Անհատական աշխատաժամանակ. 01-05.11.2021

01.11.2021

09:00-09:30- օրվա աշխատանքների ճշգրտում, պլանավորում

09:30-10:30- կայքի նյութերի ընթերցում, էլ. փոստի ստուգում, նամակների պատասխանում

10:30- 12:30- սովորողների հետ նամակագրություն, նախագծային աշխատանքների ստուգում, պատասխանում

12:30- 13:00- ընդմիջում

13:00-14:00- աշխատանք բլոգի, նախագծերի վրա, հոկտեմբեր ամսվա գնահատում, տեսադասերի նախապատրաստական աշխատանք

14:00-16:00- ինքնակրթություն, աշխատանքի հոդվածի վրա, մանակավարժական օրագրային պատում

Հեռավար ուսուցման նախագծեր. 8-րդ դասարան

01-05.11.2021

Հայոց լեզու 

1. Ստեղծագործական աշխատանք: Ընտրե՛ք վերնագրերից մեկը, գրե՛ք շարադրություն:

• Մտքերս
• Փնտրում եմ
• Սովորել ապրել
• Այն, ինչ սիրտս է ուզում
• Պատմելու բան կունենամ
• Սեփական մտքերից հեռու...
• Լավ է, երբ մենակ չես
• Առաջարկեք ձեր վերնագիրը: 

Հեռավար ուսուցման նախագծեր. 7-րդ դասարան

01-05.11.2021

Հայոց լեզու 

1. Ստեղծագործական աշխատանք: Ընտրե՛ք վերնագրերից մեկը, գրե՛ք շարադրություն:

• Մտքերս
• Փնտրում եմ
• Սովորել ապրել
• Այն, ինչ սիրտս է ուզում
• Պատմելու բան կունենամ
• Սեփական մտքերից հեռու...
• Լավ է, երբ մենակ չես
• Առաջարկեք ձեր վերնագիրը: 

Հոկտեմբեր ամսվա հաշվետվություն

Հոկտեմբեր ամսվա ընթացքում իրականացրած ուսումնական նախագծերի արդյունքները.

• Ձոն ուսուցչին
• Կարդում ենք Կոմիտաս
• Ուսումնական աշուն- արձակուրդային նախագիծ

Լուսաբանումներ.

• Մանկավարժական ճամբարի չորրորդ օրը
• Աշնանային հավաքի երկրորդ օրը

Մանկավարժական ճամբար. օր չորրորդ

Միջին դպրոցում շարունակվում է աշխատանքային եռուզեռը: Չնայած արձակուրդ է, սակայն մի խումբ սովորողներ վաղ առավոտից դպրոցում են՝ մաքրեցին բակը, ջրեցին միջանցքների, Մարմարյա սրահի բույսերը, դասավորեցին սենյակների գույքը: Բացի այս ամենօրյա աշխատանքները՝  Միջին դպրոցի աշխատանքային ջոկատը արձակուրդի ընթացքում կենտրոնացած է անհատական պահարանների վերանորոգման, մաքրման և ներկման աշխատանքների վրա. հեշտ գործ չէ:

Կոմիտասյան օրերի ամփոփում Կոմիտասի թանգարան-ինստիտուտում

Գրեթե երկու շաբաթ է կարդում և քննարկում ենք Կոմիտաս` այս անգամ փորձելով այլ հայացքով նայել արդեն ծանոթ հեղինակին: 

Դիտեցինք Կոմիտասի մասին պատմող կարճ ֆիլմը, որը թույլ տվեց ավելի լավ պատկերացնել Կոմիտասի արած գործը և հենց իրեն՝ հեղինակին: 

Սովորողների տարբեր խմբերի հետ կարդացինք Կոմիտասի բանաստեղծությունները, Մուշեղ Գալշոյանի ,,Ծիրանի ծառ,, ժողովածուից մի քանի պատմվածք: 

Որոշ ստեղծագործություններ ձայանգրվեցին կամ տեսագրվեցին, փաթեթը՝ այստեղ: 

Նախագծի ավարտին որոշեցինք այցելել Կոմիտասի թանգարան-ինստիտուտ, որպեսզի ամփոփենք և ամբողջացնենք նախագիծը, լսենք թանգարան-ինստիտուտի մասագետներին, տեսնենք Կոմիտասին վերաբերող նյութեր, նմուշներ, և այլն: 

