Տաթև: мая 2024

пятница, 31 мая 2024 г.

Հայրենագիտական ճամփորդություն դեպի Գառնի և Գեղարդ

Չորրորդ ուսումնական շրջանը՝ ամառային ճամբարը, լիարժեք դարձնելու համար սովորողների առաջարկով կազմակերպեցինք հայրենագիտական ճամփորդություն դեպի Գառնի և Գեղարդ։

Թեև այս ուղղությամբ շատ են այցելությունները, սակայն Գառնիում դեռ բազմաթիվ հուշարձաններ կան, որոնք ուսումնասիրված չեն։ Նոր բացահայտումների նպատակով ընտրեցինք հենց այս ուղղությունը։

Առաջին կանգառը Չարենցի կամարի մոտ էր, որը ևս դարձել է զբոսաշրջային վայր, բազմաթիվ այցելուներ կային, ընդ որում՝ տարբեր երկրներից։

Կարդալ ավելին

четверг, 30 мая 2024 г.

Մայիս ամսվա հաշվետվություն

Ուսումնական նախագծեր՝

Հինգ հասուն տանձերը, թատերական նախագիծ

Ճամփորդություններ՝

Ճանաչենք գառնին

Այլ աշխատանքներ՝

Գրախոսություն
Ամառային ճամբարի լուսաբանում
Արման Տեր-Ստեփանյան ․ հետազոտական աշխատանքի պաշտպանություն
Հետազոտական աշխատանքներ

среда, 29 мая 2024 г.

Հաջողության հասնելու գաղտնիքները՝ ըստ «Նոր՝ մենեջեր «Մեկ րոպեն» մոտիվացիոն գրքի

Գրախոսություն

Աշխատանքը բավականին ծավալուն է և կոկիկ։

Հետազոտական աշխատանքի բոլոր բաղադրիչները պահպանված են։

Ներածության մեջ հեղինակը խոսել է ընտրած գրքի և թեմայի մասին։ «Նոր՝ մենեջեր «Մեկ րոպեն» գիրքը համաշխարհային բեսթսելլեր է համարվում, մոտիվացիոն բնույթի է, լավ է, որ սովորողները հետևում են ժամանակակից գրականությանը, գրական զարգացումներին , ընթերցում են, հետաքրքրվում։

Առաջին գլխում հեղինակն անդրադարձել է «Ո՞ւր է իմ պանիրը» և «Նոր՝ մենեջեր «Մեկ րոպեն» գրքերի հեղինակներին, ներկայացրել կարևոր տեղեկություններ՝ խոսելով նրանց ստեղծագործությունների առանձնահատկությունների մասին։ Պետք է նշել, թեև ստեղծագործությունները թարգմանված են հայերեն, սակայն հեղինակների մասին շատ նյութեր չենք կարող գտնել հայալեզու համացանցում։

Երրորդ գլխում հեղինակը խոսել է մոտիվացիայի և մոտիվացիոն գրականության մասին։ Գրականության մեջ մոտիվացիոն ուղղությունը մեծ թափ առավ 21-րդ դարում, այս ժանրի գրքերը միանգամից մտան մեր առօրյա, ապահովեցին մեծաքանակ վաճառքներ և մեծ տարածում։ Չենք սխալվի, եթե նշենք, որ 21-րդ դարում ամենաընթերցվող գրքրեը մոտիվացիոն գրքերն են։

,,Ի՞նչ է մենեջմենթը,, գլխում հեղինակը մանրամասն և հնգամանալից ներկայացրել է այս մասնագիտությունը, մենեջերի աշխատանքի առանձնահատկությունները։ Այս առումով աշխատանքի թեման համարում եմ արդիական, քանի որ մենեջմենթը համարվում է ժամանակակից կյանքի ամենատարածված մասնագիտությունը։

Աշխատանքում հեղինական անդրադարձել է վերևում նշված մոտիվացիոն գրքին, ուսումնասիրել և մանրամասն վերլուծել, հետաքրքիր մտքեր են արտահայտված։

Այսիպիսով, աշխատանքը վերլուծական է և հետազոտական, երաշխավորում եմ պաշտպանությունը։

вторник, 28 мая 2024 г.

