Տաթև

пятница, 8 ноября 2024 г.

Ընթերցում ենք

Վիշապը ո´ղջ է, հաղթեց վիշապը։ Չինական առակ

Չինական մի նահանգում կար մի վիշապ: Մարդիկ յուրաքանչյուր ամիս նրան տուրք էին վճարում և զոհում ամենագեղեցիկ աղջկան: Այդ ժամանակ նահանգում կային նաև քաջ երիտասարդներ, որ գնում էին վիշապի պալատը և կռվում էին նրա դեմ, բայց ամեն անգամ մունետիկը դուրս էր գալիս պալատի պատշգամբ և հայտարարում՝ «Վիշապը ո´ղջ է, հաղթե´ց վիշապը»:

Օրերից մի օր հայտնվում է մի խիզախ երիտասարդ, որը գալիս է վիշապի պալատ՝ իր սիրելի աղջկա հետևից: Սպանելով վիշապին՝ նա գնում է փնտրելու իր հարսնացուին: Պալատի պատերի ողջ երկայնքով շարված են մեծաքանակ սնդուկներ՝ լցված ոսկով և թանկարժեք քարերով: Որքան ավելի է նա հիանում այդ ահռելի հարստությամբ, որն արդեն իրեն է պատկանում, այնքան աճում են նրա պոչը, ճանկերը ժանիքները, թեփուկները… Երիտասարդը ձեռքերը մտցնում է ոսկու սարերի մեջ և չի կարողանում զսպել իրեն: Այդ ժամանակ պատշգամբի դուռը բացվում է, իսկ ներքևում հավաքված է ժողովրդի բազմությունը:

Մունետիկը (ինչպես սովորաբար) հայտարարում է. «Վիշապը ո´ղջ է, հաղթեց վիշապը»: Երիտասարդը փորձում է համոզել, որ վիշապը սրից ընկած, հաղթված է: Մունետիկը նրան է տալիս հայելին և երիտասարդը նրա մեջ տեսնում է սոված ու կատաղի վիշապին:

Կարդալ ավելին

среда, 6 ноября 2024 г.

Շատ չհամարվի

Խոզը մորթեցին առանց միջնեկի։ Նա շաբաթ իրիկունը չեկավ, գիշերը չեկավ, չեկավ առավոտը — ստիպված խոզը մորթեցին։

Քանի դեռ ջուրը տաքանում էր, քանի դեռ խոզը խանձվում էր կրակին, մայրը հույս ուներ, թե վերջին պահին միջնեկը կհասցնի կգա։ Մեծ որդին, որ գյուղում էր ապրում և փոքրը, որ քաղաքից եկավ — մինչն այն պահը, երբ արդեն ուշ կլիներ մսացուն մշակելը, եղբորը սպասեցին։

Ուրեմն, խոզը մորթեցին, կրակին խանձեցին, տաք ու պաղ ջրով շփեցին-քերեցին, կարպետով ծածկեցին հինգ րոպե (մեկն առաջարկեց՝ տասը րոպե) և արին մնացած բաները։

Կարդալ ավելին

четверг, 31 октября 2024 г.

Հոկտեմբեր ամսվա հաշվետվություն

Ուսումնական նախագծեր՝

Ճամփորդական նախագծեր՝

Աշնանային Տավուշ․ եռօրյա ճամփորդություն

Ամսագիր՝

Պատուհան- 30 հրապարակում

Այլ՝

понедельник, 21 октября 2024 г.

Ուսումնական աշուն․ արձակուրդային նախագիծ

Ժամանակահատված՝ հոկտեմբերի 21- 27

7 և 8 -րդ դասարաններ

Ընթերցանություն

1. Ընտրել որևէ գիրք, ընթերցել։

2. Ներկայացնել գրքի վերլուծություն՝ պատումի կամ տեսանյութի տեսքով։

3. Վերլուծությունը պետք է ներառի՝

ինչի՞մասին էր ստեղծագործությունը, ընդհանուր, մեկ- երկու նախադասություն,
ո՞րն է ստեղծագործության գաղափարը, ասելիքը,
ստեղծագործության հերոսներ, ովքե՞ր են, բնութագրի՛ր՝ ներկայացնելով նրանց դրական և բացասական կողմերը, դերը ստեղծագործությունում, քո վերաբերմունքը,
առանձնացրո'ւ և ներկայացրո՛ւ հետաքրքիր հատվածներ, կարևոր մտքեր՝ քո մեկնաբանությամբ,
ի՞նչ կարծիք ունես ստեղծագործության վերաբերյալ, քեզ դո՞ւր եկավ, ինչո՞ւ, ի՞նչ տվեց քեզ ստեղծագործությունը

