среда, 14 апреля 2021 г.

«Գագարին» նախագծով հավաք կրթահամալիրում

Ապրիլի 12-ին Բլեյան կրթական բաց ցանցով և «Գագարին» նախագծով հավաք տեղի ունեցավ կթահամալիրում, որին մասնակցում էին Վարսեր, Գեղամավան, Ծաղկունք, Դդմաշեն, Զովաբեր համայնքների դպրոցների դասավանդողներ, սովորողներ, Դար հիմնադրամի անդամներ: 
Մասնակիցները նախապես բաժանվել էին խմբերի՝ ավելի արդյունավետ աշխատանք կազմակերպելու համար: Միջին դպրոցի սովորողների հետ մեր խմբի մասնակիցներին՝ Գեղամավան և Ծաղկունք դպրոցի սովորողներին և ուսուցիչներին, դիմավորեցինք Սուրբ Երրորդություն եկեղեցու բակում: Ծանոթացանք և քայլեցինք եկեղեցի՝ մասնակցելու ,,Ուսումնական պատարագ,, նախագծին: Քայլքին զուգահեռ ներկայացրինք ,,Ուսումնական պատարագ,, նախագիծը, իրականացման ձևը և նպատակը: 
Մի հատված ուսումնական պատարագից.



Այնուհետև Մեդիակենտրոն-Հյուսիս ճանապարհով քայլեցինք Հյուսիսային դպրոց, որտեղ հետաքրքիր շրջայց ունեցանք: Շրջայացի նպատակը մասնակիցներին անցանկապատ բաց կանաչ միջավայրը ներկայացնելն էր: 
Մասնակիցներին ներկայացվեցին.
  • դպրոց-պարտեզի միջավայրը, այդ թվում՝ դպրոց-պարտեզ մոդելը, 
  • բաց, առանց ցանկապատների կանաչ միջավայրը՝ տեխնոլոգիական տարբեր լուծումներով՝ Սիենայի պուրակով, էստրադայով, Հարավային պուրակով....
  • նկուղներից լաբորատորիաների վերածված ուսումնական տարածքները՝ իրենց գործունեությամբ
  • ուսումնական տանիքը՝ իր լուծումներով
  • դպրոցը՝ բաց արվեստանոց. շրջանավարտների ցուցահանդես
  • Արտասահման ՝ հերթական նկուղը՝ վերածված տարաբնույթ հանդիպումների, հետաքրքիր ցուցադրությունների և տեխնոլոգիական հմտությունների ուսուցման հարթակի, լաբորատորիայի:
Հյուսիսային դպրոցի սովորողները և ուսուցիչները շարունակում էին իրենց բնականոն ուսումնական աշխատանքը՝ բաց լանջերում, Սիենայի պուրակում, տանիքում և այլ հարթակներում: 
Սասնալանջի վերածված Սարալանջում տրվեց Քանդակագործության ամենամյա փառատոնի մեկնարկը: Վիգեն Ավետիսը հայտարարեց, որ այս տարվա փառատոնի թեման ,,Հազարան հավքը,,  բանահյուսական ստեղծագործությունն է լինելու: Միասնական պարերից հետո քայլեցինք դեպի Մայր դպրոց, որտեղ շրջայցը շարունակվեց Միջին և Ավագ դպրոցներում՝ ծրագրերի ղեկավարների ուղեկցությամբ: 

Լուսանկարներ՝












Комментариев нет:

Отправить комментарий