Ստուգատես. թեմա 8

1. Կարդալ հոդվածը, քննարկել :

• Ստուգատեսի բովանդակություն՝ ըստ տարիքային խմբերի- Գևորգ Հակոբյան 

Հոդվածը վերաբերում էր Բնագիտատեխնիկական ամենամյա ստուգատեսի բովանդակությանը, ըստ տարիքային խմբերի ներկայացված են բովանդակային ուղղություններ: Ինձ հատակպես դուր եկավ աշխատանքի կոնկրետությունը՝ ով պետք է անի, ինչ պետք է անի, ինչպես պետք է ներկայացնի, ուսուցչի դերը որն է: 

Թվում է, թե բնագիտատեխնիական ստուգատեսը կարող է վերաբերել միայն հատուկ խմբերի, ուղղվածություն ունեցող դասարանների, բայց չէ, անգամ 2-4 տարեկան սանը կարող է մասնակցել, և բովանդակային ուղղությունները շատ էլ հետաքրքիր են, տեխնոլոգիական են : 

Բովանդակային ուղղություններից ուշադրությունս գրավեց ,,կյանքում որևէ գործիքի այլ կերպ օգտագործելու օրինակ,,  առաջադրանքը, կարծում եմ, շատ ստեղծագործական է, ռոդարիական ինչ-որ բան կա, հետաքրքիր կլիներ սովորողների տեսանյութերը նայել, ինչ-որ տեղ նաև մարդային հնարամտությունն է ցույց տալիս, հավես ,,լայֆխակեր,, ստեղծված կլինեն: 

Ամենակարևորը ստուգատեսի բովանդակային միջուկը կապված էր կայանքում կատարվող գործունեությունների հետ, կյանքից օտարված չէր: 

2. Գրավոր գրախոսել հոդվածներից մեկը. դիտարկումներ, առաջարկներ :

• Արտակարգ ստուգատեսի ամփոփում- Լիլիթ Սահակյան

Ընդհանուր ստուգատեսային ճամբարային գործունեության նկարագրումից զատ հոդվածում ներկայացված էր մեկ խմբի, դասարանի արված աշխատանքը: Արդեն բազմիցս խոսվել է , որ ճամբարային գործունեության մի մեծ և կարևոր բաղկացուցիչն մասն են կազմում ստուգատեսները՝ Բնագիտատեխնիական, Մարզական , Ազգարգրական, Դիջիթեք և այլն: Եվ այս ամենը դառնում է առօրյա աշխատանքի , գործունեության բաղկացուցիչ: 

Հոդվածից երևում էր, որ ճամբարային ջոկատը շատ լավ է աշխատել, մասնակցել է բոլոր ստուգատեսներին, հանդես է եկել նախաձեռնություններով, ճամփորդել է և այլն: Ուսումնական ճամբարային, ստուգատեսային գործունեության լավ փորձ էր նկարագրված: 

Ստուգատեսային հիմնական ուղղություններն էին՝

• Ռադիոթողարկումները- արվածը լուսաբանելու, հանրայնացնելու լավ ձև են:
• Բնագիտատեխնիական ստուգատես՝ Ծաղկանոց-լաբորատորիայում և Ագարակում- լավ հնարավորություն է կրթական պարտեզում քայլելու, կրթահամալիրի ուսումնական կենտրոնները, կրթահամալիրի հնարավորությունները ճանաչելու: 
• Մարզական ստուգատես՝ հեծանվավարություն, լող, մարմնամարզություն:
• Ուսումնական ճամփորդություններ
• Սովորող-սովորեցնող նախագծեր
• Վարպետության դասեր- ընտանիքի ընդգրկում
• Ազգագրական ստուգատես: 

Տպավորիչ ցանկ է, բոլոր նյութերի վրա դրված են հղումներ, հավելեմ նաև՝ գրագետ աշխատանք է արվել: Կեցցեք Լիլիթ Սահակյան և ընկերներ: 

3. Գրավոր գրախոսել նյութը. դիտարկումներ, առաջարկներ, համեմատություն կարդացած մշակումների բովանդակության հետ:

• Ստուգատեսի՝ որպես ուսումնական գործունեության կազմակերպման կարգ: 

Առաջարկում եմ ավելի կոնկրետացնել, թե ինչպես է տեղի ունենում ստուգատեսի ամփոփումը: 

Նշված էր մրցանակային ֆոնդի ձևավորման, մրցանակների մասին, սակայն սա պետք է ավելի մանրամասն ներկայացնել, ի վերջո մրցանակը տրվո՞ւմ է ստուգատեսի ավարտին : Այսպես, թե այնպես, հիմնական մրցանակը կամ խրախուսելու ձևը, ճամփորդություններն են, ուղղակի պետք է կոնկրետ լինի, որ դեպքում են տրվում, ում կողմից են տրվում և այլն: Ինքս կողմ եմ ճամփորդությամբ խրախուսելուն: 

Նախոր կարդացած նյութերից պարզ էր, որ աշխատակարգերը կազմվում են այնպես, որ ընդգրկում են կրթական բոլոր աստիճանների սովորողներին, և սա կարևոր ու մեծ ձեռքբերում է: 

Տեսանելի էր նաև ընտանիքիների ընդգրկումը, փաստացի դրան են ուղղված ընտանեկան ստուգատեսային նյութերը և վարպետության դասերը, որ վարում են տարբեր մասնագիտությունների տեր ծնողներ:

Կարգը վերաբերում էր ընդհանուր ստուգատեսներին, իսկ ստուգատեսները բազմաբովանդակ են, տարբեր ուղղվածության են, գուցե յուրաքանչյուր ստուգատեսի համար էլ պետք է առանձին փոքրիկ կարգ մշակվի՝ հաշվի առնելով կոնկրետ այդ ստուգատեսի առանձնահատկությունները: 

4. Կազմել ստուգատեսի նախագիծ, հրապարակել բլոգում, իրականացնել սովորողների հետ, արյդունքները գնահատել. հաջողություններ, թերություններ, զարգացում: 

,,Կարդում ենք,, ստուգատես 

Կարդում ենք Թումանյան

Կարդում ենք Տերյան

Կարդում ենք Չարենց

Հաջողություններ 

Ամեն անգամ նորովի ենք անդրադառնում հեղինակներին, ոչ միայն ընթերցում ենք, այլ ընթերցում ենք քայլելով,ճամփորդելով, թանգարաններ այցելելով, այգիներում, ընտանիքներն ընդգրկելով: Օգնում ենք հանրայնացնել, տարածել....:

Թումանյանի ծննդյան օրն Արուճում: 

Թերություններ 

Ստուգատեսն ամենամյա է, իսկ դա նշանակում է, որ սովորողը արագ ձանձրանում է, հոգնում է, պետք է անընդհատ նոր ձև մշակել, նոր մոտեցում ցուցաբերել: Ափսոս, որ նախագծի շրջանակներում քիչ եմ կազմակերպել քայլք-ընթերցումներ:

Զարգացում 

Ստուգատեսի զարգացումը տեսնում եմ տարածման մեջ, կրթական փոխանակումների իրականացման մեջ: 

Նախատեսում եմ հաջորդ տարի ստուգատեսին ուղղված ճամփորդությունները լինեն ավելի կոնկրետ: