Ամենամյա աշնանային հավաք. նախագծեր

Հոկտեմբերի 4-8

Ուսումնական նախագծեր

• Ուսուցչի տոն
• Կոմիտասյան օրեր
• Գրաբարյան օրեր

Այլ նախաձեռնություններ 

Հոկտեմբերի 4

• Նախագծերով ուսուցում. սովորողների անհատական նախագծերի քննարկում, նոր նախագծերի մեկնարկ

Հոկտեմբերի 5 

Սեպտեմբեր ամսվա հաշվետվություն

Իրականացրած նախագծեր և հաշվետվություններ 

• Անկախության տոնը Թեժայռուքի բարձունքին
• Վերապատրաստում

Նախագիծ. թեմա երրորդ

1. Կազմել մեկ նախագիծ՝ իր բոլոր փուլերով, հրապարակել բլոգում, սովորողների հետ իրականացնել այն: 

Նախագիծ ՝ Ժամանակակից մանկական գրականություն : 

2. Գնահատել նախագիծը՝ իրականացնելուց հետո, բլոգում ներկայացնել արդյունքները. անդրադարձ՝ նախագծի դրական, հաջողված կողմները, թերությունները, բացթողումները: 

Նախագծի արդյունքները հավաքված են այստեղ: 

Նախագծի նպատակն էր ծանոթանալ անընդհատ զարգացող ժամանակակից գրականությանը, այն գրականությանը, որը կհետաքրքրեր 6-7-րդ դասարանի սովորողներին: 

Նախագիծը համարում եմ հաջողված, քանի որ ուսումնասիրությունների ընթացքում բացահայտեցինք մեզ համար անծանոթ բազմաթիվ հեղինակների, բազմաթիվ ստեղծագործություններ: Ժամանակակից գրականությունը կանգնած չի մնում, ամեն օր ամբողջ աշխարհում ստեղվծում են , հրապարակվում են նոր գրքեր, դառնում բեսթսելլերներ: Դրանցից շատերը չկան հայերեն լեզվով, սա հնարավորություն էր նաև համացանցում  հայալեզու նյութեր ավելացնելու:

Սովորողները նույնպես հաճույքով են աշխատել, ամեն օր քննարկել ենք, ուսումնասիրել, հետազոտել, աշխատանքները արվել են և՛ տանը, և դպրոցում: 

Ընդհանուր մանկավարժություն. երկրորդ առաջադրանք

1. Մեդիագրադարանից առանձնացնել հաջողված և ամբողջական մի նախագիծ, հրապարակել բլոգում, գրավոր հիմնավորել ընտրությունը: 

Առանձնացրել եմ 8-12-րդ դասարանների համար նախատեսված ընթերցանության նյութերի փաթեթ գրականությունից (Հեղինակ՝ Մարիետ Սիմոնյան): 

Կարդացի և ուսումնասիրեցի գրադարանում առկա բոլոր ուսումնական փաթեթները: Հետաքրքիր փաթեթներ շատ կային, բայց առանձնացրի հենց այս փաթեթը, քանի որ կապված էր իմ մասնագիտության հետ: Այստեղ առանձնացված են ոչ ստանդարտ ստեղծագործություններ, տարբերվող հեղինակներ, ստեղծագործությունները ծավալով մեծ չեն, յուրաքանչյուրի հետ կա նաև առաջադրանքների փաթեթ, որը օգնում է ավելի լավ հասկանալ ստեղծագործության գաղափարը, ասելիքը: Կարծում եմ՝ առանձնացված ստեղծագործությունները ժամանակակից սովորողի համար իսկապես գրավիչ են: 

Փաթեթը շատ հարմար է և՛ անհատական ընթերցման համար, և՛՝ դասարանում անցնելու: 

Ուսումնական նյութ. երրորդ թեմա

1. Կարդալ նյութերը, ընտրել մեկը, գրախոսել: 

