Ձմեռային ճամփորդությունների հաճելի վայրերից մեկն էլ Լեռնանիստ գյուղն է: Երևանից գտնվում է մեկ ժամվա հեռավորության վրա՝ դեպի հյուսիս: Ձյուն , ինչքան ուզես, լայն տարածություն, մոտակայքում տաք վառարան՝ տաքանալու համար, բարեհամբույր վերաբերմունք աշխատակիցների կողմից, օղակե սահնակներ:
Մինչ խմբի մի մասը տաքանում էր վառարանի մոտ, մյուս մասը՝ ձյան միջից դուրս չէր գալիս, վայելք էր: Այնուհետև բոլորով քայլեցինք սահելու համար առանձնացված հատված. մոտ երկու ժամ տևեց սահքը՝ զվարճանքներով լի, ձմեռան հմայքով և գրավչությամբ:
Հաճելին ճամբարականների ուրախ դեմքերն էին: Պետք է ասեմ, որ ընթացիկ ձեռք ենք բերվում կարևոր հմտություններ.
- Ինչպես ճիշտ սահել, ինչպես պահել մարմինը, ինչպես կարողանալ կառավարել սահող օղակը,
- Ճոպանով բարձրանալու ընթացքում ո՞ր դիրքով նստել, ինչ անել, եթե պարանը ձգվում է, ինչպես իջնել օղակե սահնակից,
- Անվտանգության կանոններ սահելու ժամանակ,
- Նաև շատ կարևոր է հասկանալ, թե նման ճամփորդությունների ընթացքում ինչպես հագուստ և կոշիկներ ունենալ՝ ցրտահարությունից խուսափելու համար:
Ինչևէ, ճամփորդությունն անցավ հրաշալի, սահքից հետո ձնագնդի խաղացինք, հետաքրքիր լուսանկարներ արեցինք, ուսումնասիրեցինք բացվող տեսարանը՝ Մենակասար լեռով:
Комментариев нет:
Отправить комментарий