Ճանաչենք Գառնին․ հայրենագիտական մեկօրյա արշավ

Ճամփորդության օրը՝ մայիսի 31

Մասնակիցներ՝ տարատարիք ճամբարականներ

Պատասխանատու՝ Տաթև Աբրահամյան,Անի Փանյան

Վայրը՝ Կոտայքի մարզ, Գառնի

Երթուղի՝ Երևան-Չարենցի կամար-Ողջաբերդ-Գեղադիր-Գառնի-Գեղարդ։

Մեկնում՝ 09: 15, Մայր դպրոցի կայանատեղից, վերադարձ՝ 16:30` Մայր դպրոց ։

Նպատակը՝

Ճանաչենք Գառնիի գողտրիկ անկյունները, քայլքով Սումպենց վանք, Խումար ժամ․․․
Ազգագրություն, ծեսեր, խոհանոց․ զրույցներ գառնեցիների հետ,
Ուսումնասիրենք Հայաստանի հոգևոր կենտրոնները։

Եղանակը՝ այստեղ ։

Կարդալ ավելին

понедельник, 27 мая 2024 г.

Ամառային ճամբարը մեկնարկեց

,,Մխիթար Սեբաստացի,, կրթահամալիրի ուսումնական տարին կազմված է չորս ուսումնական շրջաններից։ Մայիս ամսվա ավարտին սկսվում է ուսումնական շրջաններից ամենահետաքրքիրն ու գրավիչը՝ ամառային ճամբարը կամ Ուսումնական չորրորդ շրջանը; Ի՞նչ է դա նշանակում․ այն, որ յուրաքանչյուր օր կազմակերպվում են հետաքրքիր ու տարբերվող նախագծեր, ճամբարային գործունեություններ՝ երգ, պար, ընթերցանություն, հայրենագիտական ճամփորդություններ, խաղեր, լող, մարզական ժամեր, վիկտորինաներ ու ինտելեկտուալ խաղեր և այլն։ Առօրյան դառնում է ավելի վառ, գունեղ, խաղային և մարզական։ Եվ այս ամենին զուգահեռ կա մեկ այլ փաստ, որն ամենաշատն է դուր գալիս սովորողներին՝ խմբերը տարատարիք են, դասարանական սահմանափակումները չեն գործում այլևս։

Կարդալ ավելին

воскресенье, 26 мая 2024 г.

Ճամբարային օրակարգ

Ճամբարային նախագծերը՝ այստեղ։

27.05.2024

09:00-09: 15` առավոտյան ճամբարային ընդհանուր պարապմունք,

09:20- 10:05` ճամբարային նախագծերի քննարկում, անելիքների լրացում, պայմանավորվածություններ, ծանոթություն նոր ճամբարականների հետ,

10:10-10:55` խեցեգործություն

11:05- 11:50` ինտելեկտուալ վիկտորինա

11:55-12:35` երգ

12:35-13:00` ընդմիջում,

13:00-14:00` ճամբարային խաղեր և օրվա լուսաբանում ։

Օրվա լուսաբանման պատասխանատու՝ Մանան Ղազարյան, Դավիթ Հովհաննիսյան, Անահիտ Ստեփանյան։

29.05.2024

09:00-09: 15` առավոտյան ճամբարային ընդհանուր պարապմունք,

09:20- 10:05` պայմնավորվածությունների ճշգրտում՝ խոհանոց, ճամփորդություն, ճամբարականները բաժանվում են նախագծային խմբերի և ձևակերպում խմբային նախագծերը,