• Ուսումնական նյութ - Յուրա Գանջալյան

Միստր Յուրայի հոդվածները միշտ էլ առանձնանում են թարմ հայացքով, իսկ այլոց փորձի ուսումնասիրության ներկայացումը օգնում է ծանոթանալ համաշխարհային մանկավարժությանը, մեթոդներին, նորարությանը, այլ մոտեցումների:  Այս շարքի բոլոր հոդվածները սիրով եմ կարդում: 

Այո, համացանցում հայերեն լեզվով ուսումնական հետարքիր նյութեր գրեթե չկան, մնում է ինքնուրույն ստեղծել, և տարիների ընթացքում կրթահամալիրում ստեղծվել են բազմաթիվ ուսումնական նյութեր, առաջադրանքների փաթեթներ, ընթերցարաններ: Հեղինակային կրթական ծրագրի բաց լինելը ստեղծված բոլոր ուսումնական նյութերը հասանելի է դարձնում հանրությանը. կարո՞ղ է սրանից լավ բան լինել: Հայալեզու համացանցը ինքնաբերաբար հարստանում է: 

Գրավիչ էր ,,Թեմայի ուրվագիծը,, հատվածը. երեք կետից բաղցած մեթոդ՝ արդյունավետ դաս անցկացնելու համար: Երեք կետի հետ էլ համաձայն էի, սովորողը պետք է իմանա , թե ինչ հմտություն է ձեռք բերում տվյալ դասը սովորելիս, ինչ ժամանակահատվածում է անելու, ինչպես է գնահատվելու ( պարտադիր չէ նիշային գնահատում լինի, կարող է ուղղակի արդյունքների ներկայացման ձև լինել): Շատ նման է կրթահամալիրում իրականացվող նախագծային ուսուցման կարճ տարբերակին: 

Հոդվածում բերված ուսումնական կայքերն ուսումնասիրեցի, հետաքրքիր շտեմարաններ են: 

Անդրադառնամ  վեբ-ֆորումներին: Բազմիցս օտալեզու նյութեր կամ որևէ տեղեկատվություն փնտրելիս գուգլի համակարգը բերում է ֆորումային քննարկումներ, հաճախ մասնակցել եմ, կարծիքներ եմ գրել ընթերցանությանը, գրքերին վերաբերող ռուսալեզու ֆորումներում, սակայն հայկական իրականության մեջ գրեթե  չկան: Սա և՛ նշանակում է, որ կարելի է նախաձեռնել, և՛ ցավալի բացթողում է: 

,,Մայրենի լեզվի դասեր,, ֆորումը ֆեյսբուքում շատ հայտնի է, քանի որ նաև իմ մասնագիտությանն է վերաբում,  հետևում եմ, երբեմն՝ մասնակցում:

Տեխնոլոգիական զարգացումները, համացանցը թույլ են տալիս հասանելի և հայտնի դարձնել կամ դառնալ, ինչը նշանակում է, որ ժամանակից  չի կարող ետ մնալ մանկավարժությունը : Եթե արվածը նախկինում հանրային դարձնել հնարավոր չէր կամ դժվար էր, այժմ ցանկացած ուսուցիչ կարող է իր մեթոդները, փորձը փոխանցել տարբեր հավելվածների, սոցիալական կայքերի միջոցով: Կարծում եմ՝ սա շատ կարևոր միտք է: 

Իսկ հոդվածի ավարտին ներկայացված էին նաև կրթահամալիրում ստեղծված ուսումնական նյութեր. սա հերթական անգամ ցույց է տալիս, որ կրթահամալիրը քայլում է ժամանակին համընթաց և ստեղծում անբեկանելի հանրային արդյունք, որը կարող է և՛ մրցունակ լինել, և՛ օգտակար լինել մեզ հայտնի օտար երկրների մանկավարժներին : 

