ներքին իմաստը, հոգին, կամ թե չէ կորցնում են ժամանակի ընթացքում, պաշտում ու պաշտպանում են ձևը, առանց հասկանալու։ Եվ հաճախ մեծ գաղափարների անուններով լոկ ձևեր են պաշտում։

Եկեղեցի ասելով գմբեթավոր էն շենքն են հասկանում, ուր սրբերի պատկերներ կան, վառած մոմեր ու տերտերներ, թեև հենց բառը— եկեղեցի բոլորովին այլ բան կնշանակի։

Նույնիսկ էն մոմերն էլ որ վառում են, մի ժամանակ մթության մեջ միտք է ունեցել, բայց էսօր օրը ցերեկով վառելով պահում են միայն ձևը անմիտ ու անխորհուրդ։

Տերյանական ընթերցումներ

Երրորդ ուսումնական շրջանի հետ սկսվում է կրթահամալիրյան ,,Կարդում ենք,, մեծ նախագիծը։ Այս նախագծով ընթերցումները սկսեցինք Տերյանից։ Առաջին տարին չէ, որ ծանոթանում ենք Տերյանին, աշխատում ենք նախագծերը շարունակական լինեն, ընդգրկուն, որպեսզի և՛ հիշենք, թե ինչ ենք ուսումնասիրել, և՛ մեր իմացածը լրացնենք նոր ուսումնասիրություններով։ 

Գրքի տոն

Փետրվարի 19-ը Թումանյանի ծննդյան օրն է։ Արդեն մեկ տասնամյակից ավել է, ինչ սիրված գրողի ծննդյան օրը համարվում է նաև Գիրք նվիրելու օր՝ գրքատոն։ Իհարկե, բոլորիս էլ հասկանալի է, որ այս օրը պատահական չի ընտրված։ Թումանյանի ծնունդով և գրքերի նվիրատվությամբ օրը կրկնակի տոն է դառնում։ 

Երկու տարի անընդմեջ նվիրում և ստանում ենք գրքեր։ Նախագիծը ենթադրում է նախապատրաստական աշխատանք․ նախ գաղտնի վիճակահանությամբ որոշում ենք՝ ով ում է նվիրելու, այնուհետև խոսում ենք գրականությունից, գրքերից, և յուրաքանչյուրն ասում է, թե ինչպիսի գրքեր է սիրում կարդալ, ինչ ժանրի, ինչ ուղղվածության։ Սա արվում է նրա համար, որ ճանաչենք մեր դասընկերների գրական ճաշակը և հեշտորեն ընտրենք գիրք, նաև ընտրենք այնպիսի գիրք, որը դուր կգա այն մարդուն, ում նվիրում ենք։ Եվս մեկ խնդիր է լուծվում այս ընթացքում․ կարևոր է իմանալ, թե ինչպես նվիրել, ինչպես պատրաստել նվերը, նաև ինչպես ներկայացնել պատրաստած նվերը։