Մանկավարժական ճամբարի երկրորդ օրը Միջին դպրոցում սկսեցինք պարտիզապուրակային աշխատանքով։ Մի խումբ զբաղված էր պարտեզի խնամքով՝ առանձնացնում էր թղթերը, տոպրակները, մնացած աղբը։ Քանի որ նախորդ օրերին արդեն տարածքը լավ մաքրվել էր, այսօր շատ թափթփված չէր։ Դադավանդողների մյուս խումբը ջրում էր այգին. այս աշխատանքը բոլորի սիրելի աշխատանքն է։
«Մուտք» _ի ճամբարը շարունակում է իր գործունեությունը, կրթահամալիրում սովորել ցանկացող երեխաները զարգացնում են իրենց բլոգային հմտությունները, մասնակցում դասավանդողների նախագծերին, այգու բարեկարգման աշխատանքներին։ Զուգահեռ չի դադարում ընդունելությունը, անընդհատ այցելություններ են, Միջին դպրոցում սովորել ցանկացող երեխաներ, հետաքրքրասեր ծնողներ:
Փոքր խմբերով շարունակվում է ծրագրաստեղծ գործունեությունը. դասավանդողները աշխատում եմ այս ուսումնական տարվա նախագծերի և ծրագրերի վրա։
Մաքրում և նոր ուսումնական տարվան ենք պատրաստում նաև կաբինետները, լաբորատորիաները։
Օրվա երկրորդ կեսին սեմինար էր նախագծային խմբերով։ Դասավանդողները նախապես ընտրել էին, թե որ նախագծային խմբում են ցանկանում լինել։ Ես ընդգրկված է Բլեյան բաց ցանց նախագծային խմբում, որտեղ քննարկեցինք նախորդ աշխատանքները, ինչպես և ինչ ձևաչափով հավաքվի արդեն արված աշխատանքը, ունեցած տվյալները, որպեսզի շարունակական լինի և հեշտ հետագա նախագծերի համար: Նելի Արղությանը ներկայացրեց նախակրթարանի մասով առաջիկայում նախատեսվող ցանցային գործունեության ուղղությունները: Արդյունավետ սեմինար էր:
Սեմինարից հետո շարունակվեցին անհատական աշխատաժամանակով նախատեսված աշխատանքները:
Ֆոտոշարքը՝ ստորև:
Սեմինարից հետո շարունակվեցին անհատական աշխատաժամանակով նախատեսված աշխատանքները:
Ֆոտոշարքը՝ ստորև:
Комментариев нет:
Отправить комментарий