Կարդալ ավելին

Անհատական աշխատաժամանակ․ 21-22.10.2024

21.10.2024, երկուշաբթի

09:00-10:00` մանկավարժական հավաք․ Արևիկ Ներսիսյանի կաբինետ,

10:00-10:30` բակային աշխատանք,

10:30-12:00` անհատական աշխատանք՝ աշխատաժամանակի կազմում, ,,Ուսումնական աշուն,, նախագծի պատրաստում, ուղարկում սովորողներին, էլ․ փոստի նամակների ստուգում,

12:00-12:30` ընդմիջում,

12:30-13:00` կաբինետի մաքրություն,

13:00-14:00` մասնախմբի ծրագրով նախատեսված աշխատանքային կետերի ուսումնասիրություն, պատրաստում, լրացում,

14:00-16:00` մարզական ժամ

22.10.2024, երեքշաբթի

09:00-10:00` մանկավարժական հավաք․ Արևիկ Ներսիսյանի կաբինետ,

10:00-10:30` բակային աշխատանք,

10:30-12:00` անհատական աշխատանք՝ հոկտեմբեր ամսվա նախագծերի ամփոփումների պատրաստում,

12:00-12:30` ընդմիջում,

13:00-14:00` մասնախմբով հավաք ըստ հրապարակված ծրագրի,

14:00-16:00` մարզական ժամ

среда, 16 октября 2024 г.

Բարձունքի հաղթահարում․ Մայրավանք

Մայրավանք - հաշվետվություն

Մայրավանք- նախագիծ

Մայրավանք- ուղեցույց

вторник, 15 октября 2024 г.

Աշնանային ընթերցումներ

Կարդում են 7-8-րդ դասարանների սովորողները՝

понедельник, 14 октября 2024 г.

Աշնանային Տավուշ․ եռօրյա ճամփորդության հաշվետվություն

Հոկտեմբերի 11-13-ին եռօրյա ճամփորդությամբ եղանք Տավուշի մարզում։ Մեր առջև նպատակ էինք դրել ուսումնասիրել Տավուշի գեղատեսիլ վայրերը, ճանաչել Հայաստանի Տավուշ աշխարհն իր առանձնահատկություններով, տարբերվող բնությամ, վայելել տավուշյան պարզ և արևոտ աշունը։

Ճիշտ ժամանակին հավաքվելուց և Սուրբ Երրորդություն եկեղեցում առավոտյան ժամերգությանը մասնակցելուց հետո մեկնարկեցինք մեր ուսումնական-հայրենագիտական ճամփորդությունը։

Առաջին հայրենագիտական կանգառը Գեղարքունիքի մարզում էր․ կանգնեցինք այն հատվածում, որտեղ երևում է, թե ինչպես է Սևանա Լճից սկիզբ առնում միակ գետը՝ Հրազդանը։ Խոսեցինք ժամանակին կրթահամալիրում իրականացվող ,,Գետը համայնքում,, նախագծի շուրջ, սովորողներից Էդվինը ներկայացրեց Հրազդան գետի ուղղությունը, երկարությունը և այլ հետաքրքիր մանրամասներ։

Ճամփորդությունները նաև կրթական այլ ծրագրերին ծանոթանալու և հեղինակային կրթական ծրագիրըտարածելու միջոց են։Այս անգամ հյուրընկալվեցինք Դիլիջանի Մոնթե Մելքոնյանի անվան զինվորական վարժարանում։ Հանդիպումը շատ ջերմ էր․ մեզ արդեն ճանաչում էին։ Շրջեցինք վարժարանի տարածքում և ծանոթացանք ուսուցման առանձնահատկություններին։ Այնուհետև, սովորողների երկուստեք ցանկությամբ և խնդրանքով, մարզական ընկերական հանդիպում ունեցանք , որն անցավ շատ ջերմ և անմիջական մթնոլորտում։

Տավուշ աշխարհի ամենահայտնի կրթական-վանական կենտրոնը՝ Գոշավանքը, այցելեցինք հաջորդիվ։ Թեև եղանակը անձրևոտ էր, բայց քայլեցինք տարածքում՝ այցելելով նաև Գոշի դամբարան, որտեղ հասնելու համար բարձրացանք մոտակա բլուրը։ Գոշավանքում դիտարկեցինք՝ ասեղնագործ խաչքարերը, գրատուն-զանգակաատան կառուցվածքը և ճարտարապետական առանձնահատկությունները, վանական համալիրի առանձնահատկությունները, խոսեցինք Մխիթար Գոշի մասին՝ դերը գրականության մեջ և իր ժամանակաշրջանի հասարակական-քաղաքական կյանքում։

Օրն ավարտեցինք Իջևան քաղաքում, որտեղ պետք է գիշերեինք։ Իջևանը Հայաստանի հետաքրքիր և խաղաղ քաղաքներից է։ Երերոկյան երկար ժամանակ խաղեր խաղացինք քաղաքային այգում, որը շատ բարեկարգ էր՝ հարմար մարզվելու, զբոսնելու և խաղալու համար։ Թեև մութն ընկել էր, բայց այգիներ բազմաթիվ մարդիկ կային, ովքեր մոտենում և հետաքրքրվում էին կրթահամալիրով, հանդիպեցինք նաև նախկին սովորողների։

Երկրորդ օրը սկսեցինք Տավուշի մյուս երկու վանական համալիրներ այցելությամբ։ Առաջին կանգառը Լուսահովիտ գյուղն էր, որի ծայրամասում՝ ձորի պռնկին գտնվում է Ձորո-մորոն կամ Ծռվիզի վանքը։ Լուսահովիտ գյուղը նախկինում կոչվել է Ծռվիզ։ Դեպի վանք տանող ճանապարհն անցանք գյուղով քայլքով՝ ընթացիկ վայելելով գյուղական խաղաղ պատկերները, վերադարձին ևս քայլեցինք , սակայն այս անգամ գյուղի այլ հատվածով։ Ստացվեց , որ ուսումնասիրեցինք գյուղը երկու ուղղությամբ։ Քանի որ Տավուշում ոսկե աշուն էր, հյուրասիրվեցինք նաև բնության բարիքներով՝ խնձոր, տանձ, թուզ, արքայախնձոր․․․․։

Ծռվիզի վանքը գտնվում է առանձնացված, խաղաղ և բաց կանաչ հովտում և հարմար է նստելու, հանգստանալու և անշտապ վայելելու համար։

Այցելեցինք Մակարավանք, որը առաջին հերթին զարմացնում է իր չափսերով և հարթաքանդակներով։

Սովորողների հաշվետու պատումները՝

четверг, 3 октября 2024 г.

Կոմիտասյան ընթերցումներ

Կոմիտաս են ընթերցում 7-8-րդ դասարանի սովորողները՝

вторник, 1 октября 2024 г.

Աշնանային Տավուշ․ եռօրյա հայրենագիտական ճամփորդություն

Ժամանակահատված՝ հոկտեմբերի 11-13

Մասնակիցներ՝ Միջին դպրոցի տարատարիք սովորողներ,

Ճամփորդության ղեկավարներ՝ Տաթև Աբրահամյան, Նաիրա Հարությունյան,

Ճամփորդության երթուղին՝

Մեկնում՝ Երևան-Սևան- Դիլիջան-Իջևան, Վերադարձ՝ Իջևան-Հաղարծին-Սևան-Երևան։

Գիշերակացը՝ Մոշ հյուրատանը։

Տրանսպորտ՝ Sprinter :

Կարդալ ավելին

Սեպտեմբեր ամսվա հաշվետվություն

Ուսումնական նախագծեր

Նախագծերի մեկնարկ,
Կարդում ենք Սարոյան
Պատուհան ․ ամսագիր

Ուսումնական ճամփորդություններ

Այլ աշխատանք

Հետազոտական աշխատանքներ
Մայրենի լեզվի ֆլեշմոբի առաջադրանքների կազմում
Առավոտյան ընդհանուր պարապմունքի ծրագրի կազմում
Աշխատանք ,,Դպիր,, ամսագրում․ հոդվածների խմբագրում ։

понедельник, 30 сентября 2024 г.