10:10-10:55` ճամբարային քվեստ

11:05- 11:50` բույսերի խնամք

11:55-12:35` ճամբարային բակային խաղեր

12:35-13:00` ընդմիջում,

13:00-14:00` մարզական ժամ ՝ ֆուտբոլ

Օրվա լուսաբանման պատասխանատու՝ Հասմիկ Գալստյան , Լիլիթ Ջահանգիրյան, Նատալի Ղալեչյան։

30.05.2024

09:00-09: 15` առավոտյան ճամբարային ընդհանուր պարապմունք,

09:20- 10:05` պայմանավորվածություններ, անելիքների ճշգրտում,

10:10-10:55` բանավեճ

11:05-12:30` խոհանոցային գործունեություն

12:35-13:00` ընդմիջում,

13:00-14:00` ճամբարային խաղեր և օրվա լուսաբանում ։

Օրվա լուսաբանման պատասխանատու՝ Ռոբերտ Խաչատրյան, Վիկտորիա Մելիքյան, Անի Համբարձումյան, Աստղիկ Գաբոյան։

31.05.2024

09:00-16:00` Հայրենագիտական ճամփորդություն դեպի Գառնի և Գեղարդ։

03.06.2024

09:00-09: 15` առավոտյան ճամբարային ընդհանուր պարապմունք,

09:20- 10:05` Քոլեջի սովորողների նախագիծը,

10:10-14:00` քայլք Բանգլադեշում, կինոդիտում

Օրվա լուսաբանման պատասխանատու՝ Անահիտ Եսայան, Եվա Միքայելյան, Մարիա Մելիքյան, Մերի Իսկանդարյան

04.06.2024

09:00-09: 15` առավոտյան ճամբարային ընդհանուր պարապմունք,

09:20- 10:05` առողջագիտություն

10:10-10:55`Անի Միրզախանյանի նախագիծը

11:05- 11:50` Մարվելը և սկանդինավյան դիցաբանությունը․ նախագիծ Հրայր Խաչատրյանի հետ

11:55-12:35` Ոսկերչություն,

12:35-13:00` ընդմիջում,

13:00-14:00` ճամբարային վիկտորինա սովորողների նախաձեռնությամբ՝

Օրվա լուսաբանման պատասխանատու՝ Մարի Բեգլարյան, Մհեր Կարապետյան, Վիկտորիա Մելիքյան

05.06.2024

Ընդհանուր պարապմունք

Երգ

Փորձեր քիմիայի լաբորատորիայում

Անի Միրզախանյանի նախագիծը

Վիկտորինա

Մարզական ժամ

Օրվա լուսաբանման պատասխանատու՝ Մանե Եսայան, Գարիկ Գասպարյան, Սամուել Խուդոյան

06.06.2024

09:00-09: 15` առավոտյան ճամբարային ընդհանուր պարապմունք,

09:20-11:00` լող

11:00-11:50` մարզական ժամ

11:55-12:35` խեցեգործություն

12: 35-12:55` ընդմիջում

12:55-14:00` ճամբարային խաղեր

Օրվա լուսաբանման պատասխանատու՝ Էլինա Հովսեփյան, Մերի Խաչատրյան, Ալեքս Ստեփանյան

07.06.2024

09:00-09: 15` առավոտյան ճամբարային ընդհանուր պարապմունք,

09:20-10:05` երգ

10:10-11:50` ճամբարային հաշվետվությունների պատրաստում, խմբագրում,

11:55-12:35` ճամբարային խաղեր

12:35-13:00` ընդմիջում

13:00-13:30` մարզական ժամ

13:30-14:00` Ուսումնական ժամերգություն Մարմարյա սրահում

Օրվա լուսաբանման պատասխանատու՝ Մարիամ Դալլաքյան, Գայանե Փաշիկյան, Էդգար Ալեքսանյան

четверг, 23 мая 2024 г.

