воскресенье, 17 марта 2013 г.

Դիջիթեքյան քրոնիկոն մեր բլոգներում


Մեր ժամանակներում մեդիան մեծ դեր ունի ուսումնական գործընթացում: Բնականաբար, միայն դասագիրքը չի բավարարում սովորողի հետաքրքրությունները, որը միշտ նորի ու ավելի հետաքրքիր երևույթների փնտրտուքների մեջ է:
  Գեղարվեստի կրտսեր դպրոցում 5-6-րդ դասարանների սովորողները հմտորեն օգտվում են մեդիամիջոցներից՝ ֆոտոխցիկ, ձայնագրիչ, համակարգիչ, էլ. գրատախտակ, կարողանում են գրագետ օգտագործել համացանցը, տիրապետում են տարբեր համակարգչային ծրագրերի՝ MovieMaker, Wondershare և այլն:
Իհարկե, պետք է առաջ գնալ: Եվ հաջորդ քայլը բլոգի օգտագործումն էր:

Բլոգը վիրտուալ տարածք է, որտեղ երևում են սովորողների հետաքրքրությունները: Բլոգը կարելի է օգտագործել ուսումնական նպատակներով, որպես ուսումնական գործունեության միջոց:
Բլոգի գործածումը  բավականին հեշտ է, և սովորողներն արագ այն յուրացրեցին: Իհարկե, կան սվորողներ, որոնք ակտիվ բլոգերներ են և անկախ նրանից՝ հանձնարարություն ունեն, թե ոչ, անընդհատ նորացնում են բլոգի նյութերը, տեղադրում եմ ֆոտոշարքեր, պատմում իրենց առօրյայից: Կան նաև սովորողներ, որոնք համեմատաբար պասիվ են:
Ինչպես իրենք՝ սովորողներն են ասում, բլոգը իրենց էլեկտրոնային տետրն է: Իսկ որոշներն ասում են, թե դա մեր փոքրիկ mskh-ն  է:
Ինչպե՞ս ընտրեցինք թեման
Հանրակրթական Դիջիտեքի ուսումնական բաց մեդիապարապմունքին որոշեցինք ներկայացնել մեր բլոգները, համացանցից գրագետ օգտվելու հմտությունները, իհարկե, առաջին հերթին այդ ամենը պետք էր կապել Դիջիտեքի հետ: Արդեն մի քանի օր էր, ինչ սկսվել և շարունակվում էր Դիջիտեքը: Բնականաբար, մենք չէինք կարող ներկա գտնվել դիջիտեքյան բոլոր միջոցառումներին, բայց էլ ինչի համար է մեդիան: <<Մխիթար Սեբաստացի>> կրթահամալիրի բոլոր դպրոցների ենթակայքերում դրվել էին և շարունակվում էին դրվել նյութեր, ֆոտոշարքեր, դիջիթեքյան պատումներ: Այ այստեղից էլ ծնվեց թեման և որոշեցինք ներկայացնել դիջիթեքյան քրոնիկոն մեր բլոգներում:
Սովորողները բաց դասին ներկայացան իրենց անձնական նեթբուք-նոթբուքներով:
Ի՞նչ էր պետք անել:
Սովորողներին տրվեց հանձնարարություն mskh-ի ենթակայքերից գտնել Դիջիտեքը նկարագրող երեք-չորս հետաքրքիր նկար, տեղադրել բլոգում՝ նշելով աղբյուրը և մի քանի նախադասությամբ ամփոփել Դիջիթեքը:
Առաջադրանքի նպատակները
Առաջադրանքը ցույց էր տալիս սովորողների մեդիահմտությունները, բլոգի օգտագործումը, համացանցից գրագետ օգտվելը:
Այս առաջադրանքը զարգացնում է սովորողի մոտ ինքնուրույն փնտրելը, գտնելը, միտք կազմելը և գրագետ ձևով այն բլոգում ներկայացնելը, ստեղծագործական ունակությունները:
Առաջադրանքի մեջ պիտի երևար, թե յուրաքանչյուր սովորող ինչպես է ընկալել և հասկացել Դիջիտեքը:
Ի՞նչ հմտությունների պետք է տիրապետի աշակերտը հանձնարարությունը կատարելու համար:
 Աշխատանքը կատարելու համար սովորողը պետք է շատ լավ տիրապետի բլոգին, իմանա, թե ինչպես են բլոգում նյութ տեղադրում, իմանա, թե ինչպես են մտնում mskh ուսումնական կայքի ենթակայքերը, իսկ հետո ընտրի նկարները և որպես վերջնական արդյունք  համապատասխան մեկնաբանությամբ տեղադրի սեփական բլոգում:
Աշխատանքի ընթացքը
Հանձնարարությունը ստանալուց հետո սովորողները սկսեցին աշխատել՝ յուրաքանչյուրն իր անձնական նոթբուք-նեթբուքով:
Հանձանարարությունը կատարելուց և բլոգում տեղադրելուց հետո սովորողները սկսեցին ներկայացնել դրանք՝ մեկնաբանելով: Յուրաքանչյուր սովորող մի քանի նախադասությամբ ներկայացրել էր Դիջիտեքը, կցել էր նկարներ, նշել կամ հղումը կամ գրել, թե որտեղից է վերցրել:
Ինչպիսի՞ն էին արդյունքները:
Աշխատանքները տարբեր էին և յուրօրինակ, ոմանք ավելի մանրամասն էին նկարագրել, ոմանք սեղմ՝ ավելի շատ նկարներ էին օգտագործել: Ստորև ներկայացնում եմ այդ աշխատանքներից մի քանիսը, որոնք դուրս են բերված սովորողների բլոգներից:

Комментариев нет:

Отправить комментарий