2. Բլոգում ներկայացրե՛ք Ձեր կազմած ուսումնական նյութերից որևէ մեկի փորձարկման արդյունքները (առավելությունը, թերությունը, բացթողումը, զարգացումը): 

Ընթերցարան 

Առավելությունը . տարբեր պատմվածքներ, ստեղծագործություններ են հավաքված, յուրաքանչյուրին համապատասխան առաջադրանքներ են, կենդանի ընթերցարան, որը ինքս օգտագործում եմ դասերի ընթացքում, հաճախ խորհուրդ եմ տալիս նաև գործընկերներիս: 

Թերությունը, բացթողումը. ստեղծագործությունները ըստ հեղինակների և ըստ թեմաների համակարգված չեն: Միշտ էլ կարելի է վերանայել առաջադրանքների փաթեթը, զգում եմ ՝ տարեցտարի որքան է փոխվում իմ աշխարհայացքն այդ ուղղությամբ: 

Զարգացումը. ավելացնել ստեղծագործությունները, բաժանել ըստ տարիքային խմբերի, ըստ հեղինակների, աշխատել առաջադրանքների փաթեթների վրա, հանրային դարձնել: 

Անկախության տոնը Թեժառույքի բարձունքին

Տարիների սովորության համաձայն Անկախության տոնը նշում ենք Հայստանի որևէ բարձունքում: Տարիների ընթացքում քանի՜ բարձունք ենք հաղթահարել՝ ամեն անգամ փորձելով նոր տեղեր բացահայտել: Եվ այս նախագիծը հայրենիքը ճանաչելու հերթական հնարավորություններից մեկն է: 

Այս տարի ընտրեցինք Մեղրաձոր գյուղը, Թեժառույքի վանական համալիրի բարձունքը: Չնայած նրան, որ տարիներ առաջ կրթահամալիրը Մեղրաձորում ամառային վրանային ճամբար էր կազմակերպել, վերջին տարիներին այս ուղղությամբ չէինք արշավել: 

Սեպտեմբերի 21-ին Սուրբ Երրորդության բակը մարդաշատ էր, տարբեր ուղղություններով բարձունքներ հաղթահարելու շտապող տարատարիք սեբաստացիներ: 

Դեպի Թեժայռուքի . բարձունքի հաղթահարում

Նախագծի իրականացման օրը՝ սեպտեմբերի 21

Մասնակիցներ՝ Միջին դպրոցի տարատարիք սովորողներ

Ճամփորդության ղեկավարներ՝ Ստելլա Մնացականյան, Տաթև Աբրահամյան

Ճամփորդության ուղղությունը՝ Երևան-Հրազդան- Թեժայռուքի վանք-Երևան

Մեկնում՝ 09:00, Սուրբ Երրորդություն եկեղեցու բակից, վերադարձ՝ մինչև 17:00  Սուրբ Երրորդություն եկեղեցի: 

Ճամփորդության գումարը՝ 2000 դրամ մեկ անձը:

Տրանսպորտ՝ 88 AA 181 , 18 տեղ, վարորդ՝ Ալիկ Սարգսյան:

Առարկայական հեղինակային ծրագիր. երկրորդ թեմա

1. Կարդալ ,,Հեղինակայինը  ,,Մխիթար Սեբաստացի,, կրթահամալիրում, դիտարկումներ անել: 

Փաստաթղթում մանրամասն ներկայացված էին հեղինակային կրթական ծրագրի առանձնահատկությունները: 

Կրթահամալիրի հեղինակային ծրագիրը աննախադեպ երևույթ է հայ մանկավարժության, հայկական իրականության մեջ, որի բաղադրիչները, մոտեցումները, մեթոդները կարող են կիրառվել նաև ոչ հեղինակային կրթություն իրականացնող դպրոցներում, դրան են միտված  կրթական փոխանակումների բազմաբնույթ նախագծերը: 

Հեքիաթային Լոռի. եռօրյա հայրենագիտական ճամբար

Ճամբարի կազմակերպման ժամանակահատվածը՝  սեպտեմբերի 24-26

Մասնակիցներ՝ Միջին դպրոցի սովորողներ, այլ ցանկացողներ, նախագիծը բաց է...

