Երբ ստեղծագործում ենք անընդմեջ

Նորից հավաքվել ենք Տիգրան Հայրապետյան ընթերցասրահում։ Նպատակը նույնն է՝ հրապարակել ,,Լուսապսակ,, ամսագրում տպագրված ստեղծագործական աշխատանքները և հայտարարել հեղինակներին։ 

Արդեն երկար ժամանակ է կրթահամալիրի գրադարանը համագործակցում է ,,Լուսապսակ,, ամսագրի հետ, որտեղ տպագրվում են տարատարիք սեբաստացի սովորողների հաջողված ստեղծագործությունները։ 

Ժամանակ առ ժամանակ խմբագրություն ենք ուղարկում ստեղծագործությունների փաթեթներ, իսկ թե որ ստեղծագործություններն են ընտրվում, անակնկալ է լինում և՛ մեզ համար, և՛ հեղինակների։ Այսպես, այս անգամ հրապարակվել էր երկու ստեղծագործություն․ 

• Գուրգեն Մանուկյան ,,Կատարելություն չկա,,
• Քնարիկ Ադամյան ,,Բարև,, ։ 

Միջին դպրոցի ղեկավար Լուսինե Բուշը կարդաց հատվածներ ստեղծագործություններից և ներկայացրեց հեղինակներին, դիտե՛ք ․ 

,,Լուսապսակ,, ամսագիրը հրապարակվում է 4000 տպաքանակով, ուղարկվում է հանրապետության և Արցախի դպրոցներին, իսկ ստեղծագործական աշխատանքներն ընտրվում են նույնպես հանրապետության դպրոցների սովորողների աշխատանքներից։ Եվ ամեն անգամ կրթահամալիրի սովորողների աշխատանքները խմբագրության էջում տեսնելը անչափ ուրախալի է։ Նաև մոտիվացիա է ստեղծագործել սիրող սովորողների համար։ 

Տիգրան Հայրապետյան գրադարանը համագործակցում է նաև ,,Ոստան,, ամսագրի հետ, որտեղ նույնպես պարբերաբար հրապարակվում են ավագ դպրոցի սովորողների աշխատանքներից։ 

Այս անգամ հրապարակվել էր ․ 

• Լուսինե Ալեքսանյանի հոդվածը,
• Մաթեմատիկայի ուսուցիչ Զարինե Փանյանի աշխատանքը,
• Ավագ դպրոցի 10-րդ դասարանի սովորող Գոհարինե Ազնաուրյանի թարգմանությունը։ 

Նախորդ հրապարակումների մասին կարդացե՛ք այստեղ։