суббота, 22 марта 2014 г.

Մայրենի լեզվի ծրագիր /4-րդ դասարան/

Մայրենի լեզվի ծրագիր /4-րդ դասարան/
Ժամաքանակը՝  շաբաթական  6 ժամ, տարեկան 216 ժամ:
Ուսուցումը կազմակերպվում է թվային միջոցների կիրառմամբ, ուսումնական նախագծերով:
Սովորողները դպրոց են գալիս անձնական նոթբուք-նեթբուքով:


4-րդ դասարանում մայրենի լեզվի ուսուցման խնդիրներն են
  1. Սովորողի գրավոր և բանավոր ճիշտ խոսքի, հստակ արտահայտման հմտությունների մշակում:
  2.  Ինքնարտահայտման կարողության պահպանում և զարգացում
  3. Ստեղծագործական, քննադատական, տրամաբանական, նկարագրական, վերլուծական մտածողության զարգացում:
  4. Իմացածը ամբողջացնելու, սովորածը կիրառելու հմտության զարգացում:
  5. Գրագիտության ուսուցում, անսխալ ու վարժ գրելու, կարդալու կարողությունների պահպանում, զարգացում:
  6. Բառապաշարի հասրտացում:
  7. Բառարաններից, հանրագիտարաններից, տեղեկատվական այլ աղբյուրներից օգտվելու  հմտության ձևավորում, զարգացում:
  8. Բառապաշարի հարստացում:



Առարկայի նպատակները
  • Հասկանալ և ըմբռնել գրավոր և բանավոր տեքստը:
  • Վերլուծել և կարծիք արտահայտել:
  • Ճիշտ և գեղեցիկ գրավոր և բանավոր խոսք կառուցել:
  • Զարգացնել վերլուծական-ստեղծագործական մտածողություն:
  • Ինտեգրված /համատեղ/ ուսումնասիրել գրականություն և մայրենի լեզու:


Ուսումնական միջավայր
  • Հարմարավետ դասարան, որտեղ կա համակարգիչ՝ համապատասխան ուսումնական ծրագրերով, էլեկտրոնային գրատախտակ, համացանց:
  • Թվային ֆոտոխցիկ և ձայնագրիչ:
  • Տեսական և գեղարվեստական գրականություն /նաև էլեկտրոնային տարբերակով/
  • Սովորողների անձնական բլոգները և սոցիալական ցանցերը:
  • Կայքը և ենթակայքերը:
  • ,,Տիգրան Հայրապետյան,, գրադարանի կայքը և այլ ուսումնական կայքեր:


Ուսումնական գործունեության ձևեր
  1. Ընթերցանություն:
  2. Խմբագրական աշխատանքներ:
  3. Համագործակցային /խմբային / աշխատանք
  4. Աշխատանք հանրագիտարանի և այլ ուսումնական գրականության հետ:
  5. Ֆիլմերի, գեղարվեստական գրքերի, կայքի նյութերի դիտում, ընթերցում, քննարկում:
  6. Կայքի համար նյութերի պատրաստում, բլոգի սպասարկում:
  7. Հարցազրույցներ տարբեր թեմաներով, ըստ նախագծերի:
  8. Թարգմանություններ:
  9. Ֆիլմերի պատրաստում:
  10. Բանավեճերի կազմակերպում:
  11. Որոնողական աշխատանք տարբեր թեմաներով:
  12. Առցանց դասեր և քննարկումներ:


4-րդ դասարանի սովորողը պետք է կարողանա
  1. Վարժ և հստակ կարդալ անծանոթ տեքստը, կարծիք արտահայտել տեքստի վերաբերյալ:
  2. Տեքստը համառոտել և ընդարձակել:
  3. Կարդալ տեքստը և վերարտադրել իրհերոսներիհեղինակի և այլ անձանց անունների:
  4. Սեփական կարծիքը հիմնավորել տեքստի համապատասխան հատվածներովմեկնաբանել և պատճառաբանել իր տեսակետը:
  5. Գնահատական տալ ստեղծագործության հերոսների գործողություններիննկարագրել և բնութագրել:
  6. Օգտվել տեղեկատվական աղբյուրներից /համացանցհանրագիտարանբառարանև լրացուցիչ նյութեր ստեղծել /ֆիլմերպրեզենտացիաներ և այլն/:
  7. Հարցազրույց վարելպատմելվերլուծելերկխոսություն գրել:
  8. Ինքնուրույն պատմություններ, հեքիաթներ, առակներ գրել:
  9. Կառուցել ճիշտ և գրագետ խոսք:
  10. Պատրաստել ֆիլմ, ռադիոլուր, տեղեկատվական այլ նյութ և անձնական էջից թողարկել ենթակայքում:
  11. Մասնակցել առցանց քննարկումներին, դասերին:
  12. Ծանոթ տեքստից դուրս գրել դարձվածքներ, առածներ և բացատրել, դրանք փոխարինել համանիշ արտահայտություններով:


Գրականություն
Մարգարիտ Հարությունյան , Ընթերցարան, 4-րդ դասարան, Երևան 1995:
Մարիետ Սիմոնյան , Հայոց լեզու 4, Երևան 1996:

