Էդմոն Ուելս

-Նշանակում է  ես  վեցերորդ մակարդակում եմ:

-Նշանակում է դու հրեշտակ ես,-ուղղում է Էդմոն Ուելսը:

Ես միշտ հրեշատկներին պատկերացրել եմ գլխին  դրված լուսապսակով, իսկ մեջքին՝ թևեր:

Այս կերպարը համպատասխանում է հին պատկերացումներին: Պսակն առաջացել է մետաղյա թիթեղից, որով հռոմեացիները պաշտպանում էին քրիստոնեական սրբերի արձանները թռչնաղբից: Իսկ ինչ վերաբերվում է թևերին, ապա դրանք ծագում են հին միջագետքյան ավանդույթից, ըստ որի այդ մեջքային վերջույթները  բարձր աշխարհի պատկանելության ապացույցն են:

Այդպես, կային թևավոր ձիեր, ցուլեր և առյուծներ:

Իսկ ի՞նչ է դա փոխում ինձ համար:

Ես նայում եմ իմ ձեռքին: Ծիածանային լույսը, որը ես մինչ այդ չէի նկատում, շրջապատում է իմ ամբողջ մարմինը կապույտ փայլով:

-Ֆիզիկական փոփոխությունները այդքան էլ կարևոր չեն,-շարունակում է Էդմոն Ուելսը,- դա նոր վիճակ է , ամենից առաջ փոխվում է հայացքդ ամեն ինչի նկատմամբ:

Էդմոն Ուելսը մանրամասն բացատրում է, թե որն է լինելու իմ աշխատանքը: Մարդու տեսքով մարմնավորված երեք հոգիներ կդրվեն իմ խնամակալության ներքո:  Իսկ ես պիտի այնպես անեմ, որ գոնե նրանցից մեկը անցնի վեց հարյուր կետերը և դրանով դուրս գա վերամարմնավորման փուլից: Ես պետք է հետևեմ այդ երեք երկրային կյանքերին, ուղեկցեմ նրանց և օգնեմ: Նրանց մահվանից հետո երեք հրեշտակապետների սարսափելի դատաստանում ես պետք է հանդես գամ նրանց փաստաբանի դերում :

-Ինչպես Էմիլ Զոլան ինձ պաշտպանե՞ց:

Էդմոն Ուելսը գլխով է անում:

-Իր հաջողության շնորհիվ Էմիլ Զոլան կարող է հրեշտակների զարգացման նոր ավելի բարձր մակարդակի հասնել:

Հիմա ես հասկանում եմ, ինչու էր Զոլան այդքան համառ և ինչու այդքան ոգևորված դուրս եկավ:

-Իսկ ի՞նչ է այդ <<հրեշտակների զարգացման ավելի բարձր մակրդակը>>:

Իմ  ուսուցիչը պարզաբանում է, որ յուրաքանչյուր փուլում ես կստանամ հատուկ տեղեկություններ: Եթե ես ուզում եմ տեղեկանալ ավելի բարձր աշխարհից, ինձ անհրաժեշտ է առաջ գնալ հրեշտակի  կարիերայում:

Մենք , շարունակելով զրուցել , հասնում ենք գետնանցումի ելքին, որը ևս լցված է կապույտ լույսով: Մեր առջև տարածված է հրեշտակների երկիրը:

Հրեշտակ: Ո՛չ , ցավում եմ , բայց ես նրանց չեմ հավատում: Այդ ամենը նորաձևության հարց է: Մի ժամանակ նորաձև էին հրեշտակները, հետո՝ այլմոլորակայինները: Դա ուղղակի սնահավատների և պարապ մարդկանց համար մտածելու առիթ է: Այդ ընթացքում նրանք մոռանում են անգործությունը և տնտեսական ճգնաժամը:

Աղբյուրը՝ մեկը  փողոցում հասարակական կարծիքի հարցման ժամանակ:



Վերբեր <<Հրեշտակների կայսրությունը>>
Թարգմանություն ռուսերենից
Տաթևիկ Աբրահամյան