Ուսումնական չորրորդ շրջան․ անհատական աշխատաժամանակ

Ճամբարային նախագծեր

Ճամբարային օրակարգ

27.05.2024

09:00-09:15` առավոտյան ընդհանուր պարապմունք

09:15-14:00` ճամբարային գործունեություն

14:00-15:30` էլ․ փոստի նամակների ստուգում, հաջորդ օրվա անելիքների ճշգրտում, պատրաստում, գնահատում, աշխատանք նախագծերի ամփոփման ուղղությամբ։

29.05.2024

09:00-09:15` առավոտյան ընդհանուր պարապմունք

09:15-14:00` ճամբարային գործունեություն

14:00-16:00` էլ․ փոստի նամակների ստուգում, հաջորդ օրվա անելիքների ճշգրտում, պատրաստում։

Գրական ակումբ

Հավաք մասնախմբով։

Կարդալ ավելին

суббота, 18 мая 2024 г.

Ամառային ճամբար․ Չորրորդ ուսումնական շրջան

Ճամբարային նախագծեր՝

Սոցիալական գովազդների նկարահանում,
TV նախագծի ստեղծում,
Համացանցային տեխնոլոգիական խաղեր,
Բակային և ազգային խաղեր,
Թատերական կարճ ներկայացումներ / միայն ցանկություն հայտնած սովորողների համար/։

Կարդալ ավելին

пятница, 17 мая 2024 г.

Հինգ հասուն տանձեր․ թատերական նախագծի ամփոփում

Նախագիծը՝ այստեղ ,Հարավիրատոսմը և գովազդային անոնսը՝ այստեղ։
Մեր աշխատանքը գործ ունի բնության հետ, մարդկանց հույզերի հետ, և այն մի կախարդական աշխարհ է՝ անհասկանալի, տիեզերքի պես անվերծանելի: Մհեր Մկրտչյան
Միշտ ցանկացել եմ թատրոն բեմադրել իմ սովորողների հետ, քանի որ դա համարում չափազանց ստեղծագործական աշխատանք։ Աշխատանք, որտեղ միայն մեկ ուղղությամբ գործունեություն չենք իրականացնում, այլ բազմաձև։ Որքան էլ հաճելի թվա այս աշխատանքը, շատ բարդ և ժամանակատար գործ է։ Փորձեմ մի փոքր ներկայացնել աշխատանքի դժվարությունները՝

Առաջին խնդիրն այն է, որ բարդ է միջին դպրոցի դեռահասին համոզել, ոգևորել՝ բեմ բարձրանալ և ներկայանալ հանրության առջև։ Շատերի մոտ կա թերարժեքության բարդույթ, հանրության առջև ծիծաղելի լինելու, արտահայտվել չկարողանալու խնդիր, արտաքինից, սեփական ձայնից խուսափելու, անհանգստանալու հարց։ Այս խնդիրը լուծելու համար առաձին-առանձին խոսում եմ մասնակցել ցանկացողների հետ, ոգևորում և կարևորում իրենց աշխատանքը։ Իհարկե, հաճախ ուսուցչից ավելի լավ սովորողին ոգևորում է մեկ այլ սովորողը՝ընկերը։
Երբ արդեն խումբը հավաքված է, մասնակիցներն ընդգրկված են, դերերը՝ բաշխված, իսկ փորձերն էլ՝ սկսված, պատահում է, որ մասնակիցները հիասթափվում են, նորից արթնանում են վախերը, անհանգստությունները կամ անհրաժեշտ համառությունը չեն դրսևորում և ցանկություն է առաջանում կիսատ թողնել, հրաժարվել։ Այստեղ աշխատանքը սկսում ենք նորից՝ միահամուռ ուժերով, ցույց տալով և կարևորելով արդեն իսկ արվածը։
Այս աշխատանքում գերխնդիրը ժամանակն է, որը միշտ չի հերիքում։ Դժվար է սովորողներին հավաքել դասերից հետո (շատերը լրացուցիչ պարապմունքներ ունեն, մյուսները՝ տուն գնալու խնդիր)դասերի ընթացքում էլ հնարավոր չէ և այլն։ Մի խոսքով՝ փորձերն արել ենք երբ հասցրել ենք՝ ընդմիջումներին, դասերից հետո, ոմանց հետ աշխատել ենք անհատական։