Լրացուցիչ ընթերցանություն
Շարլ Պերո <<Կոշկավոր կատուն>> 
Գրիմ եղբայրներ  <<Մոխրոտը>>, այլ հեքիաթներ
Ջ. Ռոդարի <<Ջելսոմինոն Խաբեբաների աշխարհում>>,  <<Չիպոլինոյի արկածները>>:
Օսկար Ուայլդ , հեքիաթներ:
Ռ. Քիփլինգ, հեքիաթներ

Մեթոդական գրականություն
Ռոդարի <<Ստեղծագործական երևակայության զարգացում>>
<<Դպիր>> ամսագիր 


Առարկայի բովանդակությունը
Առցանց դասեր, քննարկումներ


Ընթերցանության նյութը ընտրում եմ հաշվի առնելով կրթահամալիրի ուսումնական տոնացույցը և սովորողների հետաքրքրությունները:
1.,,Վիկտոր Համբարձումյան,, նախագիծ
,,Իմ կտակը,, ստեղծագործության ընթերցում, քննարկում: Սովորողները Վ. Համբարձումյանի մասին պրեզենտացիաներ են պատրաստել:
2.  ,,Կոմիտաս,, նախագիծ
Կոմիտասի ստեղծագործությունների ընթերցում, քննարկում, ֆիլմերի պատրաստում:
Մենավոր
Ճանապարհ
Աշուն օր
3.  ,, Խնկոյան ,, նախագիծ
Խնկոյանի ստեղծագործությունների ընթերցում և քննարկում:
,,Ագռավն ու աղվեսը,,  ,,Տերտերն ու իր Բալդի ծառան,, ,,Գայլն ու գառը,,

4. ,,Սասնա ծռեր,, նախագիծ
Ընթերցել ենք ,,Սասունցի Դավիթ,, պոեմը /Թումանյանի մշակմամբ/, քննարկել ենք, անգիր հատվածներ ենք սովորել: Ի՞նչ է էպոսը, համացանցից փնտրել ենք  այլ էպոսներ, փորձել ենք հասկանալ, թե ինչ է էպոսը:

5. ,,Հովհաննես Թումանյան,, նախագիծ
Կարդացել ենք Թումանյանի ստեղծագործությունները, քննարկել, պատրաստել նյութեր:
,,Չախչախ թագավորը,, ,,Քեֆ անողին, քեֆ չի պակսիլ>>, <<Մոծակն ու մրջյունը>>, <<Ծղրիդը>>, <<Համերգ>>, <<Շունը>>: Անգիր են սովորել Թումանյանի բանաստեղծություններից:

6.Չարենցյան օրեր:
Կարդացել և քննարկել ենք Չարենցի բանաստեղծությունները, պատրաստել ենք ֆիլմեր:

Ըստ հաջորդականության, ընթերցարանից անցել ենք հետևյալ նյութերը
Ստեփան Զորյան <<Փիլոսը>>, <<Մահակը>>, <<Վախը>>,  <<Թռչնորսը>>, <<Չալանկը>>
Ավետիք Իսահակյան  <<Նուկիմ քաղաքի խելոքները>>,  <<Երջանիկ խրճիթը>>
Վախթանգ Անանյան   <<Գիտնականը>>,  <<Թուխիկը>>,  <<Ընտանի օձեր>>
Ա. Պուշկին  <<Ոսկի ձկնիկը>>
Է. Ռասպե <<Բարոն Մյունխհաուզենի զարմանալի արկածները>>
Վ. Սարոյան <<Առաջին օրը դպրոցում>>, <<Վիրավոր առյուծն ու կրիան>>, <<Ծիրանի ծառ>>
Մարկ Տվեն <<Թոմ Սոյերի արկածները>>
Ա. Բակունց  <<Բրուտի տղան>>
Գրիմ եղբայրներ <<Սագարած աղջիկը>>
Մայրենի լեզվի դասավանդումը կազմակերպել եմ թվային միջոցների լիարժեք օգտագործմամբ, սովորողները բոլոր հանձնարարությունները կատարում են նոթբուք-նեթբուքով: Սովորողի ուսումնական աշխատանքը կազմակերպվում է համացանցի, էլ. հասցեի, մեդիագրադարանի, իմ և սովորողների բլոգների, ենթակայքի  միջոցով: Կարևոր տեղ եմ հատկացնում ստեղծագործական մտքի զարգացմանը: Սովորողներին ամեն օր տնային հանձնարարություն է տրվում ինչ-որ բան հորինել՝ հեքիաթ, առակ, պատմություն, երկխոսություն, նամակ և այլն: Դասարանում կարդում ենք արված աշխատանքները և քննարկում: Կարևոր տեղ է զբաղեցնում նաև բառապաշարի հարստացումը, որի համար հաճախակի քննարկում ենք առած-ասացվածքներ /գրավոր, բանավոր/, կարդում և մեկնաբանում ենք դարձվածքներ: Սովորողները ազատ օգտվում են էլ. բառարաններից, և անծանոթ բառերը ինքնուրույն բացատրում են դրանց օգնությամբ:


 Տաթևիկ Աբրահամյան

Комментариев нет:

Отправить комментарий