Ճամփորդության ղեկավարներ՝ Տաթև Աբրահամյան, Ստելլա Մնացականյան

Ճամփորդության երթուղին՝ 

Մեկնում՝ Երևան-Ապարան- Սպիտակ-Վանաձոր-Դսեղ-Գարգառ

Վերադարձ՝ Գարգառ-Լոռե բերդ-Ամրակից-Վանաձոր-Սպիտակ-Ապարան-Երևան:

Գիշերակացը՝ Երկրաբանի տուն հյուրատանը

Մեկնարկ՝ Սեպտեմբերի 24-ին, Մայր դպրոցից, 12:30, ավարտ՝ սեպտեմբերի 26-ին, 18:00, Մայր դպրոց: 

Ուսումնական նախագիծ. թեմա առաջին

1. Կարդալ կարգը, քննարկել, անել առաջարկություններ, դիտարկումներ

• Ուսումնական նախագծի մշակման և իրականացման կարգ: 

Կարգում ներկայացված են ուսումնական նախագծի իրականցմանը  վերաբերող կարևոր կետեր: Ընդհանրապես կարգերը հեշտացնում և կոնկրետացնում են ուսումնական աշխատանքը:  

Կարևոր նշում է ուսումնական նախագծերի բաց լինելը, քանի որ նախագծային ուսուցումը հեղինակային կրթական ծրագրի առանձնահատկություններից մեկն է, ծրագրի տարածման միջոց է: 

Նախագծերը, արդյունքները ներկայացվում են կրթահամալիրի ուսումնական օրացույցով որոշված ստուգատեսներին, հրապարակային հաշվետվությունը՝ հեղինակային կրթական ծրագրի ստեղծագործական հավաքներին, ամփոփվում են կլոր սեղան-հավաքով։ (Մեջբերված է կարգից)

 Առաջարկում եմ այստեղ ավելացնել ՝ նախագծերի արդյունքները կարող են ամփոփվել նաև մանկավարժական հոդվածով: 

Չափորոշիչ. թեմա առաջին

1. Հանրակրթության պետական չափորոշիչը կարդալ, դուրս բերել հայոց լեզու, գրականություն ծրագրի, գիտելիքի, ինչպես նաև արժեքների և վերաբերմունքի ձևավորմանը վերաբերող վերջնարդյունքները: 

ՀԱՆՐԱԿՐԹԱԿԱՆ ՀԻՄՆԱԿԱՆ ԾՐԱԳՐԻ ՇՐՋԱՆԱՎԱՐՏԻ ՈՒՍՈՒՄՆԱՌՈՒԹՅԱՆ ԱԿՆԿԱԼՎՈՂ ՎԵՐՋՆԱՐԴՅՈՒՆՔՆԵՐԸ

1) Վերլուծի և ընկալի տարբեր բնույթի գրական հայերեն տեքստեր և հասկանա դրանց հիմնական գաղափարը:
2) Հայերեն ազատ զրուցի իրեն հետաքրքրող թեմաների մասին, կառուցի ընտրված նպատակին, խնդիրներին և լսարանին համապատասխան գրագետ բանավոր և գրավոր խոսք, այդ թվում՝ հրապարակային խոսք, կիրառի ոչ
վերբալ հաղորդակցման տարատեսակ միջոցներ:

ՏՀՏ վերապատրաստման ամփոփում

Չնայած 21-րդ դարում բոլորն էլ տիրապետում եմ մի շարք մեդիահմտությունների, բայց միայն տիրապետելը քիչ է, անհրաժեշտ է կարողանալ օգտվել ճիշտ  և գրագետ: Վերապատրաստման շնորհիվ սովորեցի կիբերանվտանգության մի քանի կարևոր սկզբունքներ, որոնք կօգնեն ճիշտ կողմնորոշվել մեդիադաշտում: 