Չնայած նրան, որ այցը կազմակերպվեց աշնանային արձակուրդի օրերին, մի լավ խումբ  ցանկություն հայտնեցին մասնակցել: Մասնակից սովորողների մի մասը նոր է տեղափոխվել կրթահամալիր, թանգարան-ինստիտուտում առաջին անգամ էր, նաև հաճելիորեն հետաքրքրված էին: Սա նշում եմ, որովհետև կրթահամալիրի սովորողների մեծամասնությունը կրտսեր դպրոցներում տարաբնույթ նախագծերով հասցնում է մի քանի անգամ լինել Կոմիտասի թանգարան-ինստիտուտում: Այստեղ սեբաստացիներին լավ են ճանաչում: 

Նոյեմբեր ամսվա նախագծեր

Սեբաստացու օրեր. ուսումնական նախագծեր

• Գրաբարյան օրեր
• Արևմտահայերենի օրեր
• Աշնանային ընթերցումներ

Ուսումնական ճամփորդություններ

• Տավուշ աշխարհը. Հարիսայի ծեսը Իջևանում. եռօրյա հայրենագիտական ճամփորդություն
• Հին ու նոր քաղաքների խաչմերուկում. Էջմիածին-Վաղարշապատ

Շուրջտարյա նախագծեր

• Պատուհան- թարգմանչական նախագիծ
• Ուրբաթյան ընթերցումներ
• Սովորողների անհատական նախագծեր

Հանդիպում Ալեքսան Հակոբյանի հետ

Չնայած օրը շաբաթ էր, սակայն մի խումբ սովորողների հետ քաղաքային տրանսպորտով ուղևորվեցինք Երևանի ամենահետաքրքիր թաղամասերից մեկը՝ Կոնդ: Ասեմ, որ քաղաքային տրանսպորտով երթևեկելն էլ իր յուրահատկությունն ունի:

Սուրբ Աստվածածին Զորավոր եկեղեցում հանդիպեցինք սեբաստացի պապիկ, պատմական գիտությունների դոկտոր Ալեքսան Հակոբյանին: Հանդիպման-զրույցի թեման , իհարկե, Երևանն էր: Մինչ այդ հասցրել էինք քայլել Կոնդում, լինել նաև Կոնդի Սուրբ Հովհաննես եկեղեցում: 

Որքան էլ թվում է, թե Երևանը լավ ենք ճանաչում, կամ գոնե Կենտրոնը՝ իր փողոցներով, սակայն Երևանն իր գողտրիկ անկյուններում բազմաթիվ անակնկալներ ունի մեզ համար: Սուրբ Աստվածածին Զորավոր եկղեցին յուրահատուկ կառույց էր՝ իր յուրօրինակ բակով, վեհ շարվածքով: Ովքեր չգիտեն , հենց այս եկեղեցու մատուռում են գտնվում Սուրբ Անանիա առաքյալի մասունքները: Եկեղեցին լինքն է ուխտավորներով, ջերմեռանդ քրիստոնյաներով: 

Անհատական աշխատաժամանակ- 25-29.10.2021

Մանկավարժական ճամբար

Ուսումնական աշուն- նախագիծ

25.10.2021

• Առավոտյան ընդհանուր պարապմունք
• Մանկավարժական հավաք
• Աշխատանք բակում
• Կոմիտասի թանգարան-ինստիտուտ այցելության նախապատրաստական աշխատանքներ
• Ընդմիջում
• Նոյեմբերի նախագծերի պատրաստում

Ուսումնական աշուն. նախագիծ

Հոկտեմբերի 25-29 

• Ընթերցանություն

Կարդացե՛ք որևէ գիրք ՝ ձեր ընտրությամբ: Առաջարկվող ցանկ.

- Վիլյամ Սարոյան ,,Մարդկային կատակերգություն,, 

- Ժյուլ Վեռն  ,,Տասնհինգամյա նավապետը,, 

-Ռեյ Բրեդբերի ,,Մարսյան քրոնիկոն,,

-Ռիչարդ Բախ ,,Ջոնաթան Լիվինգսթոն անունով ճայը,, 

-Այլ

Բոլոր գրքերը առկա են գրադարանում: Արձակուրդի ընթացքում գրադարանն աշխատում է: 

Մանկավարժական ճամբար. հոկտեմբերի 25-29

Առցանց աշխատանք

• Նոյեմբեր ամսվա նախագծերի կազմում
• Հոկտեմբեր ամսվա հաշվետվության հրապարակում
• ,,Սեբաստացու օրեր,, նախագծի պատրաստում
• ,,Ուսումնական աշուն,, նախագիծ, սովորողների հետ նամակագրություն
• Հոդվածի պատրաստում
• Աշխատանք ամսագրերի վրա