Նախագծային աշխատանքը սկսել էինք երկու ամիս առաջ։

Թատերական նախագիծը չափազանց ընդգրկուն է և բազմաթիվ մանրուքներ է ներառում։ Առաջին ամսվա ընթացքում հասցրինք միայն սցենարի վրա աշխատել։

Ընտրել էինք Վ․ Սարոյանի հայտնի ստեղծագործությունը՝ ,, Հինգ հասուն տանձեր,, , որը պատմում է մի տղայի և ծառից պոկած հինգ տանձերի մասին։

Սցենարի մշակում

Ինչպե՞ս ենք ընտրում նյութ։ Սկզբում հետաքրքրված սովորողների հետ առաջարկներ ենք անում, այնուհետև առաջարկված ստեղծագործություններից ընտրում ենք այն ստեղծագործությունը, որը համապատասխանում է բեմադրության սկզբունքներին․ ա/ սյուժեն այնպես լինի, որ հնարավոր լինի բեմի վրա բեմադրել, բ/ հնարավոր լինի սյուժետային թեթև փոփոխություններ անել, նոր դերեր կամ կերպարներ ավելացնել, խաղալ, գ/ հնարավոր լինի դեկորացիաներ ստեղծել։ Սցենարի մշակման աշխատանքները սկսում ենք դերերի առանձնացումով և ընտրությամբ, յուրաքանչյուր սովորողի առաջարկում եմ ընտրել այն դերը, որը ցանկանում է խաղալ և տեքստից առաձնացնել իր դերին վերաբերող բառերը, հատվածները, մշակել, անհրաժեշտ փոփոխություններ և լրացումներ անել։ Այնուհետև, եթե դերերը քիչ են, ինչպես հաճախ պատահում է, մյուս մասնակիցներին առաջարկում եմ կարդալ ստեղծագործությունը և սյուժեին համապատասխան հորինել նոր կերպարներ, նոր կերպարների համար խոսքեր։ Սա շատ հետաքրքիր ստեղծագործական աշխատանք է, երբեմն սովորողներն ինձ ապշեցնում են իրենց առաջարկներով։ Այս դեպքում էլ, քանի որ պատմվածքը դպրոցական երեխաների մասին էր, մասնակիցները ստեղծեցին նոր դպրոցականներ՝ անուններով, դերերով և խոսքերով։ Այնուհետև մի օր բոլորվ հավաքվում ենք և առանձնացված դերերը միացնում մի սցենարում։

Այսպիսով, դերերը բաժանեցինք, որոշեցինք որոշ դերեր ստեղծել, որպեսզի մասնակիցները շատ լինեն, և ամենակարևորը՝ մասնակցելու ցանկություն հայտնած բոլոր սովորողները կարողանան խաղալ, դեր ունենան։

Ես ահավոր շատ սիրում եմ փորձը, քան թատրոնում խաղալը: Չտեսնված գեղեցիկ բան է փորձը, մանավանդ լավ փորձը, որն, ափսոս, հանդիսատեսը չի տեսնում: Մհեր Մկրտչյան

Փորձերը տևեցին շատ երկար, քանի որ կարիք կար ամբողջ ստեղծագործությունը մաս-մաս բեմադրել, փորձարկել, ընթացքում լրացումներ անել․ նաև ժամանակ էր անհրաժեշտ, որպեսզի մասնակիցները սովորեն իրենց բառերը; Թե ինչքան հետաքրքիր ու հավես պահեր եղան փորձերի ժամանակ, ինյչպես ոգևորվեցինք, վիճեցինք և աշխատեցինք, կմնա մեզ հետ։ Երբեմն ընթացքն ավելի հաճելի և յուրահատուկ է լինում, քան արդյունքը։

Կարդալ ավելին

четверг, 16 мая 2024 г.