Հոկտեմբերյան հավաքի նախագծեր

Ժամանակահատված՝ հոկտեմբերի 1-31

Ուսումնական նախագծեր՝

Գրաբարյան օրեր, Թարգմանչաց տոն,
Կոմիտասյան օրեր,
Ուսումնական աշուն ։

Շուրջտարյա նախագծեր՝

Արևմտահայերեն ընթերցումներ,
Պատուհան-ամսագրային աշխատանք,
Զրույց TV,
Թատերական նախագծի փորձեր,
Սովորողների առաջարկած անհատական նախագծերը,

Ճամփորդական նախագծեր՝

Կարդալ ավելին

четверг, 19 сентября 2024 г.

Անհատական աշխատաժամանակ․ Առաջին և Երրորդ ուսումնական շրջաններ

Առաջին և Երրորդ ուսումնական շրջանների անհատական նախագիծը կարող եք տեսնել այստեղ։

вторник, 17 сентября 2024 г.

Եռօրյա հայրենագիտական ճամփորդություն դեպի Արատես․ հաշվետվություն

Գնում ենք Արատես։ Երկար սպասված օր և նախորդող տարատեսակ նախապատրաստական աշխատանքներ։ Ինչպես միշտ, օրը սկսեցինք Սուրբ Երրորդություն եկեղեցուց՝ Ուսումնական ժամերգությամբ։ Սովորողների մեծ մասը նորաթուխ վեցերորդ դասարանցիներ են, իսկ դա փաստում է, որ արկածներ ու ծիծաղելի իրավիճակներ լինելու են։

Մեր առաջին կանգառը Արենիի Թռչունների քարանձավն է։ Այստեղ վերջին տարիներին պեղումներ են կատարել և հայտնաբերվել է նախամարդու կենցաղի հետքեր։ Նաև քարանձավը , որպես երևույթ, հետաքրքիր է սովորողներին։ Թեք ու քարե աստիճաններով բարձրացանք վերև, դիտարկեցինք հայտնաբերված գինու հնձանը, որը համարվում է ամենահինն աշխարհում։ Նախապես ուսումնասիրել էինք պատմությունը, իսկ այժմ դիտարկեցինք և ներկայացարինք մեր իմացածը։

Արդեն Արատեսում ենք; Մեր գործունեությունը՝

Տարածքի և միջավայրի մաքրություն,
Սննդի կազմակերպում՝ որպես ինքնասպասարկում․ ամբողջ գործընթացին մասնակցել են սովորողները,
Բերքահավաք․ լիքը խնձոր հավաքեցինք,
բարձունքի հաղթահարում՝ Արատեսի հյուսիսային բարձունքը,
էլի ինչ ավելացնեմ․ լիքը խաղեր՝ մարզական, ինտելեկտուալ, խարույկ, երգեր։

Հավես է չէ։ Հիմա մի փոքր ավելի մանրամասն։ Արատեսի դպրական կենտրոնի տարածքում կան բազմաթիվ մրգատու ծառեր, ինչի արդյունքում մեծ թվով բերք է լինում աշնանը, որն անհրաժեշտ է հավաքել և մշակել։ Մեր հավաքած միրգ պետք է օգտագործվեր մրգօղու պատրաստման գործընթացում։

Ճամփորդության երրորդ օրը մեկնեցինք Հորս գյուղ, որտեղ գտնվում է Չեսարի դարպասներ աշխարհիկ կառույցը, այն եղել է իշխանական տոհմի պալատը։

Եռօրյա ճամբարը հաջողված էր և հետաքրքիր, մասնակցում էին հիմնականում վեցերորդ դասարանցիներ, ովքեր նոր էին Միջին դպրոցում, և ճամաբարը տարբեր դասարանների սովորողներին հնարավորություն տվեց ծանոթանալու և մտերմանալու։

Սովորողների տպավորությունները՝

Լուսանկարներ՝

воскресенье, 15 сентября 2024 г.

