1. Մեդիագրադարանից առանձնացնել հաջողված և ամբողջական մի նախագիծ, հրապարակել բլոգում, գրավոր հիմնավորել ընտրությունը:
Առանձնացրել եմ 8-12-րդ դասարանների համար նախատեսված ընթերցանության նյութերի փաթեթ գրականությունից (Հեղինակ՝ Մարիետ Սիմոնյան):
Կարդացի և ուսումնասիրեցի գրադարանում առկա բոլոր ուսումնական փաթեթները: Հետաքրքիր փաթեթներ շատ կային, բայց առանձնացրի հենց այս փաթեթը, քանի որ կապված էր իմ մասնագիտության հետ: Այստեղ առանձնացված են ոչ ստանդարտ ստեղծագործություններ, տարբերվող հեղինակներ, ստեղծագործությունները ծավալով մեծ չեն, յուրաքանչյուրի հետ կա նաև առաջադրանքների փաթեթ, որը օգնում է ավելի լավ հասկանալ ստեղծագործության գաղափարը, ասելիքը: Կարծում եմ՝ առանձնացված ստեղծագործությունները ժամանակակից սովորողի համար իսկապես գրավիչ են:
2. Բլոգում հրապարակել ուսումնական նախագծի կառուցվածք, գրավոր շարադրել ուսումնական նախագծին ներկայացվող պահանջները:
Ուսումնական նախագիծը կարող է կառուցվել ըստ կրթահամալիրի ուսումնական օրացույցի, դասընթացի ծրագրի կամ ուսուցչի անհատական նախաձեռնության:
Ուսումնական նախագծին ներկայացվող պահանջներ.
- պետք է լինի գրավիչ և հետաքրքիր սովորողի համար
- մշակմանը մասնակցի նաև սովորողը, առաջարկություններ և լրացումներ անի
- հրապարակվի մեկնարկից մեկ շաբաթ առաջ, ավարտից առնվազն մեկ շաբաթ հետո հրապարակվի հաշվետվությունը
- ձևակերպումը պետք է լինի կոնկրետ՝ նպատկով, իրականացման ընթացքով և այլն...
- կապվի դասընթացի, ուսումնական օրացույցի հետ
- լինի ուսումնական, հետազոտական
- կարող է լինել կարճաժամկետ կամ երկարաժամկետ
- հրապարակվի բաց և տեսանելի ՝ մասնակցել ցանկացողների համար
Ուսումնական նախագծի կառուցվածք
- Անվանում/վերնագիր
- Մասնակիցներ / ո՞ւմ համար է նախատեսված
- Իրականացման ժամանակահատվածը/ տևողությունը
- Նպատակը
- Խնդիրները
- Իրականացման միջավայրը, տեղը
- Անհրաժեշտ նյութեր, գործիքներ կամ հղումներ
- Մեթոդներ -համագործակցային, խմբային, հետազոտական, այլ
- Նախագծի բովանդակությունը/ նկարագրությունը
- Նախագծի իրականացման ընթացքը
- Նախագծի ակնկալվող արդյունքը
- Նախագծի ամփոփում -արդյունքների հավաքում
- Հնարավոր, հեռանկարային զարգացումներ
- Արդյունքների հրապարակում և տարածում:
Նախագծի օրինակ՝ արդյունքներով - Ժամանակակից մանկական գրականություն :
Комментариев нет:
Отправить комментарий