Սպիտակ սուտ

Ես այնքան էլ չգիտեմ ստել: Բայց առանձնահատուկ նողկանք չեմ զգում ստի դեմ: Նույնիսկ, ասեմ՝ չզարմանաք (թեպետ շատ տարօրինակ է հնչում)՝ կարգին ստել չգիտեմ, իսկ անմեղ սուտը պաշտում եմ:

Մի ամսագիր պատվիրել էր ինձ գրախոսություն: Բայց իմ մասնագիտությունը գիրք գրելն է, ոչ գրախոսելը, և ես փորձում եմ հնարավորինս չդավաճանել իմ մասնագիտությանը: Հանգամանքներն այնպես դասավորվեցին, որ ես որոշեցի չհրաժարվել այդ կասկածելի առաջարկից: Քանի որ գրքեր գրախոսելը

բավականաչափ տաղտկալի է, ես որոշեցի գրախոսություն գրել (շատ մանրամասն) մտացածին մի գրքի մասին, մի մարդու կյանքի նկարագրության, որ երբեք գոյություն չի ունեցել:

Խոստովանում եմ՝ սարսափելի հմայված էի իմ գաղափարով: Նախ՝ թեպետ ուժերս պիտի

ծախսեմ ճշմարտանման պատմություն գրելու վրա, կխնայեմ ժամանակը, որ պիտի կորցնեմ

գիրքը կարդալու վրա: Բացի այդ՝ կխնայեմ նյարդերս, որովհետև ստիպված չեմ լինի զայրանալ «այդ հիմար հեղինակի վրա, որ գրողը գիտի՝ ինչ է մոգոնել»:

Երբ գրախոսությունը տպագրվեց, ես բարոյապես պատրաստ էի սպառնալիքներով

(«Դադարեք անամոթաբար ստել») և բողոքներով («Ամեն տեղ փնտրեցի, բայց ոչ մի տեղ չգտա այդ գիրքը») լեցուն նամակների փոթորկին: Բայց ինձ ոչ ոք չգրեց: Ոչ ոք: Ես, իհարկե,

պատրաստ էի ամեն ինչի, բայց թեթևացած շունչ քաշեցի: Չեի ասի, թե ամսագրերում

հրապարակվող գրախոսությունները ոչ ոք լուրջ չի ընդունում, բայց որոշ կասկածներ ունեմ:

Կան նաև հարցազրույցներ: Հիմա ես ջանում եմ բարեխիղճ պատասխանել հարցերին, բայց երբ երիտասարդ էի ու հանդուգն, երբեմն ինձ որոշ ազատություն էի թույլ տալիս: Օրինակ, երբ ինձ հարցնում էին, թե ի՞նչ գրքեր եմ կարդում, ես խորիմաստ ասում էի. «Վերջերս ես տարվել եմ Մեյձիի դարաշրջանի (1886-1912 թթ.) գրականությամբ: Հիմնականում կարդում եմ գրականության խոսակցական

ուղղության քիչ հայտնի հեղինակների գործեր: Համոզված եմ, որ Սյոգո Մուտագուտիի և

Գոխեյա Օսակիի գրքերը կարող են ներշնչել նաև ժամանակակից հեղինակներին»:

Հասկանալի է, որ Ճապոնիայում երբեք այդ անուններով գրողներ չեն եղել: Ինքս եմ հընթացս հորինել նրանց: Բայց դա ոչ ոք չգիտի: Այնպես որ, ցնորաբանության (ասել մտքիդ եկածը, հնարավորինս համոզիչ ու առանց տևական դադարների) գծով ես վարպետ եմ:

Համենայն դեպս՝ դժվարություններ երբեք չեմ ունեցել:

Կարդալ ավելին