Հետազոտական աշխատանքներ ․ 2024-2025 ուստարի

Հետազոտական աշխատանքի թեմաներ՝

Թագավորի փոքր տղայի կերպարը հեքիաթներում։ Բոլոր հեքիաթներում թագավորի գահը ժառանգում է ոչ թե ավագ, այլ կրտսեր տղան, ով ամենախելացին է, ճարպիկը, ուժեղը, հաղթահարում է մի շարք փորձություններ և գրեթե միշտ անտեսված է։ Աշախատանքը նախատեսում է հայ և այլ ժողովուրդների հեքիաթներում այս ընդհանրության ուսումնասիրում։
Դեռահասների համար հրատարակվող նորաձև , ժամանակակից գրքեր․ դրանց տարածման պատճառները։ Ժամանակակից կյանքում մեծ տարածում են ձեռք բերել հատուկ դեռահասների համար գրվող սիրավեպերը։ Աշխատանքը նախատեսում է այս ուղղության ուսումնասիրություն, այդ թվում՝ հայտնի հեղինակներից մի քանի գրքի ընթերցում, արդյոք նման գրքերը զարգացնում են գրական ճաշակ, ի՞նչն է նպաստում դրանց լայն տարածմանը և այլն։
Բարին և չարը գրականության մեջ։ Գրականությունը կյանքի արտացոլումն է, երբեմն այլաբանորեն, երբեմն՝ շատ ուղիղ։ Աշխատանքը նախատեսում է գրական տարբեր ժանրերում, ստեղծագործություններում բարու և չարի արտացոլման/ ներկայացման առանձնահատկությունների ուսումնասիրություն և ներկայացում։

Կարդալ ավելին

вторник, 10 сентября 2024 г.

Առավոտյան ընդհանուր պարապմունք․ ծրագիր

Սեպտեմբերի 11, չորեքշաբթի

Վարում են՝ Վիկտորիյա Զարգարյանը, Մարինա Զաքարյանը

1. Օրվա մասին՝ հայտարարություններ ։

Սեպտեմբերի 11-ը հռչակվել է հայրենասիրության օր։

Իմ հայրենիքը`տիեզերքն է ,մարդկային ողջ ցեղը`իմ եղբայրները,բարիք գործելը `իմ հավատամքը: Թոմաս Փեյն

2. Միասնայան երգ՝ Մարալո,

Կարդալ ավելին

понедельник, 9 сентября 2024 г.

Դեպի Ծաղկեվանք

Նոր ուսումնական տարին սկսեցինք ճամփորդությամբ։ Այս անգամ ընտրել էինք Ծաղկեվանքը, որը գտնվում է Արա լեռան լանջին՝ Կոտայքի մարզի կողմից։ Սովորողների հետ նախապես ուսումնասիրեցինք Արա լեռը և Ծաղկեվանքը, գտանք Ծաղկեվանքի մասին պատմող լեգենդները։

Քայլքը սկսեցինք ասֆալտապատ ճանապարհի ավարտից,որտեղ սկսվում էր հողային և քարքարոտ ճանապարհը։ Քայլեցինք 30-40 րոպե , մոտ 2-3 կմ։ Ճանապարհը քարքարոտ էր, ամեն քայլափոխի բացվում էին հետաքրքիր ժայռեղեն պատկերներ, դիտակետում Արա լեռն էր։ Հաճելի եղանակը հնարավորություն տվեց վայելելու ճանապարհը։ Ընթացքը բարդ չէ, հարմար է նաև կրտսեր դպրոցականների համար։

Վերջապես հասանք Ծաղկեվանք, որը ժայռի մեջ փորված սրբատեղի է, հետագայում նորոգվել է քարե պատով։ Տարածքը մաքուր էր և կոկիկ։ Վանքի ներսում ժայռից բխող բնական փոքրիկ աղբյուր է, որից միայն կաթիլներ են հոսում։ Ժողովուրդը համարում է, որ հոսող ջուրը բուժում է աչքերը և լավացնում տեսողությունը։ Ծաղկեվանքը համարվում է քրիստոնեական սուրբ Վարվառայի մահարձանը։

Ճամփորդության մասին պատմում են մասնակիցները՝

Լուսանկարներ՝