Ազգագրության ստուգատես . թանապուրի պատրաստություն

Խոհանոցային գործունեությունը սովորողների սիրելի աշխատանքային ձևն է: Եվ պետք է ասեմ, որ ինքս էլ ոսկե ձեռքեր ունեցող խոհարար չլինելով հանդերձ հետաքրքիր բացահայտումներ եմ անում:  Քանի որ այս ամիս նաև ազգագրության ստուգատեսն է, որոշեցինք պատրաստել սպաս կամ թանապուր: Նախ հետաքրքիր ուտեստ է, հետո՝ հեշտ բաղադրիչներ ունի, մատչելի է : Իհարկե, կա նաև դժվարություն, եթե անգամ մի փոքր սխալվես հաշվարկներում, ժամանակին բաղադրիչները չխառնես , ամբողջությամբ կփչանա, չի ստացվի : 

Նախ սովորողների հետ համացանից գտանք բաղադրատոմսեր, ուսումնասիրեցինք: Հետո սովորողները տատիկներից, մայրիկներից հարցումներ արեցին, լրացրեցին համացանցից գտածը: 

Այնուհետև միասին կազմեցինք գնումների ցուցակը, մի խումբը գնաց խանութ գնումներն անելու, մյուսները մնացին, որպեսզի անհրաժեշտ կաթսաներն ու թասերը  պատրաստեն: 

Ի վերջո սկսեցինք պատրաստումը՝ ըստ նշված բաղադրատոմսերի: 

Բաղադրատոմսեր. 

• Լինա Մկրտչյանի ներկայացրած բաղադրատոմսը 
• Ինեսա Պողոսյանի ներկայացրած բաղադրատոմսը
• Հայկ Աղլամազյանի ներկայացրած բաղադրատոմսը

Ընթացքը հավես էր, հետաքրքիր, որևէ մեկին չնեղացնելու համար՝ ընտրեցինք ամբողջական բաղադրատոմս, հարգեցինք բոլորի ցանկությունները: 

Կատակելով, զրուցելով աշխատեցինք, հերթով խառնեցին բոլորը: 

Համտեսեցինք, նաև հյուրասիրեցինք: Արձագանքները դրական էին, բոլորը գոհ էին և փաստեցին, որ համեղ է ստացվել: 

Ընթացքը դիտեք տեսանյութում. 

Տեսանյութը՝ Հայկ Աղլամազյանի 

Լուսաբանում է Հայկ Աղլամազյանը: 

Լուսանկարներ .