Երեք
ռեակցիա: Կենսաբան Անրի Լաբորը իր ,,Գովք փախուստին,, գրքում գրում է, որ փորձության ժամանակ մարդն ունի երեք ընտրություն. 1. Պայքարել, 2. Ոչինչ չանել, 3. Փախչել:
Պայքարել: Սա լիովին բնական և առողջ ռեակցիա է: Մարմինը հոգեսոմատիկ վնասվածքներ չի ստանում: Ստացած հարվածը վերափոխվում է հասցված հարվածի: Բայց նման վերաբերմունքն ունի մի քանի անհարմարություն: Մարդն ընկնում է կրկնվող ագրեսիայի զսպանակի մեջ: Ի վերջո հայտնվում է ուժեղ որևէ մեկը և ձեզ խորտակիչ հարված է հասցնում:
Ոչինչ չանել: Նշանակում է կուլ տալ քո թախիծը և այնպես ձևացնել իբր ագրեսիան չես նկատում: Սա ավելի տարածված է ժամանակակից հասարակության հարաբերությունների մեջ: Անվանում են ,,գործողության կանգ,,: Դու ցանկանում ես ջարդել հակառակորդիդ դեմքը, բայց հաշվի առնելով, որ կարող ես քեզ ցույց տալ անհարթ լույսի տակ, պատասխան ստանալ և հայտնվել ագրեսիայի զսպանակում, կուլ ես տալիս վիրավորանքը: Հիմա հակառակորդի կողմից ստացած հարվածը դու ինքդ քեզ ես հասցնում: Նման իրավիճակները հանգեցնում են հոգեսոմատիկ հիվանդությունների ծաղկմանը՝ խոց, պսորիազ,
ներվացավ, ռևմատիզմ…
Երրորդ ճանապարհը փախուստն է: Փախուստը տարբեր է լինում:
Քիմական փախուստ՝ արկոհոլ, թմրանյութ, ծխախոտ, հակադեպրեսանտ, հանգստացնող, քնաբեր: Սրանք թույլ են տալիս լիկվիդացնել կամ գոնե ծայրահեղ դեպքում փոքրացնել ագրեսիան: Մարդը մոռանում է, սկսում է զառանցել, քնում է: Եվ ամեն ինչ անցնում է: Սակայն փախուստի այս տարբերակը վերացական է դարձնում իրականությունը, և քիչ-քիչ անհատը դադարում է ընդունել իրական աշխարհը:
Փախուստը աշխարահագրորեն կազմված է
անընդհատ տեղափոխություններից: Մարդը փոխում է աշխատանքը, ընկերներին,
սիրեկաններին, բնակարանը: Այսպես նա ստիպում է իր խնդիրներին ճանապարհորդել: Նա
դրանք չի լուծում, այլ ուղղի փոխում է նրանց դեկորացիան, որն ինքնին հենց
համարվում է թեթևություն:
Վերջապես, արտիստական փախուստ: Սա սեփական կատաղության, զայրույթի, ցավի փոխակերպումն
է արվեստի, ֆիլմի, երաժշտության, ռոմանի, քանդակի կամ նկարի: Այն, ինչ մարդը թույլ
չի տալիս իրեն անձամբ անել, անում է նրա մտածած հերոսը: Արդյունքում սա կարող է կատարսիսի
էֆեկտ առաջացնել: Կստանան նրանք, ում հերոսները վրեժխնդիր կլինեն ստացած վիրավորանքների
համար:
Էդմոնդ Ուելս, Բացարձակ և հարաբերական գիտելիքների
հանրագիտարան, հատոր 4:
Վերբեր ,,Հրեշտակների կայսրությունը,,:
Նախորդ մաս:
Комментариев нет:
Отправить комментарий