Աշխատանք ֆիզիկական միջավայրում 

• Հոկտեմբերի 25-ին՝ 11:00-13:00, դասասենյակի մաքրություն, աշխատանք բակում: 
• Լրացուցիչ կրթության պարապմունք

Ճամփորդական նախագծեր 

• Կոմիտասյան օրերի ամփոփում Կոմիտասի թանգարան-ինստիտուտում

Կարդում ենք Կոմիտաս

Կոմիտասյան ընթերցումներ

• Աշուն. կարդում է Յանա Սուքիասյանը
• Ճանապարհ. կարդում է Նարե Հովսեփյանը
• Երկնի կայծեր. կարդում է Նարե Հովսեփյանը
• Աշուն- գիշեր. կարդում է Հրաչյա Աղեկյանը
• Ես սիրեցի անփուշ վարդ. կարդում է Հովհաննես Գալիկյանը
• Մենավոր. կարդում է Արսեն Գևորգյանը
• Իմ երազում. կարդում է Մանե Հովսեփյանը
• Աշուն. կարդում է Դավիթ Մախասյանը
• Աշուն օր. կարդում է Մոնիկա Պողոսյանը

Աշնանային Արատես. եռօրյա հայրենագիտակա ճամբարի ամփոփում

Արատեսյան տպավորիչ ճամփորդություններին ավելացավ ևս մեկ: Հերթական ուրբաթն է, մեր ուրախ խումբը 13:00-ին ճանապարհ ընկավ Մայր դպրոցից: 

Քանի որ արդեն օրվա կեսն անցել էր, հասցրեցինք կանգնել միայն Եղեգիս գյուղում:  Եղեգիսն իր յուրօրինակ եկեղեցիներով, Եղեգիս գետով, բնության հետ միաձույլ փոքր տներով Հայաստանի ամենահետաքրքիր գյուղերից մեկն է: Տեղ հասանք գրեթե օրվա ավարտին, քայլեցինք գյուղով՝ վայելելով աշնանային բնությունը: Կանգնեցինք Սուրբ Աստվածածին եկեղեցու մոտ՝ առանձնահատուկ ուշադրությամբ զննելով բարավորի աջ և ձախ կողմերում պատկերված հուշկապարիկները: Սուրբ Աստվածածինը , ըստ արևելյան պատի արձանագրության, կառուցել է Սյունյաց Տարսայիճ եպիսկոպոսը 14-րդ դարում: Այս պահին անմխիթար վիճակում է, մուտքը փակ է, քանի որ փլվելու վտանգ կա: 

Հետո քայլեցինք Զորաց եկեղեցի՝ վայելելով ճանապարհին թափված ընկույզները, ողջունելով դեղին-դեղին բարձրահասակ ընկուզենիների տակ բերք հավաքող գյուղացիներին, շրջանցելով արոտից վերադարձող նախիրը: 

Կոմիտաս. բանաստեղծություններ

Միասնական ընթերցանության համար նախատեսված բանաստեղծություններ: 

Ճանապարհ

Բարակ ուղին սողալով,
Ոտի տակին դողալով,
Ճամփի ծայրին բուսել է
Կյանքի ծառը շողալով։

Ի՜նչ լայն սիրտ է, որ ունի
Այս ճանապարհն Անհունի․․․
Մարդու, բույսի, գազանի
Եվ թևավոր թռչունի։

Մասնագիտական զարգացում. առարկայական բաղադրիչ

1. Ուսումնական նախագիծ

2. Առարկայական հեղինակային ծրագիր

3. Նախագիծ

4. Բլոգ

5. Ներառական կրթություն հատուկ կարիքով սովորողի հետ

6. Ուսումնական ճամփորդություն

7. Ճամբարի կազմակերպում

8. Ստուգատես

Մասնագիտական զարգացում. ընդհանուր բաղադրիչ

1. Գնահատում

2. Նախագիծ 

3. Առարկայական հեղինակային ծրագիր

4. Չափորոշիչ 

Հանրակրթական բանագավառի օրենսդրություն

1. Նորմատիվ փաստաթղթերի որոնում

2. Հանրակրթական ուսումնական հաստատության կանոնադրությունը

3. ՀՀ Սահմանադրության հոդվածներով որոշված մարդու իրավունքների ու ազատությունների իրականացումը Երեխայի իրավունքների մասին ՀՀ օրենքում 

