Նոր ուսումնական տարին սկսեցի երեք նոր դասարաններում՝ 6 և 7: Նոր դասարանում դասավանդելը բերում է հետաքրքիր ծանոթություններ, բայց նաև ծավալուն և դժվար աշխատանք է, անհրաժեշտ է ճանաչել սովորողներին, որպեսզի հնարավոր լինի գործունեության ընթացքում անհատական մոտեցում ցուցաբերել, ճիշտ ուղղորդել յուրաքանչյուրին։ Կարծում եմ՝ հաջողվեց, շատ արագ մտերմացանք և սկսեցինք առօրյա աշխատանքը։
Առաջին ուսումնական շրջանում յուրաքանչյուր ամսվա ավարտին ներկայացրել եմ իրականացրած նախագծերի հաշվետվություն, որտեղ ամփոփված են մեր աշխատանքները՝ նկարագրությամբ և հղումներով՝
Երբ սկսվեցին անվանական մրցանակների առաջադրումները, համարձակություն ձեռք բերեցի և իրականացրած նախագծերս ներկայացրեցի ,,Մխիթար Սեբաստացի,, մրցանակի համար։ Փաթեթին կարող եք ծանոթանալ այստեղ։ Մեծ երջանկություն էր, երբ Ուրբաթ-համերգի ժամանակ հայտարարվեց, որ ես ևս մրցանակ եմ ստանում։ Կրթահամալիրում աշխատում եմ 12 տարի, և այս տարիների ընթացքում շատ են եղել դժվարությունները, բայց միաժամանակ շատ է եղել և հետաքրքիր, ստեղծագործ աշխատանքը։ Սովորեցրել եմ և սովորել, զարգացել եմ և ինքնակրթվել, պետք է ասեմ, որ իսկապես շատ-շատ եմ աշխատել իմ մասնագիտական զարգացման, աշխարհայացքի ընդլայման վրա։ Թեև կրթահամալիրում չեմ դպրոց գնացել, բայց այնքան հարազատ է դարձել, որ այս կրթական ծրագրից բացի այլ ծրագիր այլևս չեմ պատկերացնում։ Շնորհակալ եմ պարտավորեցնող մրցանակի համար։
Ուսումնական ճամփորդություններ
- Ինչպես միշտ, ուսումնական տարին սկսել ենք տոնական քայլարշավով․ Մայրավանք, Ծաղկունյաց լեռներ։
- Այցելություն Էրեբունի պատմահնագիտական արգելոց-թանգարան։
Սիրով շարունակել ենք ընթերցումների նախագծերը՝
Այս ուսումնական շրջանում Ավագ դպրոցում ղեկավարում եմ հետազոտական աշխատանքներ։ Իհարկե, այս աշխատանքը հետաքրքիր է նրանով, որ նոր սովորողների հետ այլ ձևաչափով աշխատելու հնարավորություն է տալիս, սակայն ունի նաև իր բարդությունները, որոնց կանդրադառնամ ուսումնական տարվա ավարտին՝ հոդված-վերլուծությամբ։ Իսկ այս պահին ընթացող աշխատանքներին կարող եք ծանոթանալ այստեղ։
Ղեկավարել եմ հերթական ,,Մուտք կրթահամալիր․ քայլ առաջին,, քառօրյա վերապատրաստումը։ Թեև առաջին անգամը չէ, սակայն ինձ համար կարևոր և ծավալուն աշխատանք է։ Վերապատրաստման հաշվետվությունը՝ այստեղ։
Շարունակել է գործել ,,Պատուհան,, թարգմանչական-ստեղծագործական ամսագիրը։ Այս ուսումնական շրջանի ընթացքում հրապարակել ենք մոտ հարյուր հոդված։ Այս աշխատանքը կարևորում եմ, քանի որ ամսագիրը ստեղծագործ սովորողների համար ինքնարտահայտվելու հարթակ է։
Այլ՝
- Ուսումնական տարվա ընթացքում բացակայել եմ մեկ օր՝ աշնանային արձակուրդի օրերին, աշխատել եմ առցանց, ուսումնական ծրագիրը բաց չեմ թողել։
- Յուրաքանչյուր օր մասնակցել եմ առավոտյան ընդհանուր պարապմուքներին․ համակարգել և ամբողջացրել եմ մեկ շաբաթվա ծրագիրը՝ Մայրենիի մյուս դասավանդողների հետ։ Պատասխանատու սովորողների հետ աշխատել եմ խոսքի մշակման վրա։
- Մասնակցել եմ Ուրբաթ -համերգներին։
- Առաջին ուսումնական շրջանի ընթացքում երեք անգամ մասնակցել եմ ,,Ուսումնական ժամերգության,,։ Սովորողների հետ ընթերցել ենք գրաբարյան հատվածներ, երգել շարականները։
- Ունեմ անհատական թվային գործիք, տիրապետում եմ իմ առարկային անհրաժեշտ ծրագրերին։
- Ժամանակին կատարել եմ հաշվառումը և գնահատումը ։ Գնահատումն իրականացրել եմ ինքնագնահատման սկզբունքով։
- Բլոգս համապատասխանում է Մանկավարժության կենտրոնի բլոգավարության պահանջներին։
- Սովորողների բլոգները ստուգել եմ էլ․ փոստի միջոցով։
- Ուսումնական տարվա ընթացքում ստեղծված փաթեթները կարող եք տեսնել հաշվետվություններում։
- Ինքնակրթություն․ 2023 -ի ընթացքում կարդացել եմ ութսուն գիրք, մասնակցել եմ Գրական ակումբի քննարկումներին։
Комментариев нет:
Отправить комментарий