Գրախոսություն

Հասմիկ Խաչատրյան ,,Գրադարանավարը՝ հանրային աշխատանքի կազմակերպիչ,,

Դիպլոմային աշխատանքը կազմված է Ներածությունից, գլուխներից, Եզրակացությունից, Գրականության ցանկից։ Աշխատանքի սկզբում  տրված է բովանդակությունը։  Ըստ էության դիպլոմային աշխատանքի կառուցվածքային պահանջները պահպանված են։

Ներածություն

Այստեղ նկատեցի, որ հեղինակն իր առջև դրել  է նպատակներ և խնդիրներ, որոնք  ձևակերպված են առանձին-առանձին, չեն կրկնվում , կոնկրետ են։ Դիպլոմային աշխատանքը հետազոտություն է, ուսումնասիրություն և չի կարող կոնկրետ ձևակերպված նպատակներ ու խնդիրներ չունենալ։

Ներածության մեջ հեղինակը խոսել է նաև  ,,գրադարանավար,, մասնագիտության մասին, թե որքանով է այս մասնագիտությունը համացանցի և գիտատեխնիկական զարգացումների ֆոնին շարունակում մնալ արդիական։

 

Գլուխ 1. Գրադարանավարը՝ որպես հանրային մասնագետ ժամանակակից աշխարհում

Թեև գիտատեխնիկական զարգացումները հեշտացրել են տեղեկատվության հասանելիությունը, սակայն գրադարանավարի և գրադարանի գործառույթը շարունակվում է պահանջված և արդիական մնալ։ Ինչպես հեղինակն է ասում, գրադարանավարը միայն տեղեկատվության կամ գրքի փոխանցող չէ։ Այս մասնագիտությունը շատ լայն է ու ընդգրկուն, իսկ գրադարանավարի գործառույթները և մասնագիտական հատկանիշները շատ կոնկրետ ներկայացված են ։ Իհարկե, ավելացնենք նաև, որ գրադարանավարի մասնագիտությունը արդիական մնալու համար փոփոխվում է, նոր կազմակերպչական գործառույթներ ձեռք բերում , և այդ փոփոխություններն առաջիկայում շարունակվելու են։

Լավ է, որ հեղինակը խոսել է գրադարանավարի մասնագիտական աճի և ինքնակրթության մասին, այս մտքերը կարելի էր ավելի զարգացնել, քանի որ աշխատանքը լավ և սիրով անելու , ընթերցողին լավ հասկանալու և գրքեր խորհուրդ տալու համար գրադարանավարը պետք է նաև ծանոթ լինի գրական զարգացումներին, /ոչ միայն գեղարվեստական/ գրականությանը, մամուլին։ Իսկ այդ ամենը հնարավոր է միայն անընդհատ սեփական մասնագիտական որակների վրա աշխատելով։

 

Գլուխ 2` Գրադարանավարությունը՝ որպես ժամանակակից մասնագիտություն

Այս գլխում մանրամասն ներկայացված են գրադարանավարի գործառույթները որպես տեղեկատվական մասնագետ։ Աշխատանքի առավելություններից է, որ հեղինակը գրադարանավարի մասնագիտությունը ներկայացրել է բազմակողմանիորեն, արդիական պահանջներին համապատասխան, դիտարկել տարբեր տեսանկյուններից՝ կարևորելով ինքնակրթվելը, ժամանակի զրագացումներին հետևելը, տեղեկացվածությունը և թիմային աշխատանքը։

Եզրակացություն

Հեղինակը կարողացել է Ներածության մեջ իր նշած նպատակին և խնդիրներին համապատասխան ուսումնասիրությունից հետո ներկայացնել տրամաբանական եզրահանգում։

Օգտագործված գրականության ցանկում նշված են այն աղբյուրները, որտեղից հեղինակն օգտվել է աշխատանքը շարադրելիս։ Ներառված բոլոր գրքրերը և հոդվածները ռուսերեն լեզվով  են, ինչը նշանակում է, որ հեղինակը ուսումնասիրել է թեման նաև օտարալեզու հեղինակների մոտ։

Դիպլոմային աշխատանքի դեպքում, կարծում եմ, կարևոր է հեղինակներից մեջբերվող հատվածների վրա տողատակի հղումներ դնելը, ինչը չկար աշխատանքում, հավանաբար տեխնիկական խնդիր է, թեև փակագծերում նշումներ կային։

Այսպիսով՝

·         աշխատանքի վերնագիրը և բովանդակությունը համապատասխանում էին,

·         հեղինակը կարողացել էր առաջադրված խնդիրը քննել բազմակողմանիորեն,

·         հեղինակի տրամաբանական եզրահանգումները գրառված էին,

·         դիպլոմային աշխատանքի կառուցվածքային պահանջները պահպանված էին,

·         աշխատանքը շարադրված էր գրագետ։

Կառաջարկեի, որ հեղինակը նաև հետազոտություն իրականացներ Հայաստանի գրադարաններում՝  ուսումնասիրելով, թե ինչքանով են արդիական պահանջներին համապատասխանում գրադարանավարների հմտությունները և աշխատանքում հեղինակի կողմից նշված գործառույթները /որպես հանրային աշխատանքի կազմակերպում/  գրադարանավարներն ինչպես են կազմակերպում։  Վստահ եմ՝ այս ուսումնասիրությունը կլրացնես և կհարստացներ աշխատանքը։

 

Գրախոս՝ Տաթև Աբրահամյան