4. Հանրակրթության պետական չափորոշիչ 

5. Հանրակրթության բնագավառի օրենսդրություն

Տեղեկատվական և հաղորդակցական տեխնոլոգիաների կիրառումն ուսումնական գործընթացում

1. Համակարգչային սարքեր և համակարգեր

2. Տեղեկատվական և հաղորդակցական տեխնոլոգիաների կիրառումն ուսումնական գործընթացում

3. Առցանց ուսումնական նյութեր, անհրաժեշտ ծրագրեր

4. Առցանց ուսումնական նյութեր, առաջադրանքներ, հարցումներ

5. Մեդիագրագիտություն և համակարգչային անվտանգություն

6. ՏՀՏ վերապատրաստման ամփոփում

Վերապատրաստման հաշվետվություն

Տաթևիկ Աբրահամյան

Բլոգ- հղումը՝ այստեղ 

Էլ. փոստ՝ tatev.abrahamyan@mskh.am

Դպրոցի անվանում՝ ,,Մխիթար Սեբաստացի,, կրթահամալիր, Միջին դպրոց

Դասընթացներ՝ 

• Տեղեկատվական և հաղորդակացական տեխնոլոգիաների կիրառումն ուսումնական գործընթացում
• Հանրակրթական բնագավառի օրենսդրություն
• Մասնագիտական զարգացում. ընդհանուր բաղադրիչ
• Մասնագիտական զարգացում. առարկայական բաղադրիչ

Ամփոփում

Ամիսուկես տևած վերապատրաստման բաղադրիչներում կարևորում եմ հետևյալը.

• ՏՀՏ վերապատրաստման շնորհիվ նորից անդրադարձա կիբերանվտանգությանը, որը կարծում եմ մեր օրերում առաջնային նշանակություն ունի: 
• ՏՀՏ վերապատրաստման դասընթացների շնորհիվ սովորեցի մի շարք մոնտաժային ծրագրեր, որոնք օնլայն խմբագրման համար են. միշտ կա համակարգչի ծանրաբեռնվածության խնդիր, իսկ այս պարագայում խնդիր չի լինում: 
• Հանրակրթական բանագավառի օրենսդրության գործնական աշխատանքների շնորհիվ ծանոթացա մի շարք փաստաթղթերի հետ, որոնց մանակավարժությամբ զբաղվող մարդը պետք է ծանոթ լինի: Միշտ խուսափել եմ օրենսդարական փաստաթղթերից, այնինչ կարծես ամեն ինչ այդքան էլ սարսափելի չէ: 
• Մասնագիտական զարգացման դասընթացը հնարավորություն տվեց վերանայել, այլ հայացքով նայել հեղինակային կրթական ծրագրի բաղադրիչներին, առանձնահատկություններին, նաև անդրադառնալ այդ ուղղությամբ սեփական գործունեությանը: 
• Մասնագիտական զարգացման դասընթացների շնորհիվ կարդացի բազում հոդվածներ՝ գրված գործընկերներիս կողմից, ինչքան էլ ,,Դպիր,,- ին ուշադիր հետևում եմ, մի քանիսը վրիպել էի. նաև գրախոսելը այդ հոդվածներին այլ տեսանկյունից նայելու տարբերակ էր: 
• Բոլոր առաջադրանքները ստեղծգործական-վերլուծական էին և շատ հետաքրքիր: 
• Շնորհակալ եմ արդյունավետ աշխատանքի համար: 

Ստուգատես. թեմա 8

1. Կարդալ հոդվածը, քննարկել :

• Ստուգատեսի բովանդակություն՝ ըստ տարիքային խմբերի- Գևորգ Հակոբյան 

Հոդվածը վերաբերում էր Բնագիտատեխնիկական ամենամյա ստուգատեսի բովանդակությանը, ըստ տարիքային խմբերի ներկայացված են բովանդակային ուղղություններ: Ինձ հատակպես դուր եկավ աշխատանքի կոնկրետությունը՝ ով պետք է անի, ինչ պետք է անի, ինչպես պետք է ներկայացնի, ուսուցչի դերը որն է: 

Թվում է, թե բնագիտատեխնիական ստուգատեսը կարող է վերաբերել միայն հատուկ խմբերի, ուղղվածություն ունեցող դասարանների, բայց չէ, անգամ 2-4 տարեկան սանը կարող է մասնակցել, և բովանդակային ուղղությունները շատ էլ հետաքրքիր են, տեխնոլոգիական են : 