Տեղեկատվական և հաղորդակցական տեխնոլոգիաների զարգացումը նշանակում է, որ կրթական համակարգը չի կարող շարժվել առաջ նախկինի պես՝ առանց այդ առաջընթացը ներառելու: Աշխատանքային առօրյայում հաճախ ենք օգտագործում տարբեր մոտաժային ծրագրեր, և քանի որ դրանք ներբեռնելիս համակարգիչը ծանրանում է, դժվարությամբ է աշխատում, այս վերապատրաստման ընթացքում սովորեցինք մի շարք մոնտաժային ծրագրեր օնլայն հարթակներում, որոնք արդեն սկսել եմ օգտագործել նախագծային աշխատանքներում: 

Ընտրել եմ վերապատրաստման հեռավար տարբերակը, այս օրերի ընթացքում ակտիվ աշխատել ենք և՛ էլ. փոստի հարթակում, և՛ առցանց պարապմունքներով: Շնորհակալ եմ արյդունավետ աշխատանքի, հետաքրքիր տեսադասերի և նոր գիտելիքների համար: 

Անհատական աշխատաժամանակ

Առաջին և երրորդ ուսումնական շրջանների անհատական աշխատաժամանակ

Ուրբաթյան ընթերցումներ

Նախագծի իրականացման ժամանակահատվածը՝ շուրջտարյա

Մասնակիցներ՝ 7-8-րդ դասարանի սովորողներ 

Նպատակը՝ 

• խթանել ընթերցանությունը
• գրական ճաշակ փոխանցել
• վերլուծական հմտություններ զարգացնել

Նախագծի բովանդակությունը՝

Նախագծերով ուսուցում

Իրականացման ժամանակահատվածը՝ շուրջտարյա

Մասնակիցներ՝ 7-8-րդ դասարանի սովորողներ 

Նպատակը՝

• Զարգացնել նախաձեռնելու, երևակայելու հմտություններ
• Ինքնուրույն հանդես գալու հնարավորություն տալ
• Հետազոտական աշխատանք կատարելու հմտություններ ձեռք բերել

Նախագծի բովանդակությունը՝

Քննարկում ՝ ի՞նչ է նախագիծը, ինչպե՞ս կազմել նախագիծ:

Սովորողները հանդես են գալիս առաջարկություններով, քննարկում ենք առաջարկվող տարներակները: 

Սովորողները ձևակերպում են իրենց անհատական նախագծերը: 

Նախագծերը պետք է լինեն հետաքրքիր, բխեն սովորողների հոբբիներից կամ հետաքրքրություններից, թեմայի սահմանափակում չկա, սակայն պետք է ներառեն մայրենի լեզու, լեզվագործունեություն, հետազոտական-վերլուծական աշխատանք: 

Մեդիագրագիտություն և համակարգչային անվտանգություն. Վերապատրաստում- ՏՀՏ

Մեդիագրագիտություն և համակարգչային անվտանգություն

Առաջադրանքներ

1. Որոնել որևէ տեղեկույթ, նշել աղբյուրը, բլոգում հրապաակել տեղեկույթի հավաստիության վերլուծությունը: 

Առցանց ուսումնական նյութեր, առաջադրանքներ, հարցումներ- ՏՀՏ, Վերապատրաստում

Առցանց ուսումնական նյութեր, առաջադրանքներ, հարցումներ

• Կազմել որևէ առաջադրանք, ինքնաստուգում: 
• Հրապարակել ամփոփումը: 

Նորմատիվ փաստաթղթերի որոնում

ԿԳՄՍ նախարարության կայքը` EDU.am , նորմատիվ փաստաթղթերի որոնումը կայքում։ Իրավական փաստաթղթերի որոնման համակարգեր Irtek.am Arlis.am։ Մասնակիցը նախարարության կայքից գտնում է մի փատաթուղթ՝ իրեն հետաքրքող, գրում է փաստաթղթի անունը և կցում հղումը։ Նույնանման աշխատանք որոնողական համակարգերի հետ։

EDU.am

Կրթության և գիտության բնագավառներում 2018-2022 թվականների համագործակցության մասին ծրագիր 

Irtek.am

Հայաստանի Հնարապետության հարկային օրենսգիրք 

Arlis.am

Հայաստանի Հանրապետության աշխատանքային օրենսգիրք: Համարը՝ ՀՕ-124- Ն

Հանրակրթական ուսումնական հաստատության կանոնադրությունը. գործնական աշխատանք չորրորդ

Ընթերցել  ուսումնական հաստատության կանոնադրությունը, օրենքին, չափորոշիչին համապատասխան փոփոխություններ, առաջարկություններ ներկայացնել՝ նկատի ունենալով հաստատության զարգացումը։

,,Մխիթար Սեբաստացի,, կրթահամալիրի կանոնադրությունը: 

Առաջարկներ

• Կրթահամալիրի տնօրենը չի կարող առաջադրվել (ընտրվել) խորհրդի կազմում:   Ավելացնել նաև մասնաճյուղերի ղեկավարները:
• Խորհրդի լիազորությունների ժամկետը դարձնել 2 տարի:
• Խորհրդի անդամի լիազորությունները կասեցվում են պարբերաբար բացակայելու պարագայում :
  
  

ՀՀ Սահմանադրության հոդվածներով որոշված մարդու իրավունքների և ազատությունների իրականացումը Երեխայի իրավունքների մասին ՀՀ օենքում

Գործնական աշխատանք առաջին

Ընտրել որևէ իրավունք և գրավոր ներկայացնել դրա իրականացումը օրենքում:

Ծանոթացել եմ ՀՀ Սահմանադրության 25-29, 34, 36-43, 60 հոդվածներով որոշված մարդու իրավունքներին և ազատություններին, առանձնացրել եմ 41 հոդվածը.

Հոդված 41. Մտքի, խղճի եւ կրոնի ազատությունը

Առցանց ուսումնական նյութեր, անհրաժեշտ ծրագրեր. Վերապատրաստում-ՏՀՏ

Առցանց ուսումնական նյութեր, անհրաժեշտ ծրագրեր

1. Տեքստային խմբագրիչ- Google Docs :

2. Պատկերի խմբագրիչ-  Pixlr

3. Տեսանյութի խմբագրիչ -  Kapwing ծրագիր 

Տեսանյութը ծրագրի օնլայն հղմամբ՝ այստեղ:  

Տեսանյութը ՝ youtube- ում: 

4. Ձայնանյութի խմբագրիչ - Sodaponic ծրագրով աշխատանք :

Հանրակրթության պետական չափորոշիչ. գործնական աշխատանք երրորդ

Մասնակիցը համեմատում է կառավարության 2021թ․ 136-Ն որոշմամաբ հաստատված հանրակրթության պետական չափորոշիչը հանրակրթության մասին ՀՀ օրենքի 6-րդ հոդվածով սահմանվածին, գտնում, իր կարծիքով, տարբերություններ և փորձում հիմնավորել։

ՀՀ օրենքի 6-րդ հոդվածում ասվում է ՝«Հանրակրթության պետական չափորոշիչը հաստատում է Հայաստանի Հանրապետության կառավարությունը»,մինչդեռ ՀՀ կառավարության 2021 թվականի փետրվարի 4-ի 136-Ն որոշման մեջ շեշտվում են հետևյալ կետերը՝ «Հանրակրթության պետական չափորոշիչը մշակվում է Հայաստանի Հանրապետության կրթության պետական կառավարման լիազոր մարմնի կողմից: « Հանրակրթության պետական չափորոշչի նախագիծը մշակելու նպատակով` Հայաստանի Հանրապետության կրթության պետական կառավարման լիազոր մարմնի ղեկավարի հրամանով ստեղծվում է հանձնաժողով»:

