Թարգմանությունը որպես ուսումնական նախագիծ

Ուսումնական գործունեության մեջ կարևոր տեղ է զբաղեցնում տարբեր լեզուներից կատարվող թարգմանությունը: Թարգմանության կատարելիս սովորողները ձեռք են բերում նոր գիտելիքներ, հմտանում են լեզուների մեջ: Թարգմանության ընթացքը պետք է վերահսկվի ուսուցչի կողմից: Կատարված աշխատանքի արդյունքը հրապարակվում է սովորողների բլոգներում և կայքում/ենթակայքում/:

Թարգմանության շնորհիվ

1.Սովորողի մոտ զարգանում են թարգմանչական հմտություններ:

2.Սովորողը հմտանում է լեզուների մեջ:

3.Սովորողը կատարում է թագմանչական-խմբագրական աշխատանք:

4.Հարստանում է սովորողի բառապաշարը:

5.Զարգանում է բանավոր և գրավոր խոսքը:

6.Սովորողը ձեռք է բերում նոր գիտելիքներ:

Թարգմանչական աշխատանք կատարելիս առաջին հերթին պետք է ընտրել թարգմանելու նյութը: Քանի որ աշխատանքը կատարվում է մայրենի լեզվի դասին, թարգմանվում է որևէ օտար լեզվից /ռուսերեն/ հայերեն: Կրտսեր դպրոցում /5-6-րդ դասարաններում/ ընտրում ենք փոքր ծավալի ստեղծագործություններ՝ առակներ,  կարճ հեքիաթներ և պատմություններ: Անհրաժեշտ է փոխհամաձայնեցված աշխատանք օտար լեզվի ուսուցչի հետ:

Թարգմանելու նյութեր ընտրում ենք հիմնականում այս կայքերից

http://www.elfishki.ru

http://www.dobrieskazki.ru

http://maminiskazki.ru

http://www.books.kostyor.ru

http://story.magicpeople.org/

Իհարկե, սովորողները նույնպես կարող են թարգմանելու նյութեր առաջարկել:

Թարգմանելու նյութ ընտրելիս առաջին հերթին հաշվի ենք առնում

1.Հետաքրքիր լինելը

2.Արդեն իսկ թարգմանված չլինելը:

Թարգմանությունը նախագիծ է, որ կարելի է կատարել ամբողջ տարվա ընթացքում: Կարելի է այն զուգակցել կրթահամալիրի ուսումնական տոնացույցի հետ:

Նյութի ընտրությունից հետո անցնում ենք թարգմանության բուն ընթացքին: Թարգմանություն կարող են կատարել անհատական և խմբային: Երկու դեպքում էլ սովորողները կարող են օգտվել բառարաններից: Խմբային աշխատանքի դեպքում սովորողները միմյանց միջոցով պարզում են անծանոթ բառերը: Երկու դեպքում էլ աշխատանքն արդյունավետ է: Աշխատանքի վերջնական արդյունքը ուղարկում են ուսուցչին , ով խմբագրում է և տեղադրում կայքում:

Թարգմանչական-խմբագրական աշխատանք: Թարգմանչական աշխատանքը կարող է նաև շարունակություն ունենալ: Իհարկե, լավ է, եթե տիրապետում ես որևէ օտար լեզվի, բայց կա մարդիկ, ովքեր ոչ մի օտար լեզվի չեն տիրապետում:  Ուսուցիչն ինքը կարող է և չխմբագրել ստացված տեքստը, այլ հանձնարարել, որ դա անեն սովորողները: Թարգմանությունը կարդում են դասարանում և սովորողների միջոցով վերջնական տեքսի բերում այն, խմբագրում: Կարելի է հանձնարարել, որ մեկը թարգմանի, մյուսը խմբագրի նրա թարգմանած տեքստը: Հիմնականում այս եղանակով են աշխատում խմբային թարգմանության դեպքում:

Սովորողների կատարած թարգամանությունները
Մոմը