Ուսումնական ճամփորդություն. թեմա 6

1. Կարդալ, բլոգում գրավոր գրախոսել նյութը:

• Ուսումնական ճամփորդության կազմակերպամ կարգ: 

Ուսումնական ճամփորդությունը սովորելու լավագույն տարբերակն է: Կարգում մանրակրկիտ ներկայացված էր կազմակերպամ ամբողջ ընթացքը, մասնակիցների, ղեկավարի պարտականությունները, գործառույթները: 

Քանի որ ինքս էլ  հաճախ եմ կազմակերպում ուսումնական ճամփորդություններ, ներկայացնեմ, թե որ կետերն եմ առավել կարևորում, ինչու: 

Ներառական կրթություն հատուկ կարիքով սովորողի հետ. թեմա 5

1. Գրավոր գրախոսել կարգը, դիտարկումներ, առաջարկներ անել

Կրթահամալիրի դպրոցներում կրթության առանձնահատուկ պայմանների կարիքով սովորողի ուսուցման կազմակերպման կարգ: 

Կաևոր է հասկանալ, որ կրթության առանձնահատուկ պայմանների կարիք ունեցող սովորողը հասարակության մասն  է, այնպիսի սովորող է, ինչպիսին նույն դասարանի մյուս սովորողներն են, և Սահմանադրությամբ իրավունք ունի կրթություն ստանալու, կրթական հաստատությունն էլ պետք է հնարավորինս ամեն ինչ անի լիարժեք պայմաններ և միջավայր ստեղծելու համար: 

Կարծում եմ, որ կարգը ամբողջական է, կրթության առանձնահատուկ պայմանների կարիք ունեցող սովորողների կրթության կազմակերպմանը վերաբերող բոլոր կարևոր կետերը այստեղ նշված են: Առանձնացնեմ մի քանիսը՝ մեկնաբանելով: 

Ճամբարի կազմակերպում. թեմա 7

1. Կարդալ կարգը, գրել դիտարկումներ, առաջարկներ:

• Ուսումնական ճամբարի կազմակերպման կարգ

Ամառային և ձմեռային ուսումնահետազոտական ճամբարները ամենագրավիչն են սովորողների համար: Կարգում ներկայացվում էր ճամբարների կազմակերպման ձևը, բովանդակությունը: 

Կառաջարկեի ավելացնել, որ ջոկատների ղեկավարները առնվազն մեկ շաբաթ շուտ հրապարակում են ճամբարային նախագծերը: Ճամբարի պետը կամ ղեկավարը և ծրագրի ղեկավարը ջոկատավարների ներկայացրած նախագծերն ուղարկում են սովորողներին, ովքեր ընտրում են, թե որ ջոկատում են ցանկանում լինել: 

Առաջարկում եմ նաև ճամբարի ընդհանուր հավաքների թվարկումը ավելացնել նաև այլ գործունեություններով:

Նախագծերով ուսուցում

Նախագծեր

1. Թարգմանություններ 

Ընտրել որևէ հետաքրքիր նյութ ռուսերեն, անգլերեն կամ այլ լեզվից, թարգմանել, ներկայացնել բլոգում: Նյութին կցել բնագրի աղբյուրը: 

Կայքեր, որոնցից կարելի է օգտվել.

• Լեգենդներ
• Առակներ
• Տարբեր առականեր
• Առակներ- կայքէջ
• Առակներ 
• Կարճ պատմություններ
• Այլ, կարող եք առաջարկել կայքեր: 

Ձոն ուսուցչին

Ի՞նչ պետք է սովորեցնի ուսուցիչը. մտորումներ

• Հովհաննես Գալիկյան
• Մարի Աղայան
• Վիկտորյա Արևշատյան

Աշնանային հավաքի երկրորդ օրը

Ամենամյա աշնանային հավաքի երկրորդ օրը Միջին դպրոցում սկսվեց տոնական ընդհանուր պարապմունքով: Սովորողների մի փոքր խումբ էլ բակն էր մաքրում , հավաքում. չէ՞ որ հատկապես տոնական օրերին միջավայրի բարեկարգմանը, գեղեցկացմանը պետք է ավելի ուշադիր լինել: 

Հոկտեմբերի 5-ը ոչ միայն աշնանային հավաքի երկրորդ օրն է, այլ նաև ուսուցիչների միջազգային օրը, որը նշվում է 1994 թվականից: Եվ՛ միջանցքներում, և՛ դասասենյակներում անկեղծ շնորհավորանքներ էին հնչում, բոլորը ժպտում էին: 