Հանրակրթության բնագավառի օրենսդրություն. գործնական աշխատանք երկրորդ

Ծանոթացել եմ Հանրակրթության մասին ՀՀ օրենքին: 

Գործնական աշխատանք

Մասնակիցը ընտրում է հետևյալ թեմաներից մեկը․

• Սովորողի իրավունքներն ու պարտականությունները
• Մանկավարժական աշխատողների իրավունքներն ու պարտականությունները
• Սովորողի ծնողի իրավունքներն ու պարտականությունները։

Սկզբում ինքնուրույն, առանց օգտվելու որևէ գրականությունից, պատասխանաում է հարցին։ Հետո իր գրածը համեմատում է օրենքի համապատասխան հոդվածի հետ։ Դեղինով նշում է այն կետերը, որոնք իր գրածում կան, բայց օրենքում չկան։ Կարմիրով լրացնում է այն կետերը, որոնք ավելացրել է օրենքից։ Աշխատանքը տեղադրում է իր բլոգում։

Ընտրել եմ ,,Ս

Տեղեկատվական և հաղորդակցական տեխնոլոգիաների կիրառումն ուսումնական գործընթացում

Տեղեկատվական և հաղորդակցական տեխնոլոգիաների կիրառումն  ուսումնական գործընթացում

Teams առցանց հարթակ

Արված աշխատանք

• Առցանց պարապմունքի համար խմբի բացում
• Առցանց դասի պլանավորում
• Իրականացում
• Առցանց դասի ձայնագրություն, ներկայացում 

Սասնա ծռեր. մաս առաջին

Սասնա ծռեր. մաս երկրորդ

Սասնա ծռեր. կլոր սեղան

Համակարգչային սարքեր և համակարգեր. ՏՀՏ - վերապատրաստում

1.Թվել համակարգչի հիմնական սարքերն ու սարքավորումներ, բացատրել դրանց դերն ու աշխատանքի սկզբունքը

Համակարգիչը մեքենա է, որը մշակում է տվյալներ՝ հրամանների ցանկին համաձայն։ Համակարգիչը համարվում է էլեկտրական սարքավորում, քանի որ բոլոր համակարգիչները աշխատում են հոսանքով,բոլոր համակարգիչները, նույնիսկ որոշ հեռախոսներ, ունեն նույն կառուցվածքը: Համակարգիչ բառը ծագել է անգլերեն compute բառից, համակարգիչ, որը թարգմանվում է որպես «հաշվարկել», «հաշվիչ» (անգլերեն բառը, իր հերթին, գալիս է լատիներեն computāre — «հաշվարկել») բառից: 

Վերապատրաստում

Վերապատրաստման կենտրոնի բլոգ

Կարևոր փաստաթղթեր

• Հայտ՝ ատեստավորման ենթակա ուսուցչին վերապատրաստող կազմակերպությանը
• Հանրակրթական ուսումնական հաստատությունների ատեստավորման ենթակա ուսուցիչների վերապատրաստման ծրագրի թեմատիկ պլան
• Ուղեցույց հանրակրթական հիմնական ծրագրեր իրականացնող ուսումնական հաստատությունների և վերապատրաստող կազմակերպությունների համար
• Վերապատրաստման դասընթացներ
• Աշխատակարգ
• Վերապատրաստման մոդուլ  (ամբողջական)
• Վերապատրաստման մոդուլներ 
• Վերապատրաստումների ժամանակացույց
• Դասընթացների խմբեր, ժամանակացույց

Վերապատրաստման մոդուլներ

• Հանրակրթության բնագավառի օրենսդրություն
• Մայրենի լեզու
• ՏՀՏ