Գնահատում. չորրորդ թեմա

1. Ծանոթանալ սովորողի ուսումնառության արդյունքների գնահատման սկզբունքներին, անդրադառնալ նաև կրթահամալիրի գնահատման փորձին և կատարել դիտարկում -առաջակներ: 

Ըստ վերը նշված փաստաթղթի՝ գնահատման հիմնական ձևը 10 միավորային սանդղակն է: 

10 միավորային սանդղակում որևէ թիվ չի հանդիսանում անբավարար գնահատական, և յուրաքանչյուր նիշ նկարագրում է աշակերտի հաջողության որևէ մակարդակ: (Մեջբերված է փաստաթղթից): Կարծում եմ՝ կարևոր է անբավարար գնհատական չլինելու գոնե նշումը, չնայած քննությունների, ստուգարքների ժամանակ միշտ էլ ինչ-որ անցողիկ շեմ նշվում է: 

Հանրակրթական ուսումնական հաստատությունները կարող են կիրառել գնահատման այլ համակարգ, որը համապատասխանեցվում է 10 միավորային սանդղակին: (Մեջբերված է փաստաթղթից): Չնայած նրան, որ 10 միավորային սանդղակը հստակ նշված է, ամեն դեպքում հանրակրթական հաստատությունները որոշ ազատություն ունեն: Սա կետ է, որի հիման վրա կարելի ստեղծել գնահատման մի փոքր այլ ձև: 

Բացի 10 միավորային համակարգը կա փաստաթղթով հաստատված գնահատման մեկ այլ ձև էլ՝ ձևավորող (ուսուցանող) տարբերակը, որի իրագործման ձևը, ձևաչափն ընտրում է հանրակրթական հաստատությունը: 

Հոկտեմբեր ամսվա նախագծեր

Ուսումնական նախագծեր

• Կարդում ենք Կոմիտաս
• Ձոն ուսուցչին 
• Գրաբարյան օրեր
• Աշունը պոեզիայում 
• Ուսումնական աշուն- արձակուրդ

Աշնանային ամենամյա հավաք   

Բլոգ. չորրորդ թեմա

1. Կարդալ հոդվածները և մեկը քննարկել բլոգում: 

Բլոգը՝ անհատակենտրոն ուսուցման հարթակ - Նվարդ Սարգսյան

21-րդ դարում, երբ գիտությունը անընդհատ զարգացում է ապրում, կրթությունը չի կարող հին ձևով շարունակվել: Կրթահամալիրի առանձնահատկություններից մեկը բլոգային ուսուցումն է, որը , կարծում եմ, հաջողված է և նորարություն է կրթության ոլորտում: Միաժամանակ բլոգային ուսուցումը նաև մեծ հնարավորություններ է տալիս  և մեծ պատասխանատվություն է: Սովորողի և ուսուցչի ամբողջ գործունեությունը բաց է և թափանցիկ, իսկ հեղինակային կրթական ծրագրի տարածման համար դա շատ հարմար է: Բլոգը պահոց է, որը թույլ է տալիս ըստ տարիների հավաքել արված աշխատանքները, դարակներով դասավորել, հեշտությամբ գտնել անհրաժեշտ նյութերը, ստեղծած նյութերի վրա աշխատել, լրացնել : Բլոգի հնարավորությունները բազմազան են: Որպես կրթահամալիրի ուսուցիչ, ով արդեն ինը տարի բլոգային ուսուցմամբ է աշխատում, պետք է ասեմ, որ բլոգներով աշխատելը նաև շատ հեշտ է: 

Հոդվածում մանրամասն շարադրված էր բլոգներով աշխատանքի առավելությունները և թերությունները: Համաձայն եմ բոլոր կետերի հետ.  բլոգի հրապարակային լինելը ենթադրում է նաև պատասխանատու աշխատանք, քանի որ հանրությանը տեսանելի են լինում նաև վրիպակները, սխալները, ոչ գրագետ աշխատանքները: Ուշագրավ էր հոդվածում նկարագրված ուսումասիրությունը, որը հոդվածագիրը կատարել էր սովորողների հետ: Նման ուսումնասիրությունները միշտ էլ օգնում են ավելի կոկիկ աշխատանք անելուն, հնարավորություն են նորից վերանայելու արածը, լրացումներ անելու: